ఈ అద్భుతమైన యాస్పిరిన్ ఫేస్ మాస్కులను మీరూ ప్రయత్నించవచ్చు

పొడి చర్మానికి యాస్పిరిన్- తేనె ఫేస్ ప్యాక్

యాస్పిరిన్, తేనెల కాంబినేషన్ చర్మంపై తేమను నిలిపివుంచి మొటిమలు రాకుండా చేస్తుంది. కొన్నిసార్లు పొడిచర్మంపై కూడా మొటిమలు రావచ్చు. యాంటీ బ్యాక్టీరియల్ లక్షణాలుండే తేనె వాపును, మొటిమల మచ్చలను నయం చేసి, చర్మం బాగయ్యేలా చేస్తుంది.

కావాల్సిన పదార్థాలు

5-6 యాస్పిరిన్ టాబ్లెట్లు

1చెంచా తేనె

కొన్ని చుక్కల ఆలివ్/బాదం నూనె

ఎలా వాడాలి

1.మొదట 5-6 యాస్పిరిన్ టాబ్లెట్లు తీసుకుని పొడి చేయండి.

2.ఈ టాబ్లెట్ల పొడిలో కొన్ని చుక్కల నీరు పోసి పేస్టులా చేయండి. ఈ పేస్టు మరీ పల్చగా ఉండకూడదు.

3.ఈ పేస్టుకి ఒక చెంచా తేనెను జతచేసి బాగా కలపండి.

4.కొన్ని చుక్కల ఆలివ్/బాదం నూనెను ఈ యాస్పిరిన్ పేస్టులో వేయండి.

5.ఈ మిశ్రమాన్ని మీ ముఖంపై సమంగా పట్టించి ఒక 15 నిమిషాలు అలానే వదిలేయండి. పావుగంట తర్వాత గోరువెచ్చని నీటితో కడిగేయండి.

యాస్పిరిన్ టోనర్

యాస్పిరిన్ ను ముఖంపై టోనర్ గా కూడా వాడవచ్చు. ఇది టోనర్ గానే కాక, చనిపోయిన కణాలను తొలగించి రంగుపోవటాన్ని తగ్గిస్తుంది. ఇది ఉబ్బిన చర్మాన్ని కూడా మామూలు చేస్తుంది.

కావాల్సిన పదార్థాలు

8-10 యాస్పిరిన్ టాబ్లెట్లు

4చెంచాల వైట్ వెనిగర్

నీరు

ఎలా వాడాలి

1. 8-10 యాస్పిరిన్ టాబ్లెట్లను 1/2 కప్పు నీళ్ళలో కరిగించండి.

2.4 చెంచాల వెనిగర్ ను అందులో వేయండి.

3. మొహం ఒకసారి కడుక్కున్నాక దీన్ని ముఖంపై దూదితో రాసుకోండి.

4.10 నిమిషాలు అలా వదిలేసి గోరువెచ్చని నీటితో కడిగేయండి.

5. తర్వాత వాడుకోటానికి కూడా మీరు దీన్ని తయారుచేసి స్ప్రే బాటిల్ లో నిల్వ చేసుకోవచ్చు.

ఎండ వల్ల పాడైన చర్మానికి యాస్పిరిన్

ఈ మాస్క్ ఎండవల్ల చర్మం పాడవటాన్ని తగ్గిస్తుంది. యాస్పిరిన్ చనిపోయిన చర్మకణాలను ఎక్స్ ఫోలియేట్ చేయటంలో సాయపడుతుంది.

కావాల్సిన వస్తువులు

5-6 యాస్పిరిన్ టాబ్లెట్లు

1 చెంచా పెరుగు

కొన్ని చుక్కల నిమ్మరసం

కొన్ని చుక్కల ఆలివ్ నూనె

ఎలా వాడాలి

1.5-6 యాస్పిరిన్స్, 1 చెంచా పెరుగు, కొన్ని చుక్కల తాజా నిమ్మరసాన్ని కలపండి.

2.ఇప్పుడు దీనికి కొన్ని చుక్కల ఆలివ్ నూనెను వేసి కలపండి.

3.సమస్య ఉన్న చోట్ల ఈ మిశ్రమాన్ని పట్టించి 20 నిమిషాలు ఆగండి.

4.20 నిమిషాల తర్వాత మామూలు నీళ్ళతో కడిగేసి పొడిగా తుడుచుకోండి.