హఠాత్తుగా వచ్చే స్ట్రోక్ అరికట్టడానికి తీసుకోవాల్సిన జాగ్రత్తలు..!!

రెగ్యులర్ గా వ్యాయామం

ఆరోగ్యంగా జీవించడానికి వ్యాయామం చాలా ముఖ్యమైనది. రెగ్యులర్ గా వ్యాయామం చేయడం వల్ల లెక్కలేనన్ని ప్రయోజనాలు పొందవచ్చు. క్యాలరీలు కరిగించడానికి, బ్లడ్ ప్రెజర్ కంట్రోల్ గా ఉండటానికి సహాయపడుతుంది. ముఖ్యంగా స్ట్రోక్ దరిచేరకుండా ఉండటానికి వ్యాయామం గ్రేట్ గా సహాయపడుతుంది.

బరువు తగ్గడానికి

కొన్ని అధ్యయనాల ప్రకారం అధిక బరువు ఉన్నవాళ్లలో స్ట్రోక్ రిస్క్ ఉంటుంది. కాబట్టి బీఎమ్ఐ విషయంలో చాలా కేర్ తీసుకోవాలి. ఎక్కువగా ఉన్న క్యాలరీలను, కొలెస్ట్రాల్ ను తగ్గించుకోవాలి. దీనివల్ల స్ట్రోక్ రాకుండా అరికట్టవచ్చు.

బ్లడ్ ప్రెజర్

హై బ్లడ్ ప్రెజర్ ఉన్నవాళ్లకు హార్ట్ స్ట్రోక్ రిస్క్ ఎక్కువగా ఉంటుంది. హైపర్ టెన్షన్ కూడా స్ట్రోక్ కి కారణమవుతుంది. ఇది సైలెంట్ కిల్లర్ లాంటిది. కాబట్టి బ్లడ్ ప్రెజర్ ని అండర్ కంట్రోల్ లో ఉంచుకోవడం చాలా అవసరం.

బ్లడ్ షుగర్ లెవెల్

బ్లడ్ షుగర్ లెవెల్స్ విషయంలో జాగ్రత్తగా ఉండటం చాలా అవసరం. ఎక్కువ బ్లడ్ షుగర్ లెవెల్స్ ఉంటే.. బ్లడ్ వెజెల్స్ పై దుష్ర్పభావం ఉంటుంది. కాబట్టి.. రెగ్యులర్ గా బ్లడ్ షుగర్ లెవెల్స్ ఎలా ఉన్నాయో చెక్ చేసుకుంటూ ఉండాలి.

స్మోకింగ్ మానేయడం

స్మోకింగ్ ఎక్కువగా చేసేవాళ్లలో స్ట్రోక్ కి ఎక్కువ రిస్క్ ఉంటుంది. స్మోకింగ్ చేసేవాళ్లలో హార్ట్ డిసీజ్, స్ట్రోక్ కి ఎక్కువ ఛాన్సెస్ ఉంటాయని అధ్యయనాలు తేల్చాయి.

హెల్తీ డైట్

బ్యాలెన్స్డ్ డైట్ ఫాలో అవడం వల్ల స్ట్రోక్ కి దూరంగా ఉండవచ్చు. న్యాచురల్, అన్ ప్రాసెస్డ్ ఫుడ్ తీసుకోవాలి. జంక్ ఫుడ్ కి దూరంగా ఉండాలి. హెల్తీ ఫుడ్ తీసుకోవడం వల్ల స్ట్రోక్ రిస్క్ తగ్గడమే కాదు.. క్రోనిక్ డిసీజ్ లకు దూరంగా ఉండవచ్చు.

కొలెస్ట్రాల్ లెవెల్

కొలెస్ట్రాల్ లెవెల్ చెక్ చేసుకోవడం చాలా అవసరం. ముఖ్యంగా బ్యాడ్ కొలెస్ట్రాల్ విషయంలో కేర్ తీసుకోవాలి. ఇది ఎక్కువగా ఉంటే.. స్ట్రోక్ రిస్క్ ఎక్కువగా ఉంటుంది. కాబట్టి రెగ్యులర్ గా కొలెస్ట్రాల్ లెవెల్ పై కన్నేసి ఉండాలి.

ఒత్తిడి

హార్ట్ ఎటాక్ , స్ట్రోక్ కి ఒత్తిడి ప్రధాన కారణమవుతోంది. ఇది కార్డియోవాస్కులర్ వెజెల్స్ డ్యామేజ్ చేస్తుంది. దీనివల్ల స్ట్రోక్ రావడానికి ఎక్కువ అవకాశాలుంటాయి.