మేకప్ లేకుండా గార్జియస్ స్కిన్ తో మెరిసిపోవడం ఎలా..?

బేబీక్రిమ్ తో :

సాధారణంగా మేకప్ వేసుకోవాలంటే ముందు ముఖానికి మాయిశ్చరైజర్ అప్లై చేసుకుని, ప్రైమర్ రాసి ఆ తర్వాత ఫౌండేషన్ వేసుకుంటాం. అయితే దీని వల్ల మేకప్ ఉత్పత్తులన్నీ కలిసి ముఖంపై మందైన పొరగా ఏర్పడతాయి. అంతే కాదు, వీటి వల్ల చర్మ రంద్రాలు మూసుకుపోయే అవకాశం కూడా ఉంటుంది. అందుకే వీటికి బదులుగా బేబీ క్రీమును ఉపయోగిస్తే మంచిది. ఇది చర్మాన్ని మాయిశ్చరైజర్ చేయడంతో పాటు కాంతివంతంగా మారేలా చేస్తుంది. అంతే కాదు దీనిలో సూర్య రశ్మి నుంచి చర్మాన్ని కాపాడే గుణాలు కూడా ఉంటాయి. కాబట్టి, దీన్ని ఉపయోగిస్తున్నప్పుడు సన్ స్క్రీన్ లోషన్ రాసుకోవాల్సిన అవరసం ఉండదు.

సన్ స్క్రీన్ లోషన్ తో :

కొంత మంది చర్మానికి మేకప్ ఉత్పత్తులు సరిపడవు. అలాంటి వారు ముఖానికి మాయిశ్చరైజర్ ఆ తర్వాత సన్ స్క్రీన్ బ్రైటనింగ్ క్రీమ్ ను ఉపయోగిస్తారు. అలాంటి వారు సన్ స్క్రీన్ లోషన్ ని ఉపయోగిస్తే సరిపోతుంది. ఇది చర్మాన్ని సూర్యరశ్మి బారి నుండి కాపాడటంతో పాటు చర్మంలో తమేమ కోల్పోకుండా చేస్తాయి. కొన్ని రకాల సన్ స్క్రీన్ లోషన్లు సూర్య రశ్మి నుంచి చర్మాన్ని రక్షించడమే కాకుండా మాయిశ్చైజ్ కూడా చేస్తాయి. అలాగే చర్మాన్ని కాంతివంతంగా కనిపించేలా చేస్తాయి . అందుకే మాయిశ్చరైజర్ , స్కిన్ బ్రైటనింగ్ క్రీమ్ లకు బదులుగా సన్ స్క్రీన్ లోషన్ ని ఉపయోగిస్తే సరిపోతుంది. అయితే దీని ఎస్పీఎప్ విలువ చర్మ తత్వానికి సరిపోయే విధంగా చూసుకోవాలి.

ఐ మేకప్:

ఐషాడో, ఐలైనర్ మస్కారా వంటి వాటిని ఉపయోగించడం వల్ల కళ్ళ అందాన్ని రెట్టింపు చేసి చూపించవచ్చు. అయితే కళ్ళ భాగంలో చర్మం చాలా సున్నితంగా ఉంటుంది. ఫలితంగా వీటిలోని రసాయనాల ప్రభావానికి పాడయ్యే అవకాశం ఉంటుంది. అందుకే వీలైనంత తక్కువ మేకప్ తోనే గ్రాండ్ లుక్ వచ్చేలా చేసుకోవాలి. దీనికోసం నలుపు రంగు ఐలైనర్ కి బదులుగా బ్రౌన్ రంగుని ఎంచుకోవాలి. అలాగే వాటర్ ఫ్రూఫ్ మస్కారాని వేసుకుంటే కళ్ళు అందంగా మెరిసిపోతాయి.

లిప్ స్టిక్ ఇలా:

పెదాలకు లిప్ స్టిక్ సరైన రీతిలో వేసుకోవడం ద్వారా ముఖ సౌందర్యాన్ని మరింత ఇనుమడించేలా చేసుకోవచ్చు.దీనికోసం లేత, మద్యరంగుల్లో ఉండే లిప్ స్టిక్ ని ఎంపిక చేసుకోవాలి. ముందుగా లిప్ బామ్ అప్లై చేసుకుని ఆ తర్వాత లిప్ స్టిక్ రాసుకోవాలి. ఆ తర్వాత దీనికి తగిన లిప్ గ్లాస్ అప్లై చేసుకోవడం ద్వారా అందమైన పెదాల్ని సొంతం చేసుకోవచ్చు. ఫలితంగా ముఖ సౌందర్యం రెట్టింపు అవుతుంది.

హైలైట్ చేయాలి:

ప్రతి ఒక్కరి ముఖంలోనూ ఏదో ఒక భాగం అందంగా ఉంటుంది. ముందు దాన్ని గుర్తించి హైలైట్ చేయడం ద్వారా తక్కవ మేకప్ తోనే మంచి లుక్ ని సొంతం చేసుకోవచ్చు. కొంతమందిలో కళ్ళు ఆకర్షణీయంగా ఉంటే మరికొందరిలో ముక్కు, ఇంకొందరికి పెదాలు, అందంగా కనిపిస్తాయి. ముఖంలో ఏ) భాగం అందంగా కనిపిస్తే దాన్ని మరింత అందంగా కనిపిస్తే దాన్ని మరింత ఆకర్షణీయంగా తీర్చిదిద్దుకోవాలి. అప్పుడు మన సౌందర్యం మరింత ఇనుమడిస్తుంది.