Bride Skin Care: పెళ్లి సెట్ అయిందా? తక్కువ టైంలో ఇలా అందంగా మారండి

విటమిన్ ఇ:

విటమిన్ ఇ.. అందం యొక్క విటమిన్. ఈ విటమిన్ ఆరోగ్యకరమైన చర్మానికి, జుట్టుకు చాలా ముఖ్యం. ఇది చర్మం మరియు హెయిర్ ఫోలికల్స్ యొక్క ఆరోగ్యాన్ని మెరుగుపరుస్తుంది. విటమిన్ ఇ జుట్టు రాలడాన్ని నివారిస్తుంది. అలాగే ముఖాన్ని కాంతివంతం చేస్తుంది.

ఒమేగా 3, 6, 9

ఒమేగా 3 ఫ్యాటీ యాసిడ్స్ జుట్టు, చర్మం ఆరోగ్యాన్ని మెరుగుపరుస్తాయి. అలాగే క్యాన్సర్ ప్రమాదాన్ని తగ్గిస్తాయి. వధువులు కోరుకునేది చర్మ సరంక్షణ కాబట్టి ఒమేగా ఫ్యాటీ యాసిడ్స్ చక్కగా పని చేస్తాయి. వైద్యుల సలహా మేరకు ఈ సప్లిమెంట్లు తీసుకోవాలి. లేకపోతే ఒమేగా అధికంగా ఉండే ఆహారాన్ని ఎక్కువగా తినాలి. చేపలు, అవిసె గింజలు, ఆలివ్‌లు, వాల్‌నట్‌లు, గుడ్లు, రెడ్ మీట్, సీఫుడ్స్, గుమ్మడికాయ, అవొకాడోల్లో ఒమేగా ఫ్యాటీ యాసిడ్స్ పుష్కలంగా ఉంటాయి.

మల్టీవిటమిన్లు

జుట్టు మరియు చర్మ ఆరోగ్యానికి మల్టీవిటమిన్లు చాలా ముఖ్యం. ఇవి శరీరంలోని అవాంఛిత మలినాలను తొలగించడంలో సహాయపడతాయి. జుట్టు బాగా పెరుగుతుంది. ముఖం కాంతివంతంగా మెరుస్తుంది. ఈ సప్లిమెంట్లను తీసుకునే ముందు వైద్యుడిని సంప్రదించడం మర్చిపోవద్దు.

విటమిన్ బి

విటమిన్ బి శరీరంలో హార్మోన్లను సమతుల్యం చేయడానికి సహాయపడుతుంది. దీని వల్ల మొటిమలు, నల్లబడటం మొదలైన సమస్యలు దరిచేరవు. సాల్మన్, సార్డినెస్, కాలేయం లేదా ఇతర అవయవాలు, గుడ్లు, పాలు, షెల్ఫిష్, తృణధాన్యాలు, చికెన్, టర్కీ, పెరుగులో విటమిన్ బి ఉంటుంది.

బయోటిన్

బయోటిన్ జుట్టు ఆరోగ్యానికి చాలా మంచిది. ఇది జుట్టు పెరుగుదలను అభివృద్ధి చేయడమే కాకుండా జుట్టు యొక్క మెరుపును కూడా పెంచుతుంది. జుట్టు చాలా అందంగా కనిపించేలా చేస్తుంది. ఈ సప్లిమెంట్లను వారం రోజుల ముందు తీసుకుంటే ఫలితం కనిపించదు. కనీసం ఒక నెల ముందు నుండి వీటిని తీసుకోవడం ప్రారంభించాలి. అలాగే పోషకాహారం తినాలి. దీని వల్ల పెళ్లి నాటికి అందమైన చర్మం, మంచి ఒత్తైన జుట్టు సొంతం అవుతుంది. అబ్బాయిలు కూడా ఈ సప్లిమెంట్లు తీసుకోవడం వల్ల అందంగా, ఆకర్షణీయంగా కనిపిస్తారు.

ఇవి కూడా..

(image: instagram/dishaparmar)

ఈ సప్లిమెంట్లు తీసుకోవడంతో పాటు రోజూ స్కిన్ కేర్ రొటీన్ పాటించాల్సి ఉంటుంది. అంటే చర్మాన్ని శుభ్రంగా ఉంచుకోవాలి. తేమ కోసం ఎక్కువగా నీరు తాగాలి. ఇది చలికాలం ప్రతి ఒక్కరికీ చర్మం పొడిబారుతుంది. ముఖం పొడిబారి కాంతి కోల్పోకుండా ఉండాలంటే తగినన్ని నీళ్లు తాగాల్సిందే. అలాగే మాయిశ్చరైజర్లు తప్పనిసరిగా వాడాలి. మాయిశ్చరైజర్లు చర్మం తేమ కోల్పోకుండా నివారిస్తాయి.

ఎండలోకి వెళ్లేటప్పుడు తప్పనిసరిగా సన్‌స్క్రీన్ లోషన్ రాసుకోవడం మర్చిపోవద్దు. అందంగా కనిపించాలంటే ఎంత బాగా నిద్రపోతే అంత అందంగా కనిపిస్తారు. కంటి నిండ నిద్రపోయేలా చూసుకోవడం మంచిది.