అలసట పోగొట్టే మార్గాలు?

By B N Sharma

Published: Thursday, May 31, 2012, 11:36 [IST]

సాధారణంగా ప్రతివారు అలసిపోతూంటారు. కాని లోతుగా పరిశీలిస్తే, దీనికి కారణలు వివిధ రకాలుగా వుంటాయి. వాటిని గుర్తించి ప్రతి ఒక్కరూ తగిన పరిష్కారం పొందాలి. ప్రతిరోజూ పొందే శారీరక అలసటే కాక కొందరు వారి రోజువారీ పనులన్నింటిలోను, సరైన అవగాహన లేక అలసట పొంది ఎన్నోకీళ్ళ జబ్బుల వంటి వాటిని కూడా తెచ్చుకుంటారు. అయితే, అలసటను ఎదుర్కొనేందుకు వేగమైన పరిష్కారం లేదు. కాని కొద్దిపాటి మంచి అలవాట్లతో ప్రతిరోజూ మీ అలసటను సమర్ధవంతంగా ఎదుర్కొనవచ్చు. అదెలాగో చూడండి.

డైటింగ్ అతిగా చేయకండి. బరువు తగ్గే ప్లానులు, వేగంగా లావుతగ్గాలని చేసే ఆహార నియమాలు వంటివి ఆరోగ్యం కాదు. ఆహారాలన్నిఒకేసారి మానేయకండి. ఇప్పటికే బరువు తగ్గిన వారైతే, పోయిన మీ బరువును, ఉత్సాహాన్ని పొందేందుకు ఆరోగ్యకరమైన జీవన విధానం మాత్రమే అని గ్రహించండి.

బ్రేక్ ఫాస్ట్ ఎపుడూ మానకండి. చాలామంది ఈ తప్పు పని చేస్తారు. దీని వలన రోజంతా చిరుతిండి తింటారు. ఆకలితో మీ పేగులు అలమటిస్తూంటాయి. కనుక లేచిన మూడు గంటలలోపు ప్రొటీన్లు, పీచు బాగా వుండే బ్రేక్ ఫాస్ట్ తప్పక తీసుకోండి.

రక్త హీనత వుందా? పరీక్షించండి. రక్తహీనత మీలో అంతులేని అలసట కలిగిస్తుంది. శరీరంలో ఎణర్రకణాలు బాగా తగ్గిపోతాయి. బలహీనత, శ్వాస సరిగా ఆడకపోవటం కూడా వస్తాయి. ఇది పురుషులకంటే స్త్రీలలో అధికం. అదికూడా వారి రుతుక్రమంలో తగిన ఐరన్ తీసుకోకపోవటంతో వస్తుంది.

ప్రతిరోజూ వ్యాయామం చేయండి. వారానికి కనీసం 4 లేదా 5 సార్లు వ్యాయామం చేయాలి. అది మీలో శక్తి స్ధాయిలు పెంచుతుంది. అనారోగ్యాన్ని దూరం చేస్తుంది. వ్యాయామాలు చేయాలంటే అలసటగా వుంటోందా? కారణాలు పరిశీలించండి. సరిగా తినకపోవడం, తగినంత నీరు తాగకపోవటం, లేదా అధికంగా శారీరక శ్రమ చేయటం కూడా కావచ్చు.

అధికంగా తినకండి. అధికంగా తింటే మీ ఎనర్జీ అంతా అది జీర్ణం అవ్వటానికే సరిపోతుంది. మూడు సార్లు అధికంగా తినే బదులు, అయిదు సార్లు తక్కువ తక్కువ మొత్తాలు తినండి. బ్లడ్ షుగర్, ఇన్సులిన్ వంటివన్ని నియంత్రించబడతాయి. అలసట దూరం అవుతుంది. ఐరన్ అధికంగా వుండే ఆహారాలు తీసుకోండి.

తగిన వ్యాయామాలు చేసి మీ కీళ్ళను, ఎముకలను సవ్యంగా పనిచేసేలా చేయండి. చేసే వ్యాయామాలు మీకు బలాన్ని మరియు శరీర ధృఢత్వాన్ని కలిగించాలి. వ్యాయామాలు తగిన శిక్షణతో చేయండి.

మందులు వాడేవారు వాటి సైడ్ ఎఫెక్టులు గమనించాలి. నొప్పులకు తరచుగా మాత్రలు వాడకండి. అవి అలసట కలిగిస్తాయి. మందంగా వుండటమనేది వీటివలన కలిగే అలసట లక్షణంగా గుర్తించండి.

మీలోని ఒత్తిడిని నియంత్రించుకోండి. అందుకుగాను నిరాశ, విచారం వంటివి భావించకండి. ప్రోత్సాహం, మెమొరీ సమస్యలు లేకుండా చేసుకోండి. లక్ష్యంలేనివారుగా, వ్యర్ధ జీవితం అనుకునేవారిగా వుంటే అవి మీఆహారంపై ప్రభావం చూపి బలం లేకుండా చేస్తాయి. కనుక ఇటువంటి భావనలు రానీయకండి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.