స్నానానికి ముందు ఆలివ్ అయిల్ తో అలా మసాజ్ చేస్తే...

ఇలా చేయాలి

రోజూ స్నానానికి ముందు ఆలివ్ ఆయిల్ బాడీ మొత్తాన్ని మసాజ్ చేసుకోవాలి. తర్వాత ఒక అరగంటకు కాస్త గోరువెచ్చని నీటితో స్నానం చేయాలి. ఇలా రెగ్యులర్ గా చేస్తే చర్మం అస్సలు పగలదు.

తెల్లగా అవుతుంటే

అలాగే కొందరికి సబ్బుతో రుద్దుకుంటే తెల్లగా మారిపోతూ ఉంటుంది. అలాంటి వారు స్నానానికి ముందు ఆలివ్ ఆయిల్ ను ఒంటికి పూసుకోండి. తర్వాత స్నానం చేయండి. అస్సలు తెల్లగా మారదు.

షుగర్

కొందరికి చర్మం గరుకుగా ఉంటుంది. అలాంటి వారు ఆలివ్ ఆయిల్ లో కాస్త షుగర్ కలిసి అది కరిగిపోయిన తర్వాత ఆ ఆయిల్ తో బాడీ మొత్తం మసాజ్ చేసుకోండి. దీంతో చర్మం మొత్తం కూడా స్మూత్ గా మారిపోతుంది.

వెంట్రుకలకు ఇలా పూసుకోండి

ఆలివ్‌ ఆయిల్ ను ఎక్కువగా జుట్టుకు ఉపయోగిస్తుంటారు. వెంట్రుకలు నిగనిగలాడాలంటే ఆలివ్ ఆయిలో కాస్త గుడ్డు సోన కలిపి దాన్ని బాగా మిక్స్ చేసి వెంట్రుకలకు పూసుకోవాలి. రెగ్యులర్ గా ఇలా చేస్తే మీ హెయిర్ మొత్తం పట్టులా మారుతుంది.

షాంపుల్లో

చాలా మంది షాంపులను ఉపయోగించి తలస్నానం చేస్తుంటారు. అలాంటి వారు కాస్త ఆలివ్ ఆయిల్ ను ఒక పాత్రలో పోసుకుని అందులో షాంప్ కలుపుకుని దాంతో తలస్నానం చేయండి. దీంతో జుట్టు రాలదు. షాంప్ ఎఫెక్ట్ నేరుగా వెంట్రుకలపై పడదు. అలాగే డాండ్రఫ్ పూర్తిగా తగ్గుతుంది.

నిమ్మరసంతో

నిమ్మరసంలో కాస్త ఆలివ్ ఆయిల్ ను కలుపుకుని హెయిర్ కు పూసుకోండి. తర్వాత హెడ్ బాత్ చేయండి. అలా రెగ్యులర్ గా చేస్తే జుట్టు మొత్తం కూడా నిగనిగలాడిపోతుంది.

చిన్న పిల్లలకు

చిన్న పిల్లలకు కూడా రోజూ ఆలివ్‌ ఆయిల్‌ తో మసాజ్ చేస్తే చాలా మంచిది. రోజూ ఆలివ్ ఆయిల్ తో మసాజ్ చేసి స్నానం చేయిస్తే వారు ఆరోగ్యంగా ఉంటారు. చలాకీగా మారుతారు.

అల్లంలో కలిపి

ఆలివ్ ఆయిల్ లో కాస్త అల్లం రసాన్ని కలిపి దాన్ని జుట్టుకు పూసుకోవాలి. ఇలా చేస్తే జుట్టు కుదుళ్లు బాగా గట్టిగా మారుతాయి.

తేనె కలుపుకుని

ఆలివ్‌ ఆయిల్‌ లో కాస్త తేనె కలుపుకుని ఫేస్ కు రాసుకుంటే చాలా మంచిది. ఇలా రెగ్యులర్ గా చేస్తే ఫేస్ మొత్తం చాలా అందంగా తయారవుతుంది.

పాల మీగడ

ఆలివ్‌ నూనెలో పాలమీగడ కలుపుకుని బాడీ మొత్తం పూసుకుంటే చాలా ఫలితాలుంటాయి. అలా పూసుకున్న తర్వాత స్నానం చేయాలి. ఇలా రోజూ చేస్తే చర్మం నిగారింపు పెరుగుతుంది.

గోళ్లకు

ఆలివ్‌ నూనెను గోళ్లకు పూసుకుంటే వాటి అందం పెరుగుతుంది. గోళ్లు పెసులుబారవు. గట్టిగా మారుతాయి.

పెదాలకు రాసుకుంటే

ఆలివ్‌ నూనెను రోజూ పెదాలకు రాసుకుంటే చాలా మంచిది. దీంతో పెదాలు మొత్తం కూడా పింక్ కలర్ లోకి మారుతాయి. రెగ్యులర్ గా పెదాలు పగిలే వారు ఇలా చేస్తే మంచి ఫలితం ఉంటుంది.

కాస్త వేడి చేసి

ఆలివ్‌ నూనెను కాస్త వేడి చేసి దాన్ని జుట్టు కుదుళ్లకు పూసుకుంటే మంచిది. ఇలా పూసుకున్న తర్వాత హెడ్ బాత్ చేయాలి. ఇలా రెగ్యులర్ గా చేస్తూ ఉంటే జుట్టు కుదుళ్లు గట్టిగా మారుతాయి.

జుట్టు నల్లగా మారుతుంది

ముందుగా వెల్లుల్లి పొట్టును కాల్చి దాని పౌడర్ ను రెడీ చేసుకోండి. దాన్ని ఆలివ్ నూనెలో కలపండి. తర్వాత ఆ ఆయిల్ ను కాస్త వేడి చేయండి. దాన్ని వెంట్రుకలకు పూసుకుంటే హెయిర్ నల్లగా మారుతుంది.

పసుపు

కొందరికి కాళ్ల వేలి మధ్యలో పగుళ్లు ఏర్పడుతుంటాయి. ఆలివ్‌ నూనెలో పసుపును కలుపుకుని దాన్ని పూసుకుంటూ ఉంటే అక్కడ పగుళ్లు తగ్గిపోతాయి.