చింతపండు ఫేస్ వాష్ మీ చర్మానికి చేసే మేలు

మీ ముఖానికి చింత పండు ఎందుకు లాభదాయకరంగా సూచించబడుతుంది?

వాస్తవానికి చింతపండు పోషకాల గనిగా ఉంటుంది. క్రమంగా ఇది మీ చర్మం నుండి మృత చర్మ కణాలను తొలగించడానికి సహాయపడుతుంది, తద్వారా అది చర్మాన్ని పునరుద్దరించగలుగుతుంది. ఇది మీ చర్మానికి పోషణ అందించి, మాయిశ్చరైజ్ చేసి, చర్మాన్ని మృదువుగా మరియు మెత్తగా చేస్తుంది. అంతేకాక చింతపండు మీ స్కిన్ టోన్ని మెరుగుపరుస్తుంది. మరియు మీ స్కిన్ టోన్ తేలికపరచడానికి కూడా సహాయపడుతుంది. ఇది సహజ ఎక్స్ఫోలియేటింగ్ ఏజెంట్ వలె పనిచేస్తూ, సెల్యులైట్ చికిత్సలో సమర్ధవంతమైనదిగా ఉంటుంది.

అంతేకాకుండా, చింతపండు చర్మాన్ని టోనింగ్ చేసే లక్షణాలను కలిగి ఉంటుంది. మరియు ఇది ఇంట్లో ఉండే టోనర్లలో, ఇది అత్యంత మంచి ఎంపికల్లో ఒకటిగా ఉంటుంది. ఇది ప్రధానంగా యాంటీ ఏజింగ్ లక్షణాలను కలిగి ఉంటుంది. క్రమంగా యుక్తవయసులో వృద్దాప్య చాయలు రాకుండా అడ్డుకుంటుంది. అంతేకాకుండా ఫైన్ లైన్స్(చారలు) మరియు ముడుతలను కూడా నివారిస్తుంది. డార్క్ స్పాట్స్ మరియు డార్క్ సర్కిల్స్ ను తొలగిస్తుంది. మెడ చుట్టూ చేరే ముదురు రంగు వలయాల చికిత్సలో కూడా దీనిని ఉపయోగించడం జరుగుతుంది. చింతపండు ఆక్నే సమస్య, మొటిమలు మరియు మచ్చల చికిత్సలో కూడా ప్రభావవంతంగా పనిచేస్తుంది. స్కిన్ పిగ్మెంటేషన్ సమస్యను తగ్గిస్తుంది.

మీ సౌందర్య పరిరక్షణలో భాగంగా చింతపండును జోడించి, ఫేస్ వాష్ వలె ఎలా ఉపయోగించవచ్చునో ఇప్పుడు చూద్దాం.

ఇంట్లో చింతపండు ఫేస్ వాష్ ఏవిధంగా తయారుచేయవచ్చు ?

కావలసిన పదార్ధాలు :

• 2 టేబుల్ స్పూన్ల చింతపండు గుజ్జు

• 1 టేబుల్ స్పూన్ పెరుగు

• 1 టేబుల్ స్పూన్ రోజ్ వాటర్

• 1 విటమిన్ ఇ క్యాప్సూల్ లేదా 1/2 టేబుల్ స్పూన్ విటమిన్ ఇ పౌడర్

• 1 టేబుల్ స్పూన్ తేనె

• 1 టేబుల్ స్పూన్ జోజోబా ఆయిల్

తయారుచేసే విధానం :

• ఒక గిన్నెలో చింతపండు గుజ్జు, పెరుగు తీసుకుని రెండు పదార్ధాలను బాగా బ్లెండ్ చేయాలి.

• ఇప్పుడు దానికి రోజ్ వాటర్ కలపండి.

• ఒక విటమిన్ ఇ క్యాప్సూల్ తెరవండి మరియు దానిని బాగా స్క్వీజ్ చేసి ఆ ద్రవాన్ని మిశ్రమానికి జోడించండి లేదా ఈ మిశ్రమానికి కొంత విటమిన్ ఇ పొడిని జోడించండి.

• తరువాత, కొంత తేనెను కలపండి. అన్ని పదార్థాలను ఒకదాని తరువాత మరొకటి జోడించేటప్పుడు, వాటన్నిటినీ సరిగ్గా కలుపుతున్నారో లేదో ధృవీకరణ చేసుకోండి.

• చివరగా, ఈ మిశ్రమానికి జోజోబా నూనెను జోడించి అన్నింటినీ బాగా బ్లెండ్ చేయాలి.

• ఈ మిశ్రమాన్ని ఫేస్ వాష్ కంటైనర్లో పోయాలి. మీ ముఖాన్ని శుభ్రం చేసుకునే సమయంలో, ఈ మిశ్రమాన్ని మీ చేతులకు పట్టించి, మీ వేలికొనను ఉపయోగించి ముఖాన్ని మసాజ్ చేయండి. మీరు వాష్ చేయడానికి ముందు కనీసం 2 నిమిషాలపాటు మసాజ్ చేశారని నిర్ధారించుకోండి.

• ఆశించిన ఫలితాల కోసం ప్రతిరోజూ దీనిని పునరావృతం చేయండి.

ఈ వ్యాసం మీకు నచ్చినట్లయితే మీ ప్రియమైన వారితో పంచుకోండి. ఇటువంటి అనేక ఆసక్తికర మేకప్, ఫాషన్, ఆరోగ్య, జీవనశైలి, ఆహార, మాతృ శిశు సంబంధ, వ్యాయామ, లైంగిక, ఆద్యాత్మిక, జ్యోతిష్య, హస్త సాముద్రిక, తదితర విషయాల కోసం బోల్డ్స్కై పేజీని తరచూ సందర్శించండి. ఈ వ్యాసంపై మీ అభిప్రాయాలను, వ్యాఖ్యలను క్రింద వ్యాఖ్యల విభాగంలో తెలియజేయండి.