పెళ్లి గౌన్ లో ఏంజెల్ లా దర్శనమిచ్చిన అమెరికన్ ప్రిన్సెస్ మేఘన్ మార్కెల్

రాల్ఫ్&రస్సో నుండి అలెగ్జాoడర్ మెక్.క్వీన్ వరకు గొప్ప గొప్ప డిజైనర్ల మేలుకలయికతో రూపొందుకున్నాయన్న ఊహాగానాలతో, మేఘన్ మార్కెల్ పెళ్లి దుస్తులు ఇంటర్నెట్లో ఒక ప్రభంజనం సృష్టిస్తున్నాయి. కానీ, జీవితంలో తనకు ఎంతో ముఖ్యమైన ఈ శుభదినాన, తాను ధరించే దుస్తుల ఎంపికలో పైన చెప్పిన డిజైనర్లను ఆశ్రయించలేదు మేఘన్.

వాస్తవానికి, ఈ 'సూట్స్' సినిమా నటి మేఘన్ మార్కెల్, గివెన్చీ నుండి సేకరించిన సాంప్రదాయక గౌన్ నే తన పెళ్ళికి ఎంచుకుంది. క్లేర్ వెయిట్ కెల్లెర్ రూపొందించిన ఈ ఐవరీ సిల్క్ (దంతపు రంగు పట్టు వస్త్రం) దుస్తులలో తన మామగారైన ప్రిన్స్ చార్లెస్ తో కలిసి నడుస్తూ దేవకన్యలా కనిపించి, చూపరుల కళ్ళను తిప్పుకోలేని విధంగా చేసింది. ప్రిన్స్ హారీ ని పెళ్ళిచేసుకున్న ఈ అందాల తార పెళ్ళికి సామాజిక మాధ్యమాలు, మీడియా ద్వారా ప్రపంచమంతా అతిధులయ్యారు అనడంలో ఆశ్చర్యమే లేదు. అంతగా ఆకట్టుకున్న జంటగా వీరు వార్తలకెక్కారు.

ఆమె అందం ఒక అద్భుతం, జగమెరిగిన సత్యం. ఇక ఆ అందానికి తగ్గ దుస్తులు ధరిస్తే ?

ఆమె ధరించిన దుస్తులు సాంప్రదాయక దుస్తులకు ఆధునికత జోడించినట్లు ప్రత్యేకంగా కనిపిస్తూ ప్రజల మనసులో యువరాణిలా స్థానం సంపాదించుకుంది.

భుజానికి ఫ్రేమింగ్ తో కూడిన బాటౌ నెక్లైన్ కలిగి మరియు ఒక ఏ - లైన్ సిల్హౌట్ కలిగిన మేఘన్ మార్కెల్ దుస్తులు పరిపూర్ణతకు అద్దం పట్టేలా ఉన్నాయి అనడంలో ఆశ్చర్యమే లేదు. భారీ వివాహ దుస్తుల వలె కాకుండా, ఈ అద్భుతమైన దుస్తులు అన్ని విషయాలలోనూ మెప్పు పొందేలా తయారుచేయబడ్డాయి. క్లేర్, ఈ దుస్తులకు తులిప్ ఆకారాన్ని జోడించడం అద్భుతమనే చెప్పాలి. ఇది ఖచ్చితమైన ప్రేమకు తార్కాణంగా ఉంటుంది.

ఆమె 16.5 అడుగుల పట్టు టుల్లె – వీల్, చేతితో ఎంబ్రాయిడరీ చేయబడి ఎంతో ఆకర్షణీయంగా నిలిచింది. ఈ వీల్ ప్రతి కామన్వెల్త్ దేశంలో ఉన్న విలక్షణమైన అందమైన పూలను సూచిoచేలా అనేకరకాల పూలతో రూపొందించబడింది. మరియు మేఘన్ ప్రత్యేకంగా తనకు ఇష్టమైన పూలైన, వింటర్ స్వీట్, కాలిఫోర్నియా పాప్పీ పూలను అదనంగా ఈ వీల్ లో జోడించమని డిజైనర్స్ ను కోరింది కూడా.

ఇక ఈ పెళ్ళికూతురు తలపాగా ఏమిటో తెలుసా ? క్వీన్ మేరీ యొక్క వజ్రపు తలపాగా. ఇక కళ్ళు తలపాగాపైకి వెళ్ళకుండా ఉంటాయా చెప్పండి.