మీ చర్మం పై తెల్లని మచ్చలను తొలగించే అల్లం రసం మరియు ఎర్రమట్టి మాస్క్.

దీని తయారీ కొరకు మీకు కావలసిన పదార్థాలు:

1 టేబుల్ స్పూన్ ఎర్ర మట్టి

1 టేబుల్ స్పూన్ అల్లం రసం

వాడే విధానం:

• అల్లం రసాన్ని ఒక గిన్నెలో పిండి, దానికి ఒక టేబుల్ స్పూన్ ఎర్ర మట్టిని కలపండి.

• ఈ రెండింటిని బాగా కలిపి మృదువైన మాస్కును తయారు చేయండి.

• ఈ మిశ్రమాన్ని ప్రభావిత ప్రాంతాల్లో రాసుకోండి.

• కొద్ది నిమిషాలు పాటు మృదువుగా మర్దన చేసుకోండి.

• తరువాత మాస్కును పది నిమిషాలు పాటు ఆరనివ్వండి.

• బాగా ఆరాక, చల్లని నీటితో ముఖాన్ని శుభ్రం చేసుకోండి.

• మీ చర్మాన్ని పొడిగా తుడుచుకుని, మాయిశ్చరైజర్ రాసుకోండి.

ఎప్పుడు వాడాలి:

చర్మం మీద ఏర్పడే తెల్లని మచ్చల నివారణకు, ఈ మాస్కును వారానికి 2-3 సార్లు వాడాలి.

ఇది ఎలా పనిచేస్తుంది:

ఎర్ర మట్టి మరియు అల్లం రసం కలిపి చర్మం పై వాడినపుడు, రక్తప్రసరణ మెరుగై,చర్మానికి లోపల నుండి పోషణ లభించి, సహజంగా మెలనిన్ ఉత్పత్తికి తోడ్పడుతుంది. ఈ మాస్కును క్రమం తప్పకుండా వినియోగిస్తే,తెల్లమచ్చలు నెమ్మదిగా తగ్గిపోతాయి.

ఎర్ర మట్టి చర్మానికి చేకూర్చే ప్రయోజనాలు:

• ఎర్రమట్టిలో ఉండే,వివిధ రకాల ఖనిజాలు విటిలిగో చికిత్సలో ప్రభావవంతంగా పనిచేస్తాయి. దీనిని పూసుకున్నప్పుడు, మెలనిన్ ఉత్పత్తి పెరిగి, తెల్ల మచ్చలను స్పష్టంగా కనిపించకుండా చేస్తుంది.

• ఎర్రమట్టిలో ఉండే,వివిధ రకాల ఖనిజ ఆక్సైడ్లు, చర్మాన్ని శుద్ధి చేసి, మాలినాలు మరియు విష పదార్థాలను తొలగించి శుభ్రపరుస్తాయి.

•దీనిలో ఉండే ఐరన్ ఆక్సైడ్, బలహీనమైన బంధనాలకు బలం చేకూరుస్తుంది. ఇది చర్మాన్ని పునరుత్తేజ పరచి, మేనిఛాయను తేలికపరుస్తుంది.

• ఎర్రమట్టి చర్మ కణాలను పునరుత్తేజితం చేస్తుంది కనుక, తెల్లని మచ్చల చికిత్సకు ఉపయోగపడుతుంది.

• ఎర్రమట్టిలోని యాస్ట్రిజెంట్ తత్వాలు మొటిమలను పరిష్కరించడానికి అద్భుతంగా ఉపయోగపడుతుంది.

• ఖనిజాలు మెండుగా ఉండటం వలన, ఎర్రమట్టిని ఉపయోగిస్తే చర్మం నునుపుగా మరియు మృదువుగా మారుతుంది.

అల్లం రసం చర్మానికి చేకూర్చే ప్రయోజనాలు:

• అల్లం రసంలో ఉండే యాంటీసెప్టిక్ గుణాలు చర్మాన్ని ఇన్ఫెక్షన్ల నుండి కాపడతాయి.ఈ లక్షణాలు చర్మం పై మొటిమలు పదేపదే ఏర్పడకుండా చేస్తుంది.

• అల్లం రసాన్ని చర్మం పై పూసుకోవడం వలన రక్తప్రసరణను మెరుగుపరిచి, పిగ్మెంటేషన్ తో పోరాడుతుంది.

• అల్లం రసం నిర్జీవంగా కనిపించే చర్మానికి మెరుపును చేకూరుస్తుంది. చర్మానికి తేమనందించి కాంతివంతంగా తయారు చేస్తుంది.

• అల్లంరసం వయసు పైబడిన ఛాయలను తగ్గించడానికి ఉపయోగపడే సహజ పరిష్కారం.చర్మానికి యవ్వనాన్ని చేకూర్చి ముడతలు, గీతలను దరిచేరనివ్వదు.

ఇంట్లో తయారు చేసుకోగలిగే ఈ మాస్కు, మీ చర్మం మీద ఏర్పడిన తెల్లని మచ్చలతో పోరాడుతుంది. కనుక, అల్లం రసం మరియు ఎర్రమట్టిని, మీ చర్మ సంరక్షణ క్రమంలో భాగంగా మలచుకోండి.

మీ చర్మం పై తెల్లని మచ్చలను తొలగించే అల్లం రసం మరియు ఎర్రమట్టి మాస్క్.