ముఖంపై వయస్సు పైబడిన ఛాయాలను కనపడకుండా ఉండటానికి వివిధ రకాల చర్మాల వారు వాడవలసిన మాస్కులు

జిడ్డు చర్మం కొరకు:

కోడిగ్రుడ్డులోని తెల్లసొన:

కోడిగ్రుడ్డులోని తెల్లసొన చర్మాన్ని బిగుతుగా మార్చడం ద్వారా, పెద్ద చర్మరంధ్రాలను చిన్నవిగా చేస్తాయి. తెల్లసొన, చర్మాన్ని టోన్ చేసే లక్షణాలను కలిగి ఉన్నందున, జిడ్డు చర్మం కలిగిన వారికి మరింత లాభం చేకూరుస్తుంది.

వాడే విధానం: ముందు గుడ్డు తెల్లసొనను వేరు చేయండి. మృదువైగా మారేంత వరకు గుడ్డు తెల్లసొనను గిలక్కొట్టండి. ముఖాన్ని శుభ్రపరుచుకుని, తెల్లసొనను ఒక పల్చని పొరగా రాసుకోండి. ముఖం మొత్తంగా సమానంగా ఉందని నిర్ధారించుకోండి. మాస్కును 30 నిముషాల పాటు ఆరనిచ్చి, తర్వాత సాధారణ నీటితో కడుక్కోండి.

తేనె, పెరుగు మరియు గులాబీ మాస్కు:

తేనె చర్మానికి తేమనందివ్వడానికి సహాయపడుతుంది. పొడిబారి ,పగిలిన చర్మాన్ని నివారించడానికి సహాయపడుతుంది. పెరుగు ఛాయతగ్గి, నిర్జీవంగా మారిన చర్మంను కాంతివంతంగా మార్చడంలో సహాయపడుతుంది.

వాడే విధానం:

ఈ యాంటీ ఏజింగ్ ప్యాక్ తయారు చేయడానికి, మీరు రెండు టేబుల్ స్పూన్ల చిక్కని పెరుగు, ఇక టేబుల్ స్పూన్ తేనె మరియు కొన్ని గులాబీ రేకులు అవసరం అవుతాయి. ఒక గిన్నెలో తేనె మరియు పెరుగు తీసుకుని కలిపి బాగా కలపాలి. కొన్ని తాజా గులాబీ రేకులు నలిపి, పెరుగు-తేనె మిశ్రమంలో వేయండి. ఈ ప్యాక్ ను మీ ముఖంపై సమానంగా రాసుకోండి. ప్యాకును ఆరనిచ్చి తరువాత చల్లని నీటితో శుభ్రం చేసుకోవాలి.

ఎండకు కమిలిన చర్మం కొరకు:

టొమాటో మరియు కలబంద మాస్క్:

కలబందలో యాంటిఆక్సిడెంట్లు కలిగి ఉంటుంది. ఇవి చర్మాన్ని తేమగా ఉంచడానికి సహాయపడతాయి. అయితే టొమాటో సూర్యుడి ప్రభావం వలన కమిలిన చర్మం పై నలుపుదనం తగ్గించడానికి సహాయపడుతుంది.

వాడే విధానం:

మీకు ఈ మాస్కును తాయారు చేయడం కొరకు ఒక టొమాటో మరియు రెండు టేబుల్ స్పూన్లు కలబంద గుజ్జు అవసరం అవుతాయి. ముందుగా, టొమాటోను గుజ్జు చేయాలి. తరువాత టొమాటో గుజ్జులో కలబంద గుజ్జు వేసి బాగా కలపాలి. మీరు మార్కెట్లో లభించే తాజా కలబంద గుజ్జును కూడా ఉపయోగించవచ్చు.

మీ ముఖం మీద ఈ ప్యాక్ ను రాసుకుని 15-20 నిమిషాలు పాటు ఆరనివ్వండి. తరువాత, నీటితో శుభ్రం చేసుకోవాలి. మంచి ఫలితాల కోసం వారానికి ఒకసారి ఈ ప్యాక్ ను ఉపయోగించండి.

సాధారణ చర్మం కొరకు:

బొప్పాయి మరియు తేనె ఫేస్ మాస్క్:

తేనె సహజమైన బ్లీచింగ్ ఏజెంట్ అని మనకు తెలిసినదే! ఇది చర్మాన్ని తేమగా ఉంచడంలో సహాయపడుతుంది. ముఖం మీద ముడుతలను తగ్గించి, చర్మాన్ని తెల్లబరిచే, యాంటీ ఏజింగ్ లక్షణాలు బొప్పాయిలో ఉంటాయి.

వాడే విధానం:

దీని తయారీకి మీరు సగం బొప్పాయి పండు, 3-4 టేబుల్ స్పూన్లు తేనె యొక్క మరియు 2 టేబుల్ స్పూన్లు ఓట్ మీల్ పౌడర్ తీసుకోవాలి. పండిన బొప్పాయిని చిన్న చిన్న ముక్కలుగా కట్ చేసి మృదువైన పేస్ట్ ను తయారుచేయాలి. ఇప్పుడు దీనికి మిగిలిన అన్ని పదార్థాలను కలపాలి. మీ ముఖం మీద ఈ ప్యాక్ ను రాసుకుని 15-20 నిమిషాలు పాటు ఆరనివ్వండి. తరువాత చల్లని నీటితో శుభ్రం చేసుకోవాలి.