మీ రెగ్యులర్ డైట్ లో ఖచ్చితంగా ఉండాల్సిన హెల్తీ ప్రోటీన్ ఫుడ్స్..!

గుడ్డు:

శాస్త్రీయ పరిశోధనల ప్రకారం, రెగ్యులర్ డైట్ లో ఒక గుడ్డు చేర్చుకుంటే 6 గ్రాముల ప్రోటీన్ పొందుతారని సూచిస్తున్నారు. గుడ్డులో అమినోయాసిడ్స్, గ్లూటమిక్ యాసిడ్స్, బ్రాంచ్ చెయిన్ అమినో యాసిడ్స్ పుష్కలంగా ఉన్నాయి. కాబట్టి, వ్యాయామం తర్వాత ఇది మజిల్స్ రికవర్ అవ్వడానికి సహాయపడుతుంది.

బీన్స్:

బీన్స్ వెజిటేరియన్ ప్రోటీన్ ఫుడ్. దీన్ని ప్రతి రోజూ తీసుకోవడం ఆరోగ్యానికి మంచిది. రెగ్యులర్ డైట్ లో బ్లాక్ బీన్స్, సోయా బీన్స్, కిడ్నీ బీన్స్, ఏరకమైన బీన్స్ అయినా ఎంపిక చేసుకోవచ్చు. ఒక కప్పు బీన్స్ తో 15 నుండి 25 గ్రాముల ప్రోటీన్స్ ను పొందుతారు.

ధాన్యాలు:

పప్పు ధాన్యాలలో వివిధ రకాలున్నాయి. అయితే ప్రతి ఒక్కపప్పు దాన్యం బరువు తగ్గించడంలో గ్రేట్ గా సహాయపడుతుంది . సర్వ్ చేసే ఒక కప్పు దాల్లో 4-9గ్రాలముల ప్రోటీనులు ఉంటాయి. కాబట్టి, వీటిని తీసుకోవడం వల్ల బరువు తగ్గించుకోవచ్చు. వెజిటేరియన్ డైట్ లో త్రుణధాన్యాలను తప్పనిసరిగా చేర్చుకోవచ్చు . మీ రెగ్యులర్ డైట్ లో ప్రోటీన్ ఫుడ్స్ ను ఎంపిక చేసుకోవాలంటే, లెంటిల్ బెస్ట్ .

పెరుగు:

లోక్యాలరీ డైట్ ఫుడ్ ఇది. ఇది ఆరోగ్యానికి చాలా మేలు చేస్తుంది. ప్రోటీన్స్ అధికంగా ఉన్నాయి . ఒక కప్పు పెరుగులో 20 గ్రాముల ప్రోటీన్స్ ఉన్నాయి. ప్లెయిన్ పెరుగులో కూడా అంతే మొత్తంలో ఉన్నాయి.

పీనట్ బట్టర్:

హెల్తీ ప్రోటీన్ ఫుడ్స్ లో పీనట్ బట్టర్ ఒకటిగా సూచిస్తారు. దీన్ని రెగ్యులర్ డైట్ లో చేర్చుకోవడం వల్ల ఆరోగ్యానికి మంచిది, ప్రోటీన్ సప్లిమెంట్ కంటే ఇటువంటి హెల్తీ ఫుడ్స్ ను రెగ్యులర్ డైట్ లో చేర్చుకోవడం మంచిది.

చికెన్:

లీన్ ప్రోటీన్ ఫుడ్స్ లో చికెన్ ఒకటి. ఇందులో ప్రోటీన్స్ అధికంగా ఉంటాయి. చికెన్ బ్రెస్ట్ లో 26గ్రాముల ప్రోటీన్ ఉంటుంది. . ప్రతి రోజూ దీన్ని పరిమితంగా తీసుకోవడం మంచిది. హెల్తీ ప్రోటీన్ పొందడానికి ఫర్ఫెక్ట్ ఫుడ్ ఇది .

నట్స్ :

నట్స్ బాదాం, పిస్తా, ఆక్రోట్ వంటి నట్స్ ని రెగ్యులర్ గా తీసుకోవాలి. అయితే లిమిట్ గా తీసుకోవడం మంచిది. వీటిని సలాడ్లు, ఉడికించిన కూరగాయలతో కలిపి తీసుకుంటే.. టేస్ట్ తో పాటు, కావాల్సిన ప్రొటీన్స్ అందుతాయి.