గురక లేకుండా హాయిగా నిద్రించే మార్గాలు

1.టెన్నిస్ బంతిని వాడండి :

వెల్లకిలా పడుకున్నట్లయితే, టెన్నిస్ బంతిని పాత చొక్కా జేబులో ఉంచి దాన్ని మీ పైజామాకి లోపలి భాగంతో కుట్టేయండి. బోర్లాకాని,పక్కకి కానీ నిద్రలో తిరిగినప్పుడు,బంతి కలుగచేసే అసౌకర్యంతో మళ్ళీ వెల్లకిలా దొర్లుతారు కానీ నిద్ర లేవరు. ఈ కాస్త నిద్రాభంగం మిమ్మల్ని గురకనుంచి ఆపుతుంది.గురకకి ఇదే మేటి పరిష్కారం.

2.తేమను పెంచండి ;

తేమలేని గదిలో పడుకోటం కూడా మీ గురకకి కారణమవ్వచ్చు.ఎందుకంటే పొడి గాలి మీ గొంతులో,ముక్కుకి సంబంధించిన పొరలలో తడి ఆర్చి దిబ్బడగా మారుస్తుంది.తేమను పెంచే పరికరం (humidifier)ను వాడటం వల్ల ఈ గురక సమస్య మెల్లగా తగ్గుతుంది.ఇది కూడా గురకకి మేటి చిట్కా.

3.బరువు తగ్గటం కూడా సాయపడుతుంది

మీరు అధికబరువు ఉన్నట్లయితే,అది కూడా గురకకి కారణం కావచ్చు.అధికబరువుతో ఉన్నప్పుడు మీ గొంతులో మరిన్ని కణజాల పొరలు ఉండి అవి శబ్దానికి కారణం కావచ్చు.ఎంత పెద్దగా అవరోధం ఉంటే,అంతగా గాలి ప్రయాణం ఆపబడుతుంది.ఇది అదురుకి కారణమై గురకకి దారితీస్తుంది.

4.మీ తలని మంచంపై నుంచి కొంచెం ఎత్తండి

మీ నాలుక వెనకకి పడకుండా ఆపుతూ,గొంతుకు అడ్డురాకుండా మీరు మీ తలను మంచంపై కొంచెం ఎత్తడానికి ప్రయత్నించవచ్చు.దీనికోసం 1-2 అంగుళాల పరిమాణం ఉన్న చెక్క ఇటుక వంటిదాన్ని మీ మంచం కింద పెట్టి మీ తల స్థానం ఎత్తును పెంచవచ్చు.ఇది గురకకి మంచి పద్ధతుల్లో ఒకటి.

5.ఎల్లప్పుడూ ఇంటిని శుభ్రంగా ఉంచుకోండి

అలర్జీలు కలిగించే పుప్పొడి,దుమ్ము,జంతువుల వెంట్రుకలు మొదలైనవి గొంతులో అడ్డం సృష్టించి గాలిని అడ్డగిస్తాయి.ఇది గురకకి దారితీయవచ్చు.మీ గాలి వడపోత పరికరాన్ని (air filter) తరచుగా మారుస్తూ ఉండండి.

6.అసలు మీకు గురక ఎందుకు వస్తోందో తెలుసుకోండి

మీకు గురక సమస్య ఎందుకు వస్తున్నదో తెలిస్తే,దానికి పరిష్కారం కనుగొనటం తేలిక.గురకపెడుతున్నప్పుడు మీ నోరు మూసి ఉంచుతున్నట్లయితే మీ నాలుక దారిలో సమస్య ఉన్నట్టు. నోరు తెరిచి గురక పెడుతున్నట్లయితే గొంతు పొరలలో సమస్య ఉన్నట్టు గ్రహించాలి.

7. గురక వ్యతిరేక మందులు

కొన్ని ఆయుర్వేద మందులు గురకను తగ్గించటంలో సాయపడతాయి.వాటిలో ఉన్న సహజ ఎంజైములు ముక్కు దిబ్బడను తొలగిస్తాయి.ఇది గురకను ఆపుతుంది.

8.వేపరైజర్ కి కొన్ని తైలాలను జతచేయండి

తేమలేని గాలి,దిబ్బడ గురకకి దారితీయటంతో,మీ వేపరైజర్ కి వివిధ తైలాలు జతచేయండి. పెప్పర్ మింట్ తైలం వంటివి గాలి పోయే మార్గాలను తిరిగి తెరచి సైనస్ ప్రాంతాలను ఖాళీచేసి మీరు సుఖంగా నిద్రపోయేలా చేస్తుంది.

9.మీ దిండ్లను సరిగా అమర్చుకోండి

తలను పైకెత్తి పడుకోవటం వల్ల గాలి వెళ్ళే మార్గం తెరచుకుని,శ్వాస సులభంగా మారుతుంది. దిండు మరీ వత్తుగా కానీ,గట్టిగా కానీ ఉండరాదు.మీరు మందమైన దిండ్లు కానీ,అనేక దిండ్లను వాడుతూ కానీ ప్రయత్నించవచ్చు.

10.ప్రాణాయామం నేర్చుకోండి

ఈ యోగా వ్యాయామం శ్వాసను అదుపుచేయటంలో సాయపడుతుంది. నెమ్మదిగా శ్వాస తీసుకుంటూ మీ చుట్టూ ఉన్న ఆక్సిజన్ ను ఎక్కువగా వంటికి పట్టేట్లా చేసుకోండి.ఇది మెదడుకి రక్తసరఫరా మెరుగుపరుస్తుంది. ప్రాణాయామం వివిధ నిద్రలేమి సమస్యలు స్లీప్ ఏప్నియా వంటి వాటికి కూడా ఉపశమనం కలిగిస్తుంది.

11.నాలుక,గొంతుకి సంబంధించిన వ్యాయామాలు చేయండి

నాలుక,గొంతు కండరాలు బలంగా ఉంటే గురక సమస్య చాలా వరకు తగ్గిపోతుంది. కండరాలు వదులైనప్పుడే మనం ఎక్కువ గురక పెడతాం.మీరు ఈ కండరాలను గట్టిచేసే ఈ వ్యాయామాలు ప్రయత్నించవచ్చు.కింద దవడను పెద్ద దవడపై ఉంచటానికి ప్రయత్నించి పది వరకు లెక్కపెట్టండి.రోజుకి ఇది 5-10 సార్లు చేయండి.ఇది సహజంగా మీ గురకను ఆపేస్తుంది.

12. మద్యం,మత్తుపదార్థాలకు దూరంగా ఉండండి

నిద్రపోయే కనీసం రెండు గంటల ముందు వరకూ మద్యపదార్థాలు తీసుకోకండి.ఇవి మీ గొంతులో కణజాలాన్ని వదులుచేసి,అది విస్తరించేట్లా చేసి గాలి మార్గాన్ని అవరోధించవచ్చు.అది గురకకి దారితీస్తుంది.