Just In
- 13 min ago మేషరాశిలో శుక్రుడి సంచారం ఈ రాశుల వారు భోగభాగ్యాలతో విలాసవంతమైన జీవితం గడుపుతారు
- 1 hr ago టాక్సిక్ రిలేషన్షిప్లో ఉన్నారనడానికి ఇవే సంకేతాలు.. ?
- 1 hr ago హడలెత్తిస్తున్న Bird Flu పాలు,గుడ్లు మరియు చికెన్ తినడం సురక్షితమేనా?మనుషులకూ వ్యాపిస్తుందా..నిపుణులు ఏమంటారు?
- 3 hrs ago వేసవిలో మైగ్రేన్ తలనొప్పి ఎందుకు పెరుగుతుంది, లక్షణాలు, ఉపశమనం ఎలా పొందాలో తెలుసుకోండి
పండగ, పార్టీ, ఫంక్షన్ , పెళ్ళి ..ఇలా ఏ శుభకార్యానికైనా మెరిసిపోవాలంటే ఈ ఫేస్ ప్యాక్ వేసుకోండి...
పండగ, పార్టీ, ఫంక్షన్ , పెళ్ళి ఇలా శుభకార్యాల్లో మెరిసిపోవాలంటే ఈ ఫేస్ ప్యాక్ వేసుకోండి...
పండగ, పార్టీ, ఫంక్షన్ , పెళ్ళి ఇలా శుభకార్యాల్లో అందరిలో ఆకర్షనియ్యంగా.. అందంగా మెరిసిపోవాలని మహిళలు చాలా కోరుకుంటారు. సాధారణంగా మహిళలు పండుగల సమయంలో అందంగా మెరిసిపోవడానికి తమ అందాన్ని పెంచుకోవడానికి బ్యూటీ సెలూన్లకు వెళ్తుంటారు. కానీ కరోనా వైరస్ వ్యాప్తి చెందిన తర్వాత, చాలా మంది మహిళలు బ్యూటీ సెలూన్లను సందర్శించడానికి భయపడి వెళ్లడం మానేశారు. దీంతో పాటు ఇంట్లో అందాన్ని మెరుగుపరుచుకునే ప్రయత్నాలకు కూడా శ్రీకారం చుట్టారు.
బ్యూటీ సెలూన్లలోని ఉత్పత్తులే కాకుండా మన ఇంటి వంటగదిలోని ఉత్పత్తులు కూడా చర్మ సౌందర్యాన్ని పెంచడంలో సహాయపడతాయని మనందరికీ తెలుసు. ఈ ఏడాది చివరి నెలల్లో వచ్చే శుభకార్యాలు, పెళ్ళిళ్లు, పార్టీల కోసం మీరు బ్యూటీ పార్లర్కి వెళ్లలేకపోయినందుకు మీరు చింతిస్తున్నారా? అప్పుడు ఈ వ్యాసం మీకు చాలా ఉపయోగకరంగా ఉంటుంది. ఎందుకంటే స్కిన్ టోన్ని తక్షణమే మెరుగుపరిచి, కాంతివంతంగా కనిపించేలా చేసే కొన్ని సహజమైన ఫేస్ ప్యాక్లు క్రింద ఉన్నాయి. దీన్ని చదివి మీ అందాన్ని మరింత కాంతివంతంగా మెరిసిపోయేలా చేసుకుని, అందరిలో ఆకర్షణీయంగా కనబడండి.
శనగ పిండి ఫేస్ ప్యాక్
చర్మంలోని మలినాలను తొలగించి తక్షణ మెరుపును ఇచ్చే ఫేస్ ప్యాక్లలో కొబ్బరి పిండి ఫేస్ ప్యాక్ ఒకటి. ముఖ్యంగా జిడ్డు, కాంబినేషన్ చర్మానికి శనగ పిండి ఫేస్ ప్యాక్ మంచి మార్పును ఇస్తుంది. ఈ ఫేస్ ప్యాక్ సిద్ధం చేయడానికి, ఒక గిన్నెలో కొద్దిగా శెనగ పిండిని తీసుకుని, దానికి కొంచెం పెరుగు మరియు నిమ్మరసం వేసి పేస్ట్ లాగా మిక్స్ చేసి, ముఖానికి పట్టించి, బాగా ఆరిన తర్వాత చల్లటి నీటితో ముఖం కడగాలి.
బాదం మరియు పాలు
మీరు వెంటనే మీ స్కిన్ టోన్ పెరగాలని కోరుకుంటే, 2-4 బాదంపప్పులను గ్రైండ్ చేసి, పాలు వేసి పేస్ట్ లా చేసి, మీ ముఖానికి అప్లై చేసి, 10-15 నిమిషాల తర్వాత నీటితో మీ ముఖం కడగాలి. ఈ ఫేస్ ప్యాక్ ను తరచూ వేసుకుంటే చర్మ రంధ్రాలలోని మురికి బయటకు వచ్చి చర్మం కాంతివంతంగా కనిపిస్తుంది.
అరటిపండు ఫేస్ ప్యాక్
పండిన అరటిపండును మీ చేతులతో మెత్తగా చేసి అందులో 1 టీస్పూన్ నిమ్మరసం మరియు 1 టీస్పూన్ తేనె కలపాలి. తర్వాత నీళ్లతో ముఖం కడుక్కోవాలి. ఆ తర్వాత, సిద్ధం చేసుకున్న అరటిపండు మిశ్రమాన్ని మీ ముఖానికి అప్లై చేసి 15 నిమిషాలు నానబెట్టి, ఆపై నీటితో శుభ్రం చేసుకోండి. ఈ ఫేస్ ప్యాక్ చర్మంపై నల్ల మచ్చలను తొలగిస్తుంది మరియు చర్మం యొక్క అకాల వృద్ధాప్యాన్ని నివారిస్తుంది.
బేకింగ్ సోడా ఫేస్ ప్యాక్
ఈ ఫేస్ ప్యాక్ చర్మంపై మ్యాజిక్ చేస్తుంది. అయితే ఈ ఫేస్ ప్యాక్ని ఉపయోగించే ముందు, ముందుగా మణికట్టుకు వాడండి మరియు ఏదైనా అలెర్జీ వస్తుందో లేదో తనిఖీ చేయండి. ఈ ఫేస్ ప్యాక్ కోసం ఒక టేబుల్ స్పూన్ బేకింగ్ సోడాలో కొద్దిగా నీళ్లను మిక్స్ చేసి పేస్ట్ లా చేసి ముఖానికి అప్లై చేసి 5 నిమిషాల పాటు మృదువుగా మసాజ్ చేయాలి. తర్వాత చల్లటి నీటితో ముఖం కడుక్కోవాలి.
రోజ్ వాటర్ మరియు శెనగ పిండి ప్యాక్
శనగ పిండి చర్మం యొక్క pH స్థాయిని నిర్వహించడానికి సహాయపడుతుంది. 2 టేబుల్ స్పూన్ల శెనగ పిండిలో 4 టేబుల్ స్పూన్ల రోజ్ వాటర్ కలిపి పేస్ట్ లా చేసి ముఖానికి అప్లై చేసి 20 నిమిషాల పాటు నానబెట్టి గోరువెచ్చని నీటితో శుభ్రం చేసుకోవాలి. కావాలంటే దానికి కాస్త పెరుగు వేసుకోవచ్చు.
నిమ్మ మరియు తేనె
నల్లగా మారిన ముఖం కాంతివంతంగా మారాలంటే ఒక టేబుల్ స్పూన్ పంచదారను 1 నిమ్మకాయ రసంలో కలిపి ముఖానికి పట్టించి 5 నిమిషాల పాటు మృదువుగా మసాజ్ చేసి 15 నిమిషాల పాటు అలాగే ఉంచి తర్వాత చల్లటి నీటితో కడిగేయాలి.
బొప్పాయి ఫేస్ ప్యాక్
బొప్పాయి చర్మ ఆరోగ్యాన్ని మెరుగుపరిచే అద్భుతమైన పండు. బొప్పాయి ముక్కను బాగా మెత్తగా చేసి అందులో 1 టీస్పూన్ నిమ్మరసం, 1 టీస్పూన్ పాలు కలిపి ముఖానికి పట్టించి 20-25 నిమిషాలు నానబెట్టాలి. తర్వాత చల్లటి నీటితో ముఖం కడుక్కోవాలి. పండుగ రోజుల్లో ఈ మాస్క్ వేసుకోవడం వల్ల మీ ముఖం మెరిసిపోయి అందంగా కనిపిస్తుంది.