దోసకాయ రసం కలుగజేసే ఎనిమిది అద్భుత చర్మ సౌందర్య ప్రయోజనాలు.

1. చర్మాన్ని పునరుత్తేజితం చేస్తుంది

దోసకాయ రసంతో మీ చర్మంకు తాజాదనం అందించి, పునరుత్తేజితం చేయడానికి ఒక సులభమైన మార్గం, మీకోసం:

• ఒక దోసకాయ చెక్కు తీసి, గింజలను వేరుచేయండి. కలబంద ఆకులోని గుజ్జును వేరుచేయండి.

• ఇప్పుడు రెండింటిని కలిపి బ్లెండర్లో 3 నుండి 5 నిముషాలు పాటు బ్లెండ్ చేసి, ముఖంపై పూసుకోండి.

• ముప్ఫై నిమిషాల పాటు ఆరనిచ్చి నీటితో కడిగేయాలి.

• ఇలా వారానికి ఒకసారి చేస్తే మీ చర్మం పునరుత్తేజితం అవుతుంది.

2. మేనిఛాయను తెలికపరుస్తుంది:

దోసకాయ మేనిఛాయను తెలికపరిచే ప్రభావాలకు ప్రసిద్ధి చెందింది. యాంటీ ఆక్సిడెంట్లు మరియు సిలికా సమృద్ధిగా ఉన్నందున, చర్మం యొక్క రంగు తేలికబడి తాజాగా మారుతుంది.

• దోసకాయపై చెక్కు తీసి, బ్లెండ్ చేసి జ్యూస్ తీయండి.

• బంగాళదుంపపై చెక్కు తీసి, బ్లెండ్ చేసి జ్యూస్ తీయండి.

• సమాన పరిమాణంలో తీసుకుని,ఈ రెంటినీ కలపండి.

• దూది ఉండను ఈ రసంలో ముంచి చర్మంపై రాసుకుని సహజంగా ఆరనివ్వాలి.

• తరువాత నీటితో కడిగేయండి.

దోసకాయ మరియు బంగాళాదుంపల రెండింటిలోను ఉండే బ్లీచింగ్ లక్షణాలు మెలనిన్ ఉత్పత్తిని నిరోధించి, హైపెర్పిగ్మెంటేషన్ ను తొలగిస్తాయి.

3. చర్మంపై టోనర్ లా పనిచేస్తుంది

దోసకాయ రసం మంచి టోనర్ లా పనిచేస్తుంది. ఇది ముఖాన్ని శుభ్రపరిచి,తేమనందించి, సాధారణ మోటిమలతో పోరాడి, చర్మాన్ని తెలికబరుస్తుంది. దీని యొక్క సామర్థ్యం మరియు దీని వలన కలిగే చర్మం సౌందర్య ప్రయోజనాలను విస్మరించలేము. దీనిలో ఖనిజాలు మరియు విటమిన్లు రోజ్ వాటర్ వంటి సహజ పదార్ధాలను సమృద్దిగా కలిగి ఉన్న కలిపితే, గొప్ప చర్మ టోనర్ లా పనిచేస్తుంది.

• కొన్ని చుక్కల రోజ్ వాటర్ ను దోసకాయ రసంలో కలపండి.

• మీ ముఖం శుభ్రపరుచుకుని, ఒక దూది ఉండ సహాయంతో దీనిని టోనర్ లా రాసుకోండి.

• 15 నిముషాలు ఆరనిచ్చి, కడిగేయాలి.

4. సూర్యుని వలన కమిలిన చర్మంను బాగుచేస్తుంది

సూర్యుని ప్రభావం వలన కమిలిన చర్మ భాగంపై దోసకాయ అద్భుతంగా పనిచేస్తుంది. . ఇది యాస్ట్రిజెంట్ గా పనిచేసి, మేనిఛాయను తేలికపరుస్తుంది.

• తురిమిన తాజా కీరాదోసకాయ రసాన్ని తీయండి.

• ఈ రసంను, మీ చేతులు మరియు ముఖంపై లేదా శరీరం పై ప్రభావిత ప్రదేశంలో రాసుకోవాలి.

• 20 నిముషాలు ఆరాక, కడిగేయాలి.

• ప్రత్యామ్నాయంగా, ప్రభావిత ప్రదేశంలో చల్లబరచిన దోసకాయ ముక్కలు లేదా ముద్దగా చేసిన దోసకాయను రాసుకుని, మీకు నచ్చినంత సమయం ఉంచండి.

5. నల్లని వలయాలను తగ్గిస్తుంది:

అలసిపోయిన కళ్ళు మరియు నల్లని వలయాలకు, దోసకాయ కంటే మెరుగైన నివారణ లేదు. దోసకాయలోని యాంటీ ఆక్సిడెంట్లు మరియు సిలికా, నల్లని వలయాలను తగ్గించడంలో సహాయపడతాయి. దీనిలోని ఆస్కార్బిక్ ఆమ్లం నీరు నిలుపుదలను నిరోధిస్తుంది, తద్వారా కళ్ళు ఉబ్బడాన్ని కూడా తగ్గిస్తుంది.

• తాజా కీరాదోసకాయ రసాన్ని తీయండి.

• దూది ఉండను దానిలో ముంచి కళ్ళ చుట్టూ ఉన్న నల్లని వలయాలకు రాసుకోవాలి.

• ఇరవై నిమిషాల పాటు ఆరనిచ్చి కడిగేయండి.

• లేదంటే, ఫ్రిజ్ లో చల్లబరచిన దోసకాయ ముక్కలను కళ్లపై పెట్టుకోండి.

• పదిహేను నిమిషాల పాటు విశ్రాంతి తీసుకోండి.