ఇంటివద్దనే మొహంపై అక్కర్లేని వెంట్రుకలను తొలగించుకునే ఫేస్ మాస్కులు

1.నిమ్మ,తేనె మాస్క్ ;

సిట్రస్ పండు అయిన నిమ్మలో చర్మంపై పనిచేసే సహజ ఎక్స్ ఫోలియేటింగ్ ప్రభావం ఉంటుంది. మనందరికీ తెలిసినట్లే తేనె ఏ సమస్యకైనా మంచి పరిష్కారం. అందుకని మీరు ఎప్పుడైనా వీటినుంచి మాస్క్ చేస్తే దాని ఫలితాలు అద్భుతంగా ఉంటాయి.

స్టెప్ 1 ;తాజా నిమ్మకాయను తీసుకుని రసాన్ని తీయండి.

స్టెప్ 2;4 చెంచాల సహజ తేనెను తీసుకుని పిండిన నిమ్మరసంతో కలపండి.

స్టెప్ 3 ; ఒక గట్టిగా అతుక్కునే మాస్క్ తయారవుతుంది, అందుకని మీ మొహాన్ని చల్లనీరుతో బాగా కడుక్కుని ఆరనివ్వండి.

స్టెప్ 4 ; ఈ మాస్క్ ను కాటన్ దూది కానీ, చేతులు లేదా బ్రష్ తో మొహానికి పట్టించండి.

స్టెప్ 5; 15 నిమిషాలు ఆరాక ,గోరువెచ్చని నీటిలో ముంచిన తడిగుడ్డతో మొత్తం తుడిచేయండి.

ఈ పద్ధతిని 3-4సార్లు పాటిస్తే మీ మొహంపై వెంట్రుకలు తొలగిపోయి,మెరిసే చర్మం కూడా లభిస్తుంది. టాన్ కూడా దీనితో పోతుంది.

2. వైల్డ్ పసుపు మాస్క్ ;

ఈ మాస్క్ ఎంత ప్రభావం చూపిస్తుందంటే,మన పూర్వీకులు, పెద్దవాళ్ళు దీని గురించి ఎప్పుడూ చెప్తూనే ఉంటారు. దీన్ని చాలా కాలంగా వాడుతూనే ఉన్నారు. వైల్డ్ పసుపులో ఉండే యాంటీ ఆక్సిడైజింగ్ లక్షణం చర్మంపై సూక్ష్మజీవులను తొలగిస్తుంది.

స్టెప్ 1 ; 2 చెంచాల వైల్డ్ పసుపు, 2 చెంచాల చల్లపాలను తీసుకోండి.

స్టెప్ 2 ; రెండు వస్తువులను బౌల్ లో కలపండి.

స్టెప్ 3 ; ఈ పేస్టును మొహంపై బాగా రుద్ది 15-20 నిమిషాలు ఆరనివ్వండి.

స్టెప్ 4 ; మొహాన్ని మామూలు చల్లనీరుతో కడగండి.

ఈ మాస్క్ మొహంపై వెంట్రుకల రంగును తేలికచేయటంలో ప్రభావం చూపిస్తుంది.

3.ఓట్ మీల్ మాస్క్ ;

ఓట్ మీల్ లో గరుకుదనం ఉండి చర్మంపై మృతకణాలను సులభంగా తొలగిస్తుంది.

స్టెప్ 1 ; 2 చెంచాల ఓట్ మీల్, 2 చెంచాల తేనె, 2 చెంచాల తాజా నిమ్మరసం తీసుకోండి.

స్టెప్ 2 ; అన్ని పదార్థాలను ఒక బౌల్ లో కలపండి.

స్టెప్ 3 ; ఈ మాస్క్ ను మీ చేత్తో ముఖమంతా పట్టించి 15-20 నిమిషాలు ఆరనివ్వండి.

స్టెప్ 4 ;ఆరాక, మీ మొహాన్ని మొత్తం చల్లనీరుతో నెమ్మదిగా కడుక్కోండి.

వారానికి రెండు లేదా మూడుసార్లు ఇలాచేసి మీ మొహంపై వెంట్రుకలే కాదు, చర్మం కూడా ఎక్స్ ఫోలియేట్ అయి కాంతివంతంగా మారటం చూడండి.

4.సెనగపిండి మాస్క్;

సెనగపిండి లేదా బేసన్ మొహంపై వెంట్రుకలను తొలగించటమేకాదు, చర్మంపై చచ్చిపోయిన కణాలను ఎక్స్ ఫోలియేట్ చేసి కాంతివంతం చేస్తుంది.

స్టెప్ 1 ;2 చెంచాల సెనగపిండి, 1చెంచా తాజా క్రీమ్ లేదా చల్లపాలు,1 చెంచా పసుపు తీసుకోండి.

స్టెప్ 2 ;అన్ని వస్తువులను కలిపి గట్టి పేస్టును తయారుచేయండి.

స్టెప్ 3 ; ఈ పేస్టును మీ మొహంపై బ్రష్ తో రాసుకుని 20 నిమిషాలు ఆరనివ్వండి.

స్టెప్ 4 ; మెత్తని స్పాంజి లేదా గోరువెచ్చని నీరులో ముంచిన తువ్వాలుతో తుడవండి.

ఈ పద్ధతిని వారానికి రెండు లేదా మూడుసార్లు పాటిస్తే మీ మొహంపై వెంట్రుకలు తగ్గిపోవటం మీరే చూస్తారు.

5.బొప్పాయి మాస్క్ ;

బొప్పాయి సహజ బ్లీచింగ్ పదార్థంగా పనిచేస్తుంది. ఈ సులభమైన మాస్క్ అన్నిరకాల చర్మాలపైన పనిచేస్తుంది.

స్టెప్ 1 ; రెండు చెంచాల బొప్పాయి గుజ్జు, 1 చెంచా చల్లని పాలను తీసుకోండి.

స్టెప్ 2 ; ఈ రెండింటిని కలిపి గట్టి పేస్టును తయారుచేయండి.

స్టెప్ 3 ; దీన్ని మీ మొహంపై బ్రష్ తో పట్టించుకుని 20-22 నిమిషాలపాటు ఆరనివ్వండి.

స్టెప్ 4 ;దీన్ని మెల్లగా వేళ్ళతో మొహమంతా రుద్దండి, ముఖ్యంగా మొహంపై వెంట్రుకల రంగు తేలిపోవాలనుకున్న చోట రుద్దండి.

స్టెప్ 5 ; తడి,మెత్తని స్పాంజితో లేదా గోరువెచ్చని నీటిలో ముంచిన తువ్వాలుతో కడిగేసి,తుడవండి.

ఈ మాస్క్ మొహంపై వెంట్రుకలను బ్లీచ్ చేసి, చర్మంపై ఎక్స్ ఫోలియేటింగ్ ప్రభావాన్ని చూపిస్తుంది.