చాలా మంది బాడీలో చెడు కొలెస్ట్రాల్ ఉంటుంది.. ఇలా చేసి కొవ్వుతో చెడుగుడు ఆడండి

పేరుకుపోకుండా చూసుకోవాలి

అధికంగా బరువు పెరుగుతారు. కనుక ఎవరైనా శరీరంలో చెడు కొలెస్ట్రాల్ పేరుకుపోకుండా చూసుకోవాలి. అందుకు నిత్యం వ్యాయామం చేయడంతోపాటు కింద సూచించిన విధంగా పలు ఆహారాలను రోజూ తీసుకోవాలి. దీంతో చెడు కొలెస్ట్రాల్‌ను అంతం చేయవచ్చు. తద్వారా ఆరోగ్యంగా కూడా ఉండవచ్చు. మరి చెడు కొలెస్ట్రాల్‌ను తగ్గించుకునేందుకు నిత్యం తీసుకోవాల్సిన ఆ ఆహారాల గురించి ఇప్పుడు తెలుసుకుందామా..!

యాపిల్

నిత్యం ఒక యాపిల్ పండు తింటే డాక్టర్ వద్దకు వెళ్లాల్సిన అవసరం ఉండదని అందరికీ తెలిసిందే. ఈ క్రమంలోనే యాపిల్‌ను రోజూ తీసుకోవడం వల్ల శరీరంలో ఉండే చెడు కొలెస్ట్రాల్ పోతుంది. లివర్ తయారు చేసే చెడు కొలెస్ట్రాల్‌ను తగ్గించే గుణాలు యాపిల్‌లో ఉంటాయి. అందుకని రోజూ ఒక యాపిల్ పండు తింటే మంచిది.

బీన్స్

బీన్స్‌లో ఫైబర్ పుష్కలంగా ఉంటుంది. ఇది చెడు కొలెస్ట్రాల్ తయారీని అడ్డుకుంటుంది. బీన్స్‌లో ఉండే లేసిథిన్ అనే పదార్థం చెడు కొలెస్ట్రాల్‌ను కరిగిస్తుంది. దీంతోపాటు బీన్స్‌లో ఉండే పొటాషియం, కాపర్, పాస్ఫరస్, మాంగనీస్, ఫోలిక్ యాసిడ్‌లు కూడా శరీరంలో చెడు కొలెస్ట్రాల్‌ను తగ్గిస్తాయి.

ద్రాక్ష

ఆంతోసైనిన్స్, టానిన్స్ వంటి పదార్థాలు ద్రాక్షల్లో పుష్కలంగా ఉంటాయి. ఇవి చెడు కొలెస్ట్రాల్‌ను తగ్గిస్తాయి. ద్రాక్షలో ఉండే పొటాషియం శరీరంలో ఉండే విష పదార్థాలను బయటకు పంపుతుంది.

జామ

జామ పండ్లలో విటమిన్ సి, పాస్ఫరస్, నికోటిన్ యాసిడ్, సాల్యుబుల్ ఫైబర్‌లు పుష్కలంగా ఉంటాయి. ఇవి శరీర రోగ నిరోధక వ్యవస్థను పటిష్టం చేస్తాయి. కొలెస్ట్రాల్‌ను తగ్గించి గుండె వ్యాధులు రాకుండా చూస్తాయి.

పుట్టగొడుగులు

శరీరంలో ఉండే చెడు కొలెస్ట్రాల్‌ను తగ్గించడంలో పుట్టగొడుగులు కూడా ఎంతగానో దోహదం చేస్తాయి. వీటిల్లో ఉండే విటమిన్ బి, సి, కాల్షియం, ఇతర మినరల్స్ చెడు కొలెస్ట్రాల్ పని పడతాయి.

గింజలు

అవిసె గింజలు, బాదం పప్పుల్లో ఒమెగా 3 ఫ్యాటీ యాసిడ్లు పుష్కలంగా ఉంటాయి. ఇవి చెడు కొలెస్ట్రాల్‌ను తగ్గిస్తాయి. గుండె ఆరోగ్యాన్ని మెరుగు పరుస్తాయి. గుండెను పదిలంగా ఉంచుతాయి.

వెల్లుల్లి

వంటలకు చక్కని రుచి, వాసన తేవడంలో వెల్లుల్లిని మించింది లేదు. కేవలం ఆ విషయంలోనే కాదు, శరీరంలో పేరుకుపోయే చెడు కొలెస్ట్రాల్‌ను కరిగించడంలోనూ వెల్లుల్లి అమోఘంగా పనిచేస్తుంది. నిత్యం ఉదయాన్నే పరగడుపున ఒక వెల్లుల్లి రెబ్బను అలాగే తింటే చెడు కొలెస్ట్రాల్ తగ్గుతుంది. గుండె ఆరోగ్యంగా ఉంటుంది.

ఓట్స్, సబ్జా

ఓట్స్, సబ్జా గింజలను రోజూ ఆహారంలో భాగం చేసుకున్నా శరీరంలో చెడు కొలెస్ట్రాల్ కరిగిపోతుంది. గుండె ఆరోగ్యంగా ఉంటుంది.

పెసలు

పెసలలో మన శరీరానికి పనికొచ్చే శక్తివంతమైన ప్రోటీన్లు ఉంటాయి. ఇవి శరీర నిర్మాణానికి పనికొస్తాయి. అలాగే చెడు కొలెస్ట్రాల్‌ను తగ్గించడంలోనూ పెసలు అమోఘంగా పనిచేస్తాయి. నిత్యం ఒక కప్పు మోతాదులో ఉడకబెట్టిన పెసలను నెల రోజుల పాటు తింటే ఆశించిన ఫలితం వస్తుంది.

ఆరెంజ్ జ్యూస్ తాగాలి

రెండు గ్లాసుల ఆరెంజ్ జ్యూస్ ను రోజూ ఉదయం తాగడం వల్ల బ్యాడ్ కొలెస్ట్రాల్ లెవల్స్ తగ్గుతాయి. ఫ్రెష్ గా తయారుచేసిన ఆరెంజ్ జ్యూస్ తాగడం వల్ల శరీరంలో ఆరోగ్యకరమైన రక్తనాళాలను కలిగి ఉంటుంది. షుగర్ మానేయాలి. షుగర్ కు ప్రత్యామ్నాయంగా తేనె ఉపయోగించవచ్చు.

మితాహారం తీసుకోవాలి

రోజుకు 6 లేదా 7 సార్లు మితాహారం తీసుకునే వారిలో వేగంగా కొలెస్ట్రాల్ తగ్గినట్లు కనుగొన్నారు. మితాహారం తీసుకోవడం వల్ల కరోనరీ డిసీజెస్ 10 నుండి 20 శాతం తగ్గుతుంది.

ఒక గ్లాస్ రెడ్ వైన్ తాగాలి

శరీరంలో చెడు కొలెస్ట్రాల్ ను వేగంగా తగ్గించుకోవాలంటే, ఒక గ్లాస్ రెడ్ వైన్ తాగాలి. పరిశోధన ప్రకారం రెడ్ వైన్ హెచ్ డిఎల్ కొలెస్ట్రాల్ వెవల్స్ ను పెంచుతుంది. రెడ్ వైన్ లో ఉండే సాపోనిన్స్ కొలెస్ట్రాల్ తగ్గించడానికి పాజిటివ్ ఎఫెక్ట్ ను కలిగి ఉంటుంది.

త్రుణ ధాన్యాలు

వైట్ బ్రెడ్ కు బదులుగా బ్రౌన్ బ్రెడ్ ను తీసుకోవాలి. ఇది హెచ్ డి ఎల్ లెవల్స్ ను పెంచుతుంది. త్రుణ ధాన్యాలు ఎక్కువ డైరీ ఫ్రైబర్ ను కార్డీయో వ్యాధులను నివారిస్తుంది. బ్రౌన్ రైస్ మరియు హోల్ వీట్ పాస్తాలలో డైటరీ ఫైబర్ అధికంగా ఉంటుంది. ఇది మంచి కొలెస్ట్రాల్ పెంచుతుంది.

సలాడ్ డ్రెస్సింగ్ కోసం ఆలివ్ ఆయిల్

ఆయిల్లో మోనో శ్యాచురేటెడ్ ఫ్యాట్స్ అధికంగా ఉంటుంది. ఇది మెటబాలిక్ సిండ్రోమ్ లేదా డయాబెటిస్ తో బాధపడే వారిలో ఎల్ డిఎల్ కొలెస్ట్రాల్ లెవల్స్ ను తగ్గిస్తుంది