చలికాలపు ర్యాషెస్ ని తగ్గించుకోటానికి అద్భుత చిట్కాలు

అవకాడో,అరటిపండు మరియు బొప్పాయి పేస్ట్

బొప్పాయిలో ఎక్కువ నీటిశాతం ఉంటుంది, ఇది చర్మాన్ని మృదువుగా,మెత్తగా,తేమ నిండేట్లా చేస్తుంది.

అవకాడో మరియు అరటిపండులో విటమిన్ ఇ మరియు పొటాషియం అధికంగా ఉండి, మీ చర్మంలో తేమను తిరిగితెస్తుంది.

ఎలా వాడాలి

అరటిపండు తొక్కతీసి బొప్పాయి మరియు అవకాడోతో కలపండి. అంతా పేస్టులాగా చేయండి.

ఈ మిశ్రమాన్ని మీ మొహం మొత్తంపై రాయండి.

దాన్ని అలానే 15 నిమిషాలు వదిలేయండి.

తర్వాత నీటితో కడగండి.

మంచి ఫలితాల కోసం, ఈ పద్ధతిని వారానికి రెండుసార్లు పాటించండి.

దోసకాయ

ఎక్కువ నీటి శాతం మాత్రమేకాక, దోసకాయలలో అనేక పోషక విలువలు కూడా ఉంటాయి. తేమగుణాలు, ముఖ్యపోషకాలతో దీనిలో ఉండే చల్లబరిచే గుణం, మంటను,వాపును తగ్గిస్తుంది.

ఎలా వాడాలి;

ఒక దోసకాయ మొత్తాన్ని చెక్కు తీయండి.

ముక్కలు చేసి పేస్టులా చేయండి.

మీ మొహం మొత్తంపై ఈ పేస్టు రాసి, 30 నిమిషాలు అలానే వదిలేయండి.

నీటితో కడిగేయండి.

మీరు దోసకాయల ముక్కలను కూడా ర్యాష్ వచ్చిన ప్రాంతంలో నేరుగా రుద్దవచ్చు. దానివల్ల మీకు మంట తగ్గి ఉపశమనం లభిస్తుంది.

నూనెలు

నూనెలు చర్మాన్ని కాపాడి, సహజంగా తేమను పెంచే పదార్థాలుగా ఉపయోగపడతాయి.

ఎలా వాడాలి;

మీరు ఆలివ్ నూనె, కొబ్బరినూనె, బాదం నూనె వంటి వాటిల్లో ఏదైనా మీ చర్మం యొక్క తేమ కోసం వాడవచ్చు.

స్నానం తర్వాత నూనెను మీ శరీరంపై మసాజ్ చేయండి. సరిపోయేంత నూనెను మీ శరీరానికి పట్టించండి. మీరు నూనెను రాసేముందు దాన్ని వేడిచేసి కూడా తర్వాత మీ శరీరానికి రాసుకోవచ్చు.

ఓట్ మీల్

ఓట్ మీల్ లో విటమిన్ ఇ ఉంటుంది, ఇది చర్మానికి తేమను అందిస్తుంది మరియు సహజంగా మృతకణాలను తొలగించే ఎక్స్ ఫోలియంట్ గా కూడా పనిచేస్తుంది.

ఎలా వాడాలి

ఒక కప్పు ఓట్ మీల్ ను మిక్సీలో వేసి పొడిగా చేయండి.

నీటిని జతచేసి గట్టి పేస్టుగా కలపండి.

ఈ పేస్టును ర్యాషెస్ వచ్చిన ప్రాంతాలలో రాయండి.

శుభ్రమైన గుడ్డతో దాన్ని కప్పి 30 నిమిషాల పాటు అలా ఉంచండి.

నీటితో కడిగేయండి.

ప్రతిరోజూ ఇలా చేసి చర్మం మంట, దురద మరియు చలికాలపు ర్యాషెస్ కి దూరంగా ఉండండి.

పాల మీగడ

పాలమీగడలో లాక్టిక్ ఆసిడ్ ఉంటుంది. ఇది చర్మం నిగారింపుకి,మెరవడానికి సాయపడుతుంది. దీనిలో ఉండే తేమగుణాలు తేమను స్థిరంగా చర్మంపై ఉంచి, మీ చర్మాన్ని మెత్తగా మరియు నిగనిగలాడేలా చేస్తుంది.

ఎలా వాడాలి

ఒక గిన్నెలో ఒక కప్పు పాలమీగడ మరియు మెత్తగా చిదిమిన అరటిపళ్ళను వేయండి.

మొత్తం సరిగా కలపండి.

ఈ మిశ్రమాన్ని మీ ముఖంపై రాసి 30 నిమిషాలపాటు ఉంచేయండి.

మామూలు నీటితో కడిగేయండి.

తేనె

తేనె సహజమైన మాయిశ్చరైజర్. దానిలోని బ్యాక్టీరియా వ్యతిరేక, యాంటీఆక్సిడెంట్ లక్షణాలు పాడైన చర్మకణాలను బాగుచేసి తేమను తిరిగితెస్తాయి.

ఎలా వాడాలి

2-3చెంచాల తేనెను వేడిచేయండి.

ర్యాషెస్ ఉన్న ప్రాంతాలలో దీన్ని పూయండి.

15-20నిమిషాలు అలా వదిలేసి మామూలు నీరుతో కడిగేయండి.

డ్రై ఫ్రూట్లు

బాదం, జీడిపప్పు మరియు కిస్మిస్ లు మీ చర్మంలో తేమను పెంచి పొడిచర్మాన్ని తొలగిస్తాయి.

వీటిని మీ డైట్ కి జతచేయడం వలన చలికాలపు ర్యాషెస్ తో పోరాడటానికి ఉపయోగపడతాయి.

చలికాలం ర్యాషెస్ రాకుండా నివారించే పద్ధతులు

వేడినీటిలో స్నానం చేయకండి, సుగంధద్రవ్యాలు లేని సబ్బు వాడండి

కాటన్ లేదా జనపనార బట్టలు ధరించండి.ఇది మీ చర్మం వేడెక్కకుండా, మంట రాకుండా చేస్తుంది.

చలికాలంలో బయటకి వెళ్ళేముందు ఎప్పుడూ గ్లోవ్స్ వేసుకోండి.

కొన్ని చలికాలపు ర్యాషెస్ చిన్నగానే ఉంటాయి,ఇవి పై చిట్కాలతో తొలగిపోతాయి. ఇతర కొన్ని ర్యాషెస్ సీరియస్ గా ఉండి వైద్య సాయం అవసరమవుతుంది. మీ ర్యాషెస్ తగ్గకపోతే వైద్యుడ్ని సంప్రదించండి.