పెరుగు ఫేస్ ప్యాక్ తో చర్మంలోని నిగారింపు..!!

పావుకప్పు పెరుగులో, రెండు చెంచాల ఓట్స్‌ పొడి

పావుకప్పు పెరుగులో, రెండు చెంచాల ఓట్స్‌ పొడి, చెంచా తేనె, కొద్దిగా నిమ్మరసం చేర్చుకోవాలి. ఈ మిశ్రమాన్ని ముఖం, మెడ, చేతులకు రాసుకుని మర్దన చేసుకోవాలి. పూర్తిగా ఆరాక కడిగేయాలి. దీనివల్ల మృతకణాలు పోవడమే కాదు, చర్మం కూడా తాజాగా కనిపిస్తుంది. ముఖంపై నల్లటి మచ్చలూ తగ్గుముఖం పడతాయి.

పావుకప్పు పెరుగులో, టేబుల్‌ స్పూను నిమ్మరసం,

పావుకప్పు పెరుగులో, టేబుల్‌ స్పూను నిమ్మరసం, కాస్త బాదం నూనె వేసి ఓ గంటసేపు ఫ్రిజ్‌లో ఉంచాలి. దీన్ని చేతులూ గోళ్లకు సవ్య, అపసవ్య దిశలో మర్దన చేయాలి. ఇరవై నిమిషాలయ్యాక గోరువెచ్చని నీళ్లతో శుభ్రం చేసుకోవాలి. గోళ్లచుట్టూ ఉండే చర్మం మృదువుగా మారుతుంది. గోళ్లూ, చేతులూ ఆరోగ్యంగా కనిపిస్తాయి.

రెండు చెంచాల పెరుగులో అరచెంచా తేనె

రెండు చెంచాల పెరుగులో అరచెంచా తేనె కలిపి ముఖానికి రాసి ఆరాక కడిగేయండి. తేనె చర్మాన్ని తేమగా ఉంచితే, పెరుగు తాజాదనం అందిస్తుంది. ఇది పొడిచర్మతత్వం ఉన్నవారికి ఉపయోగపడుతుంది.

రెండు చెంచాల పెరుగులో చెంచా ముల్తానీమట్టి

మొటిమలూ, వాటి తాలూకు మచ్చలు ఇబ్బంది పెడుతున్నాయా? రెండు చెంచాల పెరుగులో చెంచా ముల్తానీమట్టి కలిపి ముఖానికి పూతలా వేయండి. పదిహేను నిమిషాల తరవాత కడిగేసుకుంటే చాలు.

పెరుగూ, అరటిపండు గుజ్జూ

చెంచా చొప్పున పెరుగూ, అరటిపండు గుజ్జూ, కొద్దిగా గుడ్డుసొన కలిపి ముఖానికి రాసుకోవాలి. ఈ పూత చర్మాన్ని మెరిపించేలా చేస్తుంది.

పెరుగులో ఒకటిన్నర చెంచా ఓట్‌మీల్‌పొడి,

ఎండకారణంగా ముఖం నల్లగా మారిందా. చెంచా పెరుగులో ఒకటిన్నర చెంచా ఓట్‌మీల్‌పొడి, కొద్దిగా సెనగపిండి కలపాలి. దీన్ని ముఖం, మెడకూ పూతలా రాసి మృదువుగా మర్దన చేసి ఆరాక కడిగేయాలి. ఇలా వారంలో రెండుసార్లు చేస్తే మార్పు కనిపిస్తుంది.

సన్ టాన్, జుట్టు సమస్యలు తగ్గిస్తుంది

రోజంతా బయట గడిపేవారిపై ఎండ ప్రభావం ఉంటుంది. చర్మం నల్లగా మారడం, జుట్టు చిట్లడం వంటి సమస్యలు ఎదురవుతాయి. ఇలాంటివారు పెరుగులో పావుకప్పు నిమ్మరసం, మూడు టేబుల్‌స్పూన్ల ఆలివ్‌నూనె కలిపి తలకు పట్టించాలి... ముఖానికీ పూతలా రాసుకోవాలి. అరగంటయ్యాక స్నానం చేయాలి. చిట్లిన జుట్టు సమస్య తగ్గుతుంది. చర్మం కాంతిమంతంగా మారుతుంది. పెరుగులోని జింక్‌, లాక్టిక్‌ యాసిడ్‌లే అందుకు కారణం.