ప్రకాశవంతమైన ముఖ సౌందర్యానికి యోగర్ట్ - హనీ ఫేస్ ప్యాక్.

కావలసిన పదార్ధాలు :

1) 1 టేబుల్ స్పూన్ సాదా పెరుగు(యోగర్ట్)

2) 1 స్పూన్ తేనె

3) చిటికెడు దాల్చిన చెక్క పొడి

4) చిటికెడు జాజికాయ పొడి

తయారుచేయు విధానం :

ఒక శుభ్రమైన గిన్నెలో యోగర్ట్ తీసుకోండి. ఈ యోగర్ట్ ఏ ఇతర ఫ్లేవర్స్ కలిగి లేదని నిర్ధారించుకోండి. దీనికి కారణం మార్కెట్లో గ్రీన్ యాపిల్ యోగర్ట్, పైనాపిల్ యోగర్ట్ అంటూ ఫ్లేవర్డ్ యోగర్ట్స్ అధికంగా లభిస్తుంటాయి. తరువాతి దశలో, ఈ సాధారణ యోగర్ట్లో ముడి తేనెను కలిపి మిశ్రమంగా చేయండి. ఈ మిశ్రమంలో దాల్చిన చెక్క పొడి, మరియు జాజికాయ పొడిని చేర్చి మరలా మిశ్రమంగా చేయండి. అధిక మోతాదులో వీటిని జోడించడం కారణంగా మీ చర్మానికి చికాకు కలిగించవచ్చు. కావున ఈ రెండూ చిటికెడు మాత్రమే జోడిస్తున్నారని నిర్ధారించుకోండి. చివరిగా, గిన్నెలో అన్ని పదార్ధాలను మిళితం చేసి, మృదువైన పేస్ట్ వలె తయారుచేయండి.

అప్లై చేసే విధానం :

మీరు మీ ముఖం మీద దరఖాస్తు చేసుకునే ముందు, ఆ పదార్ధాల కారణంగా అలెర్జీ కలగదని నిర్ధారించుకోవడానికి, మీ చేతి మీద ఒక ప్యాచ్ వలె మిశ్రమాన్ని రాసి, పరీక్ష చేయండి. ఎటువంటి దుష్ప్రభావాలు (సాధారణంగా చికాకు) లేవని నిర్ధారించుకున్న తర్వాతనే, ముఖానికి దరఖాస్తు చేసుకోండి.

మొదటగా, మీ ముఖాన్ని శుభ్రంగా చల్లటి నీటితో కడగండి. క్రమంగా ముఖం మీద ఉన్న దుమ్ము, ధూళిని తొలగించండి. తువాలుతో శుభ్రపరచి, ముఖాన్ని పొడిగా ఉంచండి. తర్వాత, మీ ముఖం మీద యోగర్ట్ మరియు తేనె మిశ్రమాన్ని పొరలా సున్నితంగా వలయాకారంలో మర్దన చేస్తున్నట్లుగా వర్తించండి. సుమారు 7 నుండి 10 నిమిషాల పాటు అలాగే వదిలివేయండి. 10 నిముషాల తర్వాత మీరు ఆ మిశ్రమాన్ని వెచ్చని నీటితో శుభ్రం చేయండి. ఉత్తమ ఫలితాలను పొందుటకై కొన్ని వారాల పాటు కనీసం వారానికి ఒకసారి అనుసరించడం మంచిదిగా సూచించబడుతుంది.

యోగర్ట్ (లేదా పెరుగు) యొక్క ప్రయోజనాలు :

యోగర్ట్, మనకు తెలిసిన, మరియు ప్రతి ఇంటిలో కనిపించే సాధారణ వంటగది పదార్థాలలో ఒకటి ఉంటుంది. ప్రాచీన కాలం నుండి దీనిని చర్మ సంరక్షణ ప్రయోజనాల దృష్ట్యా అనుసరిస్తున్నారు అంటే ఆశ్చర్యం కలుగకమానదు. లాక్టిక్ యాసిడ్లో అధికంగా ఉండే యోగర్ట్, చనిపోయిన మృత కణాలను తీసివేయడం ద్వారా చర్మాన్ని తేజోమయంగా చేయడంలో చర్మానికి సహాయపడుతుంది. మరియు చర్మం జీవకళ సంతరించుకునేలా సహాయం చేస్తుంది. అంతేకాకుండా, ముఖం మీది నల్ల మచ్చలు, రంగు మారడం వంటి చికిత్సలో సహాయపడే ప్రోబయోటిక్స్ కలిగి ఉండడం దీని ప్రత్యేకత.

తేనె యొక్క ప్రయోజనాలు :

తేనెను సహజమైన హీలర్ మరియు బ్లీచ్ వలె భావిస్తారు. ఇది చర్మాన్ని హైడ్రేటింగ్ చేయడం ద్వారా, ప్రకాశవంతంగా మెరుగుపరుస్తుంది. క్రమంగా తేమగా ఉంచడంలో సహాయపడుతుంది. అలాగే, అధిక మొత్తంలో అనామ్లజనకాలు కలిగి ఉండడం ద్వారా చర్మం తిరిగి రూపాంతరం చెందడంలో, మరియు ఆరోగ్యకరమైన రీతిలో ఉంచడంలో సహాయపడుతుంది. తేనెలోని యాంటి ఇన్ఫ్లమేటరీ లక్షణాలు చర్మంపై వాపు వంటి సమస్యలకు సైతం చికిత్సను అందివ్వగలవు. ఉదాహరణకు మొటిమలు, ఆక్నే సమస్య, చారలు, గాయాలు మొదలైనవి. తేనెని క్రమం తప్పకుండా దరఖాస్తు చేయడం ద్వారా, ముఖం ప్రకాశవంతంగా ఉంచడంలో సహాయపడగలదు.

దాల్చిన చెక్క యొక్క ప్రయోజనాలు :

దాల్చిన చెక్కను ముఖం మీద వాడడం గురించి వింటే, ఆశ్చర్యపోవడం సహజం. అయితే, దాల్చిన చెక్క పొడిని దరఖాస్తు చేయడం ద్వారా అనేక ప్రయోజనాలను పొందవచ్చునని బ్యూటీషియన్లు సూచిస్తుంటారు. ఇది రక్త ప్రసరణను మెరుగుపరచడంలో సహాయపడుతుంది మరియు చర్మాన్ని కాంతివంతంగా చేయడంలో సహాయపడుతుంది. ఇది చర్మం యొక్క ఉపరితలంపై గల బ్యాక్టీరియాను చంపడంలో మరియు నిర్వీర్యం చేయడంలో సహాయపడుతుంది.

జాజికాయ యొక్క ప్రయోజనాలు :

జాజికాయ చనిపోయిన చర్మం కణాలను తొలగించి, నిస్తేజమైన చర్మం పునః సంతరించుకునేలా చికిత్స చేయగల లక్షణాలను కలిగి ఉంటుంది. దీనిలోని వైద్య లక్షణాలు మొటిమలు, ఆక్నే సమస్యలు, గాయాలు మొదలైన చర్మ సంబంధిత సమస్యలను చికిత్స చేయడంలో సహాయపడుతుంది. మీరు పొడి చర్మం కలిగి ఉంటే, జాజికాయ మీ చర్మానికి తేమను అందివ్వడంలో కూడా సహాయపడగలదు.

ఈ వ్యాసం మీకు నచ్చినట్లయితే మీ ప్రియమైన వారితో పంచుకోండి. ఇటువంటి అనేక ఆసక్తికర, ఆరోగ్య, జీవన శైలి, ఆహార, ఆద్యాత్మిక, జ్యోతిష్య, వ్యాయామ, లైంగిక తదితర సంబంధిత విషయాల కోసం బోల్డ్స్కై పేజీని తరచూ సందర్శించండి. ఈ వ్యాసంపై మీ అభిప్రాయాలను, వ్యాఖ్యలను క్రింద వ్యాఖ్యల విభాగంలో తెలియజేయండి.