బరువు తగ్గడానికి యాపిల్ సైడర్ వెనిగర్ ను ఎలా ఉపయోగించాలి

1. దాల్చిన చెక్క, నిమ్మ మరియు ఆపిల్ సైడర్ వెనిగర్ :

2 నుండి 3 టీస్పూన్ల ఆపిల్ సైడర్ వెనిగర్ మరియు ఒక టీస్పూన్ దాల్చిన చెక్క పొడిని 8 నుండి 10 ఔన్సుల నీటికి కలపండి. ఈ మిశ్రమాన్ని రోజులో మూడు సార్లు సేవించండి. దీన్ని ఫ్రిడ్జ్లో నిల్వ చేసి, కూల్డ్రింక్ వలె తీసుకోవచ్చు.

2. ఆపిల్ సైడర్ వెనిగర్ మరియు తేనె :

రెండు టీస్పూన్ల తేనె మరియు 2 నుండి 3 టీస్పూన్ల ఆపిల్ సైడర్ వెనిగర్ను ఒక గ్లాసు నీటిలో కలపండి. తాగే ముందు షేక్ చేసి తీసుకోవలసి ఉంటుంది. మెరుగైన ఫలితాల కోసం ప్రతిరోజూ తీసుకోండి.

3. ఆపిల్ సైడర్ వెనిగర్, తేనె మరియు నీరు :

ఊబకాయం తగ్గించడంలో ఈ రెసిపీ అత్యుత్తమంగా పనిచేస్తుందని చెప్పబడింది. 2 టీస్పూన్ల ముడి తేనెను 16 ఔన్సుల నీటికి చేర్చి 2 టీస్పూన్ల ఆపిల్ సైడర్ వెనిగర్ కలిపి. భోజనానికి అరగంట ముందు సేవించాలి. మెరుగైన ఫలితాల కోసం రోజుకొకసారి అనుసరించండి.

4. ఆపిల్ సైడర్ వెనిగర్ , రసాలు :

ఆపిల్ సైడర్ వెనిగర్ను పండ్ల రసాలలో కూడా జోడించవచ్చు. 8 ఔన్సుల గోరు వెచ్చని నీటిలో, 8 ఔన్సుల కూరగాయలు లేదా పండ్ల రసాన్ని మరియు 2 టీస్పూన్ల ఆపిల్ సైడర్ వెనిగర్ను కలిపి మిక్స్ చేయండి. రోజులో రెండు మార్లు క్రమం తప్పకుండా తీసుకోవడం ద్వారా మెరుగైన ఫలితాలను సాధించగలరు.

5. సలాడ్ మరియు ఆపిల్ సైడర్ వెనిగర్ :

మీ సలాడ్లో ఆపిల్ సైడర్ వెనిగర్ జోడించడం ద్వారా సమర్థవంతంగా మరియు వేగవంతంగా ఊబకాయం తగ్గించుకోవడంలో దోహదపడుతుందని చెప్పబడింది. ఈ రెసిపీకి 50 మిల్లీలీటర్ల నీటికి, 50 మిల్లీలీటర్ల ఆపిల్ సైడర్ వెనిగర్, ¼ టీస్పూన్ బ్లాక్ పెప్పర్ పౌడర్, ¼ స్పూన్ ఉప్పు, మీకు నచ్చిన కూరగాయలు అవసరమవుతాయి. ఒక గిన్నెలో ఆపిల్ సైడర్ వెనిగర్ కలిపిన నీళ్ళను తీసుకుని, అందులో తరిగిన కూరగాయలను మరియు మిగిలిన పదార్ధాలను జోడించి కలపండి. ఈ సలాడ్ బరువు తగ్గడంలో ఉత్తమంగా సహాయపడగలదు.

6. ఆపిల్ సైడర్ వెనిగర్ మరియు గ్రీన్-టీ :

గ్రీన్-టీ మరియు ఆపిల్ సైడర్ వెనిగర్ బరువు తగ్గే విషయంలో ఒక పవర్ ప్యాక్డ్ కాంబో అని చెప్పబడుతుంది. గ్రీన్ టీ తయారుచేసుకున్న తర్వాత, దానిలో రెండు టీస్పూన్ల తేనె మరియు ఒక టీస్పూన్ ఆపిల్ సైడర్ వెనిగర్ జోడించి సేవించండి. ఈ మిశ్రమాన్ని రోజులో పలుమార్లు తీసుకోండి.

7. ఆపిల్ సైడర్ వెనిగర్ మరియు చామంతి-టీ :

గ్రీన్-టీ మాదిరిగానే, చామంతి-టీలో కూడా ఆపిల్ సైడర్ వెనిగర్ కలిపి తీసుకోవచ్చు. బరువు తగ్గడంలో ఇది కూడా అత్యుత్తమంగా సహాయం చేస్తుంది. 3 టీస్పూన్ల ఆపిల్ సైడర్ వెనిగర్, 2 టీస్పూన్ల తేనెను ఒక కప్పు తాజా చామంతి- టీలో కలిపి సేవించండి. ఉత్తమ ఫలితాల కోసం ప్రతిరోజూ తీసుకోవచ్చు.

8. మాపుల్ సిరప్ మరియు ఆపిల్ సైడర్ వెనిగర్ :

మాపుల్ సిరప్ సహజ సిద్దమైన స్వీటెనర్గా పరిగణించబడుతుంది. మరియు చక్కర కన్నా ఆరోగ్యకరమైన స్వీటెనర్గా ఉంటుంది. ఇది ఫ్రీ రాడికల్స్ తటస్థీకృతం చేయడంలో సహాయపడే యాంటీ ఆక్సిడెంట్లను పుష్కలంగా కలిగి ఉంటుంది. ఒక గ్లాసు వెచ్చని నీటిలో ఒక టీస్పూన్ మాపుల్ సిరప్ మరియు ఆపిల్ సైడర్ వెనిగర్ కలిపి సేవించండి. బరువు తగ్గే క్రమంలో భాగంగా రోజులో మూడు సార్లు తీసుకునేలా ప్రణాళిక చేసుకోండి.

9. ఆపిల్ సైడర్ వెనిగర్ మరియు వెల్లుల్లి రసం :

ఒక బౌల్ తీసుకొని అందులో 2 టీస్పూన్ల తేనె, 2 టీస్పూన్ల ఆపిల్ సైడర్ వెనిగర్, కొన్ని చుక్కల వెల్లుల్లి రసం, ¼ స్పూన్ నిమ్మ రసం మరియు ఒక చిటికెడు కాయన్నే పెప్పర్లను ఒక గ్లాసు నీటికి జోడించి కలిపి తీసుకోండి. ఇది మీకు ఆహారం మీద కోరికలను తగ్గించి, బరువు తగ్గడంలో సహాయం చేస్తుంది.

10. ఆపిల్ సైడర్ వెనిగర్ మాత్రలు :

నిజం, కొన్ని స్టోర్స్లో రెడీమేడ్ ఆపిల్ సైడర్ వెనిగర్ మాత్రలు కూడా లభిస్తున్నాయి. బ్రాండ్ అనుసరించి పోషకాలలో తేడాలు గమనించవచ్చు.

ఆపిల్ సైడర్ వెనిగర్ - ప్రధాన ఉపయోగాలు :

ఎ. కొవ్వు పేరుకుపోకుండా నిరోధిస్తుంది :

ఆపిల్ సైడర్ వెనిగర్ జీవ క్రియలను మెరుగుపరచడంలోనే కాకుండా, క్యాలరీలను వేగంగా కరిగించడంలో కూడా సహాయపడుతుంది. దీని వలన శరీరంలో కొవ్వు పేరుకుపోవడం తక్కువగా ఉంటుంది. అదేవిధంగా మంచి కొలెస్ట్రాల్ నిర్వహించడానికి, మరియు చెడు కొలెస్ట్రాల్ తొలగించడానికి సహాయపడుతుంది.

బి. మధుమేహాన్ని నియంత్రిస్తుంది :

ఇన్సులిన్ స్థాయిలు, రక్తంలో చక్కెర స్థాయిలు కూడా శరీరంలో కొవ్వు పేరుకుపోయేందుకు కారకాలుగా ఉండవచ్చు. మీ దైనందిక ఆహార ప్రణాళికలో భాగంగా తరచుగా ఆహారంలో ఆపిల్ సైడర్ వెనిగర్ చేర్చడం వల్ల శరీరంలో రక్తంలోని చక్కెర స్థాయిలను నిర్వహించడానికి సహాయపడుతుంది. క్రమంగా మధుమేహాన్ని, ముఖ్యంగా టైప్-2 డయాబెటిస్ నియంత్రించడానికి సహాయపడుతుంది.

సి. డీటాక్స్ గా పనిచేస్తుంది :

శరీరంలో హానికరమైన బ్యాక్టీరియా లేదా వైరస్లు లేనప్పుడు మాత్రమే జీర్ణక్రియ ప్రక్రియలు సజావుగా సాగుతాయి. ఆపిల్ సైడర్ వెనిగర్ విషతుల్యాలను శోషించుకోవడం ద్వారా ప్రేగు కదలికలను నిర్వహించడంలో, క్రమంగా మలవిసర్జన సజావుగా సాగడంలో సహాయపడుతుంది. అలాగే శరీరం నుండి వెలువడే హానికరమైన విష పదార్ధాలను బయటకు నెట్టివేయడంలో సహాయం చేస్తుంది. క్రమంగా బరువు తగ్గడంలో అత్యుత్తమంగా సహాయపడగలదు.

డి. ఆకలిని అణిచివేస్తుంది :

ఆపిల్ సైడర్ వెనిగర్ ఆకలి కోరికలను తగ్గించడంలో ఉత్తమంగా పనిచేస్తుంది. ముఖ్యంగా దీనిలో బీటా కెరోటిన్ ఉంటుంది, ఇది కొవ్వు కణాలను వేగంగా విచ్ఛిన్నం చేయడానికి దోహదపడుతుంది.

ఈవ్యాసం మీకు నచ్చినట్లయితే మీ ప్రియమైన వారితో పంచుకోండి. ఇటువంటి అనేక ఆసక్తికర ఆరోగ్య, జీవనశైలి, ఆహార, లైంగిక, వ్యాయామ, ఆద్యాత్మిక, జ్యోతిష్య, హస్త సాముద్రిక, తదితర సంబంధిత విషయాల కోసం బోల్డ్స్కై పేజీని తరచూ సందర్శించండి. ఈ వ్యాసంపై మీ అభిప్రాయాలను, వ్యాఖ్యలను క్రింద వ్యాఖ్యల విభాగంలో తెలియజేయండి.