అలర్ట్..! కిడ్నీ ఫెయిల్యూర్ సూచించే డేంజర్ సంకేతాలు..

యూరిన్ ప్రాబ్లమ్స్

యూరిన్ తక్కువగా వెళ్తున్నారు అంటే.. మీ కిడ్నీలు డేంజర్ లో ఉన్నారని గ్రహించాలి. అలాగే రాత్రి పూట ఎక్కువగా యూరిన్ కి వెళ్తున్నారంటే.. కూడా కిడ్నీలకు సంబంధించిన వ్యాధికి సంకేతం. సాధారణంగా కిడ్నీ ఫిల్టర్స్ డ్యామేజ్ అయినప్పుడు ఈ సమస్య కనిపిస్తుంది.

MOST READ:డెంగ్యూ వచ్చిందా? ఇవి తినండి చాలు!

యూరిన్

యూరిన్ క్లియర్ గా ఉండి.. యూరిన్ కి వెళ్లినప్పుడు నొప్పిగా ఉంది అంటే.. యూరినరీ ట్రాక్ ఇన్ఫెక్షన్ కి సంకేతంగా గుర్తించాలి. యూరిన్ తోపాటు రక్తం కూడా వెళ్తుంటే.. ఒక్కసారి డాక్టర్ ని సంప్రదించడం మంచిది. ఇది కూడా కిడ్నీ డ్యామేజ్ ని సూచించే లక్షణం.

వాపు

పాదం, మడిమలు చాలా ఎక్కువగా వాపు వచ్చాయంటే.. వెంటనే డాక్టర్ ని సంప్రదించడం మంచిది. కొన్ని సందర్భాల్లో పాదాల వాపులు కిడ్నీల ప్రక్రియ తగ్గిపోయిందని సూచిస్తుంది.

తినాలనిపించకపోవడం

ఆకలి చాలా తక్కువగా ఉండటం, వికారం, వాంతులు ఉండటం వంటి లక్షణాలను ఏ మాత్రం నిర్లక్ష్యం చేయకూడదు. శరీరంలో టాక్సిన్స్ ఎక్కువైనప్పుడు ఇలాంటి లక్షణాలు కనిపిస్తాయి. ఇది కిడ్నీ ఫెయిల్యూర్ కి దారితీస్తుంది.

కళ్లు

కిడ్నీల ద్వారా ఎక్కువ మోతాదులో ప్రొటీన్స్ యూరిన్ ద్వారా బయటకు వెళ్లినప్పుడు కళ్లు వాపులు వస్తాయి. ఇలాంటి లక్షణం కనిపించగానే డాక్టర్ ని సంప్రదించి బ్లడ్ టెస్ట్ చేయించుకోవడం అలాగే కిడ్నీ టెస్ట్ చేయించుకోవడం చాలా అవసరం.

కండరాలు

ఎలక్ట్రోసైట్ ఇంబ్యాలెన్స్ వల్ల కిడ్నీ ప్రక్రియకు ఆటంకం కలుగుతుంది. ఒకవేళ మీరు రోజంతా కండరాల నొప్పులతో బాధపడుతుంటే.. కిడ్నీలపై దుష్ర్పభావం చూపుతోందని గ్రహించాలి.

MOST READ:కడుపు ఉబ్బరమా? ఈ ఆహారాలకు దూరంగా ఉండండి !

యూరిన్ కలర్

మీ ఆరోగ్యం గురించి మీ యూరిన్ చాలా విషయాలు చెబుతుంది. మీరు యూరిన్ కి వెళ్లినప్పుడు నురుగు ఎక్కువగా వస్తుంది అంటే.. అది కిడ్నీ ఫెయిల్యూర్ కి సంకేతమని గుర్తించండి. అలాగే కొంచెం దుర్వాసన కూడా ఉందంటే ఏ మాత్రం నిర్లక్ష్యం చేయకండి.

చర్మంపై దురద

మీ రక్తంలో మినరల్స్, ప్రొటీన్స్ ని సరైన మోతాదులో కిడ్నీలు బ్యాలెన్స్ చేయలేకపోతే.. చర్మంపై దురద మొదలవుతుంది. దురద ఎక్కువగా ఉన్నప్పుడు క్రీములు, మందులు వాడటం కంటే.. ఒకసారి డాక్టర్ ని సంప్రదించడం మంచిది.