స్కిన్ డి-టానింగ్ కోసం టమోటాను ఎలా ఉపయోగించాలి?

1. టమోటా + పెరుగు

కావలసినవి :

1 టమోటా (మీడియం సైజులో ఉన్న)

1 టేబుల్ స్పూన్ పెరుగు

తయారీ విధానం :

మొదటగా టమోటాను రెండు ముక్కలుగా చేసి, మైక్రోవేవ్లో పెట్టి కొన్ని సెకన్లపాటు వేడి చేయాలి. ఆ తర్వాత దానిని చల్లార్చి మెత్తని పేస్టులా తయారు చేసుకున్నాక దానికి పెరుగును కూడా జోడించి బాగా మిక్స్ చేసుకోవాలి.

ఇలా తయారుచేసుకున్న మిశ్రమాన్ని మెడ & ముఖ భాగాలలో అప్లై చేసి, ఒక 20 నిమిషాలపాటు అలాగే బాగా ఆరనివ్వాలి. చివరిగా, గోరువెచ్చని నీటితో మీ ముఖాన్ని శుభ్రపరచుకుని మీ ముఖాన్ని పొడిగా మార్చుకోవాలి.

2. టమోటా + బంగాళదుంప

కావలసినవి :

టమోటా ¼ భాగం

1 బంగాళాదుంప

తయారీ విధానం :

బంగాళదుంప & టమాటాల పై ఉన్న తొక్కను తీసేసి, చిన్న ముక్కలుగా చేసుకోవాలి. ఆ ముక్కలన్నింటిని గ్రైండర్లో వేసి మెత్తని పేస్ట్లా చేసుకోవాలి.

ఇలా తయారైన మిశ్రమాన్ని పరిశుభ్రమైన కాస్మెటిక్ బ్రష్తో మీ ముఖము & మెడ భాగాలలో సమాంతరంగా అప్లై చేసుకోవాలి. 30 నిమిషాలపాటు ఈ ఫేస్ ప్యాక్ ను బాగా ఆరినిచ్చిన తరువాత చల్లని నీటితో మీ ముఖాన్ని శుభ్రపరుచుకోవాలి. మీరు బయట వాతావరణం నుంచి ఇంటికి వచ్చిన ప్రతిరోజు ఈ ఫేస్ ప్యాక్ను ఉపయోగించడం చాలా మంచిది. ఈ ఫేస్ ప్యాక్ ను మొదటిసారి ఉపయోగించినప్పుడు మీ చర్మంపై కాస్త చికాకు కల్గించవచ్చు కానీ మీరు ఏ మాత్రం ఆందోళన చెందవలసిన అవసరం లేదు.

3. టమోటా - నిమ్మరసం - ఓట్మీల్

కావలసినవి :

1 టేబుల్ స్పూన్ టమోటా రసం

1 టేబుల్ స్పూన్ నిమ్మ రసం

1 టేబుల్ స్పూన్ ఓట్మీల్

తయారీ విధానం :

టమోటా నుంచి తాజా రసాన్ని సేకరించాలి. దానికి నిమ్మరసాన్ని కలపాలి. ఓట్మీల్ను శుభ్రం చేసుకొని, దానిని గ్రైండర్లో వేసి పొడిగా చేసుకోవాలి. చివరిగా ఈ మూడు పదార్థాలను బాగా కలిపి చిక్కని పేస్ట్లా తయారు చేసుకోవాలి.

ఈ ప్యాక్ను మీ శుభ్రమైన ముఖము & మెడ భాగాలలో అప్లై చేయాలి. ఈ ప్యాక్ను అప్లై చేసేటప్పుడు మీ చేతివేళ్ల సహాయంతో మీ ముఖంపై కొన్ని సెకన్లపాటు వృత్తాకార కదలికలు నెమ్మదిగా స్క్రబ్ చేయండి. 15-20 నిమిషాలపాటు బాగా ఆరిన తరువాత మీ ముఖాన్ని చల్లని నీటితో శుభ్రపరుచుకోవాలి. సన్ టాన్ నుంచి మీ చర్మాన్ని రక్షించుకోవడం కోసం వారంలో ఒక్కసారి ఈ చిట్కాను అమలుపరచండి.

4. టమోటా - శనగపిండి - తేనె - పెరుగు

కావలసినవి :

1 టమోటా

2-3 టేబుల్ స్పూన్లు శనగపిండి

1 టేబుల్ స్పూన్ పెరుగు

½ స్పూన్ తేనె

తయారీ విధానం :

టమాటాని మెత్తని పేస్ట్లా తయారు చేసుకొని, దానికి శనగపిండి + తేనె + పెరుగును కలిపి బాగా మిక్స్ చేయాలి.

మీ ముఖం & మెడ భాగాలలో ఈ మందపాటి ప్యాక్ను ఒక పొరలా ఉండేలా అప్లై చేసుకోవాలి. ఇలా వేసుకున్న ఫేస్ ప్యాక్ బాగా ఆరేంత వరకు వేచి ఉన్న తర్వాత సాధారణమైన నీటితో మీ శరీర భాగాలను శుభ్రం చేసుకోండి.

5. టమోటా + దోసకాయ

కావలసినవి :

1 టమోటా

½ దోసకాయ

కొన్ని చుక్కల పాలు

తయారీ విధానం :

మొదటిగా మీరు టమోటాను & దోసకాయను చిన్న ముక్కలుగా కట్ చేసి, వాటిని ఒక మిక్సీలో వేసి మెత్తని పేస్ట్లా తయారు చేసుకోవాలి.

ఒక దూది పింజను ఈ పేస్ట్ లోకి ముంచి, మీ ముఖము & మెడ భాగాలలో అప్లై చేయండి. 15 నిమిషాలపాటు బాగా ఆరనిచ్చిన తర్వాత చల్లని నీటితో మీ ముఖాన్ని శుభ్రపరుచుకోవాలి. మెరుగైన ఫలితాల కోసం, ప్రతిరోజు రాత్రి పడుకునే ముందు ఈ ఫేస్ ప్యాక్ను ఉపయోగించవచ్చు.