మైగ్రేన్ సమస్యతో భాదపడుతున్నారా? అయితే మైగ్రేన్ నొప్పితో సంబంధం ఉండే ఈ వ్యాధుల గురించి తెలుసుకోవడం అవసరం.

1. డిప్రెషన్ :

మీరు తరచుగా మైగ్రెయిన్ సమస్యను అనుభవిస్తున్నట్లయితే, అది డిప్రెషన్ సమస్యను సైతం రెట్టింపు చేస్తుంది. సమస్యను గుర్తించని పక్షంలో, తీవ్ర పరిస్థితులకు కూడా దారితీస్తుంది. మైగ్రెయిన్ నొప్పి సంబంధించిన అగ్రవ్యాధుల్లో డిప్రెషన్ కూడా ఒకటి.

2. ఆందోళన :

దీర్ఘకాలిక పార్శ్వపు నొప్పి ఉన్న వ్యక్తులు ఆందోళనల సమస్యను అధికంగా కలిగి ఉంటారు. ఆందోళన కలిగి ఉన్న రోగులు మైగ్రెయిన్స్ ఎలా కలిగి ఉంటారో, మైగ్రేన్ నొప్పి ఉన్నవాళ్ళు ఆందోళనలను కూడా అలాగే కలిగి ఉంటారు.

3. స్ట్రోక్ :

అనేక అధ్యయనాలు, స్ట్రోక్ మరియు మైగ్రేన్లు మధ్య సంబంధాలు ఉన్నట్లుగా తేల్చాయి. అంతేకాకుండా సాధారణ ప్రజలతో పోల్చితే మైగ్రేన్లు తలెత్తినప్పుడు కలిగే లైట్ సెన్సిటివిటీ ఉన్న వ్యక్తులు రెట్టింపు స్ట్రోక్ ప్రమాదాన్ని కలిగి ఉంటారని తేలింది.

4. మూర్ఛ :

మూర్చ (ఎపిలెప్సీ) మరియు పార్శ్వపు నొప్పి రెండూ తీవ్రస్థాయిలో మానసిక మార్పులను ప్రభావితం చేస్తాయి. వీటిలో ఏ సమస్య తలెత్తినా, మరొకటి కూడా తోడుగా వచ్చే అవకాశాలు ఉన్నాయి.

5. గుండె సంబంధిత సమస్యలు :

మైగ్రెయిన్స్ అధికంగా ఉండే పురుషులు మరియు మహిళలు అధికంగా గుండె వ్యాధుల ప్రమాదాన్ని కలిగి ఉంటారని చెప్పబడింది. గుండె పోటు, అధిక రక్తపోటు, మధుమేహం వంటివి, మైగ్రెయిన్ బాధితులకు తలెత్తే అవకాశాలు ఎక్కువగా ఉన్నాయని ఒక అధ్యయనంలో తేలింది.

6. ఆస్థ్మా

ఆస్థ్మా మరియు మైగ్రేన్ రెండింటికి ఇన్ఫ్లమేషన్ (వాపు) సమస్య కూడా కారకంగా ఉంటుంది. మెదడు వెలుపల ఉన్న రక్తనాళాల వాపు, నొప్పిని కలిగించగలదు. ఇది మైగ్రెయిన్ యొక్క సంకేతంగా ఉంటుంది. పార్శ్వపు నొప్పికి సంబంధించిన ప్రధానమైన వ్యాధులలో ఇది కూడా ఒకటి.

7. ఊబకాయం :

మీరు పార్శ్వపు నొప్పి కలిగి ఉంటే, మీ అధిక బరువు, సమస్యను మరింత తీవ్రతరం చేయవచ్చు. మీరు పార్శ్వపు నొప్పిని తరచుగా కలిగిఉన్న ఎడల, ఊబకాయం మైగ్రేన్ సమస్యను పెంచే ట్రిగ్గర్ వలె ఉంటుంది. ఊబకాయంతో భాద పడేవారికి మైగ్రేన్ సర్వసాధారణ విషయంగా ఉంటుందని చెప్పబడింది.

8. దీర్ఘకాలిక నొప్పులు :

ఫైబ్రోమైయాల్జియా మరియు మెడ, వెన్నుమరియు భుజాల యొక్క దీర్ఘకాలిక నొప్పులతో సహా అనేక నొప్పి సంబంధిత సమస్యలు మైగ్రేన్లకు కారణాలుగా ఉన్నాయి.

9. జీర్ణ సమస్యలు :

పార్శ్వపు నొప్పి కలిగిన వ్యక్తులకు జీర్ణ సంబంధ సమస్యల ప్రాబల్యం అధికంగా ఉండే అవకాశాలు ఉన్నాయి. వీటిలో ముఖ్యంగా కడుపు ఉబ్బరం, ప్రేగు వాపు వ్యాధి మరియు ఉదరకుహర వ్యాధి ప్రధానంగా ఉన్నాయి.

10. రెస్ట్లెస్ లెగ్ సిండ్రోమ్(RLS) :

ఈ సమస్యతో ఉన్నవాళ్ళు, కాళ్ళు కదిలించడానికి కూడా సమస్యను కలిగిఉంటారు. క్రమంగా ఇది రోజూవారీ కార్యకలాపాల మీద మరియు, నిద్ర మీద ప్రభావాన్ని కలిగి ఉంటుంది. RLS మరియు పార్శ్వపు నొప్పి మధ్యగల సంబంధం, డోపమైన్ అనే న్యూరోట్రాన్స్మిటర్ హార్మోన్ విడుదల మీద ప్రభావాన్ని కలిగి ఉంటాయి.

ఈ వ్యాసం మీకు నచ్చినట్లయితే మీ ప్రియమైన వారితో పంచుకోండి. ఇటువంటి అనేక ఆసక్తికర ఆరోగ్య, జీవన శైలి, ఆహార,హస్త సాముద్రిక, ఆద్యాత్మిక, జ్యోతిష్య, వ్యాయామ, లైంగిక తదితర సంబంధిత విషయాల కోసం బోల్డ్స్కై పేజీని తరచూ సందర్శించండి. ఈ వ్యాసంపై మీ అభిప్రాయాలను, వ్యాఖ్యలను క్రింద వ్యాఖ్యల విభాగంలో తెలియజేయండి.