బరువు తగ్గడానికి గుమ్మడికాయ :గుమ్మడికాయ యొక్క ఆరోగ్య ప్రయోజనాలు మరియు బరువు తగ్గడానికి సూచించబడిన 5 అద్భుతమైన గుమ్మడికాయ రెసిపీలు

బరువు తగ్గించడంలో గుమ్మడికాయ పనితీరు:

మీరు రోజువారీ ఆహారప్రణాళికలో భాగంగా గుమ్మడికాయను కూడా చేర్చుకొనిన ఎడల, తక్కువ కాలంలోనే ఎక్కువ కేలరీలు కరగడం ద్వారా, బరువు కోల్పోవడాన్ని గమనించవచ్చు. ఫైబర్లో అధికంగా ఉంటూ, కాలరీలలో తక్కువగా ఉండే గుమ్మడికాయ, నెమ్మదిగా ఆకలిని దూరంగా ఉంచుతుంది. క్రమంగా బరువు తగ్గడంలో కీలకపాత్ర పోషిస్తుంది.

గుమ్మడికాయ బరువును ఎలా తగ్గించగలదు:

1.కేలరీలు తక్కువ :

USDA డేటా ప్రకారం 100గ్రాముల ముడి గుమ్మడికాయలో కేవలం 26 కాలరీల శక్తి మాత్రమే ఉంటుంది. క్రమంగా తక్కువ కాలరీలతోనే, అధిక మోతాదులో పోషకాలను శరీరానికి అందివ్వగలరు.

2.ఫైబర్లో ఎక్కువ :

యునైటెడ్ స్టేట్స్ డిపార్ట్మెంట్ ఆఫ్ అగ్రికల్చర్(వ్యవసాయ శాఖ) ప్రకారం 100 గ్రాముల గుమ్మడికాయ కేవలం 0.5గ్రాముల ఫైబర్ కలిగి ఉంటుంది. క్రమంగా, ప్రతి కప్పు గుమ్మడికాయలో సుమారుగా 3గ్రాముల ఫైబర్ మరియు 49 కేలరీల శక్తి ఉంటుంది. బరువు తగ్గడంలో ఫైబర్ కీలకపాత్ర పోషిస్తుంది. మరియు ఆరోగ్యకరమైన జీర్ణవ్యవస్థకు ఎంతగానో దోహదపడుతుంది. అంతేకాకుండా, తరచుగా ఆకలి కలుగకుండా నిరోధిస్తుంది.

3.వ్యాయామం తర్వాత తీసుకోదగిన ఉత్తమ ఆహారంగా :

గుమ్మడికాయలో పొటాషియం నిల్వల ఉనికి ఎక్కువగా ఉంటుంది, క్రమంగా వ్యాయామం తర్వాత కండరాల విశ్రాంతికి మరియు పునర్నిర్మించడానికి ఎంతగానో సహాయపడగలదు. 100గ్రాముల గుమ్మడికాయలో 340మిల్లీగ్రాముల పొటాషియం ఉంటుంది. అనగా ఇది అరటిపండులోని పొటాషియం స్థాయిల కన్నా అధికంగా ఉంటుంది. క్రమంగా మీ వ్యాయామం తర్వాత, మీ కండరాలను తిరిగి వేగంగా పునర్నిర్మించేందుకు సహాయపడుతుంది.

4.రోగనిరోధక శక్తిని పెచుతుంది :

శరీరానికి అత్యంత అవసరమైన పోషకాలైన విటమిన్-సి మరియు బీటాకెరోటిన్ ఉనికిని గుమ్మడికాయ కలిగి ఉంటుంది. ఇవి రోగనిరోధక శక్తికి బూస్టర్ వలె ఉంటాయి. క్రమంగా ఆరోగ్యకరమైన రోగనిరోధక వ్యవస్థ కలిగి ఉండేలా దోహదపడుతుంది.

5.నిరాశ, ఆందోళనలు మరియు ఒత్తిడిని నియంత్రిస్తుంది :

గుమ్మడికాయలోని ట్రిప్టోఫాన్ అని పిలువబడే అమైనోఆమ్లం, ఒత్తిడి మరియు ఆందోళనలతో పోరాడి డిప్రెషన్ తగ్గించడంలో కీలకపాత్ర పోషించే సహజ సిద్దమైన మూడ్ బూస్టర్ వలె ఉంటుంది. మీ బరువును తగ్గించడంలో మరియు ఫిట్నెస్ నియమావళిని క్రమబద్దీకరించడంలో మీకు సహాయపడేందుకు మరియు ఆకలి మీదకు మనసు వెళ్ళకుండా చేసేలా ఈ ట్రిప్టోఫాన్ దోహదపడుతుంది.

బరువును తగ్గించడంలో గుమ్మడికాయను ఆహారప్రణాళికలో ఎలా తీసుకోవాలి:

బరువు తగ్గడంలో గుమ్మడికాయలో ఉన్న లక్షణాల గురించి పూర్తిగా తెలుసుకున్నారు కదా, ఇప్పుడు గుమ్మడికాయను మీ బరువు తగ్గడానికి సూచించబడిన ఆహారప్రణాళికలో చేర్చుకునే విధానాల గురించి తెలుసుకుందాం. గుమ్మడికాయను పీస్, కేకుల రూపంలో తీసుకోవడం అంత ప్రయోజనాన్ని కలిగి ఉండదు. దీనికి కారణం, వీటిలో అధిక చక్కెరలు, రీఫైండ్ పిండిపదార్ధాలు మరియు ఇతర కొవ్వు పదార్థాలను కూడుకుని ఉంటాయి కాబట్టి. ఇవి బరువు తగ్గించడానికి బదులుగా బరువు పెరగేందుకు దారితీస్తుంది. ఇక్కడ, మీ వెయిట్-లాస్ ఆహార ప్రణాళికకు జోడించుకునేలా కొన్ని ఆరోగ్యకరమైన గుమ్మడికాయ ఆధారిత వంటకాలను పొందుపరచబడినవి.

1.తృణ ధాన్యాలు, గుమ్మడికాయ మరియు క్రాన్బెర్రీస్ సూప్ :

తృణ ధాన్యాలలోని పోషకాలు, క్రాన్బెర్రీస్ లోని యాంటీ ఆక్సిడెంట్స్ కారణంగా, ఈ సూప్ శరీరానికి సంపూర్ణతని ఇచ్చేలా ఉంటుంది.

2.కాల్చిన గుమ్మడికాయతో రెసిపీ :

రెడ్ వైన్ వెనిగర్, థైమ్, మిరపకాయలు మరియు కొత్తిమీరతో కూడిన ఈ కాల్చిన గుమ్మడికాయ రెసిపీ, కడుపు నిండినట్లుగా ఉంచడమే కాకుండా రుచికరంగా కూడా ఉంటుంది.

3.గుమ్మడికాయ హమ్ముస్ రెసిపీ :

కాల్చిన గుమ్మడికాయ, చిక్పీస్, ఆలివ్ నూనె మరియు జీలకర్ర వంటి ఉత్తమ పదార్ధాలతో కూడిన ఈ హమ్ముస్ రెసిపీ సాయంత్రం తీసుకునే స్నాక్స్ వలె ఉపయోగపడుతుంది.

4.గుమ్మడికాయ సూప్ రెసిపి :

గుమ్మడికాయ సూప్ వెయిట్-లాస్ ఆహార ప్రణాళికలో ఉన్న వారికి ప్రత్యేకించి సూచించబడిన ఆహారపదార్ధంగా ఉంటుంది.

5.కట్టా మీటా కడ్డు :

మీరు భారతీయ ఆహార ప్రేమికునిగా ఉన్నట్లయితే, ఈ తీపి మరియు స్పైసి సబ్జిని తప్పనిసరిగా ప్రయత్నించాల్సిందే. ఇంగువ, సోపు, జీలకర్ర మరియు చింతపండు గుజ్జుతో చేసే ఈ రుచికరమైన ఈ కట్టా మీటా కడ్డు ఉత్తమమైన రుచిని కలిగి ఉండడమే కాకుండా, భోజనం సంపూర్ణతను అందిస్తుంది.

బరువు తగ్గాలని చేసే ఆహార ప్రణాళికలు అంత తేలికగా ఉండవని గుర్తుంచుకోండి. కావున, ఉత్తమ ఫలితాలను పొందేందుకు ఆరోగ్యకరమైన జీవనశైలితో పాటు, దీర్ఘకాలిక వ్యాయామం, సరైన ఆహార ప్రణాళిక కూడా అవసరంగా ఉంటుందని గుర్తుంచుకోండి.