నల్లని బాహుమూలల (అండర్ ఆర్మ్స్) నుండి వారం రోజుల్లో సెలవు తీసుకోండి.

నిమ్మరసం:

నిమ్మకాయ సహజ బ్లీచ్ గా పనిచేయడమే కాక యాంటీ బాక్టీరియల్ మరియు యాంటీసెప్టిక్ గుణాలను కలిగి ఉంటుంది.

ముందుగా, నిమ్మకాయను రెండు ముక్కలు చేయండి. ఒక ముక్కను తీసుకుని నేరుగా ఆ ప్రదేశంలో రుద్దండి.తరువాత పది నిమిషాల పాటు అలా వదిలేయండి.తరువాత చల్లని నీటితో కడుక్కోండి.

బేకింగ్ సోడా:

బాహుమూలల వద్ద చర్మాన్ని తెల్లగా మార్చుకోవడానికి మన ఇంట్లో లభించే బేకింగ్ సోడా మంచి పరిష్కారం. కొంచెం నీరు తీసుకుని వంట సోడాను బాగా కలపి ముద్దగా చేయండి. ఈ ముద్దను చర్మంపైగట్టిగా రుద్దండి. కొన్ని నిమిషాల పాటు ఆరనిచ్చి గోరువెచ్చని నీళ్లతో కడిగేయండి. ఇలా క్రమంగా చేస్తూ ఉంటే మంచి ఫలితముంటుంది.

బంగాళదుంప:

బంగాళదుంప మంచి బ్లీచింగ్ ఏజంట్ గా పనిచేసి, చర్మాన్ని కాంతివంతంగా మారుస్తుంది. ఒక బంగాళదుంప ముక్కను తీసుకుని బాహుమూలలలో రుద్దండి. లేదంటే బంగాళదుంపను తురిమి, ఆ ప్రదేశంలో పూసుకుని 15-20 నిమిషాల పేస్టు ఆరనిచ్చి గోరువెచ్చని నీటితో కడిగేయండి.

తేనె:

తేనె పలు సౌందర్య సమస్యల చికిత్సలో ఉపయోగపడుతుంది. కొంచెం తేనెను తీసుకుని బాహుమూలల వద్ద పూసుకోవాలి. దీనిని పాలు, కలబంద గుజ్జు లేదా కొబ్బరినూనెతో కలిపి ఉపయోగిస్తే మరీంత ప్రభావవంతంగా పనిచేస్తుంది.

టొమాటో:

బాహుమూలల వద్ద ఉండే నల్లని మచ్చలను తెల్లబరచడానికి వారానికి ఒకసారి టొమాటోను ఉపయోగించవచ్చు. టొమాటోలోని తాజా రసాన్ని పిండి, ప్రభావిత ప్రదేశాల్లో షేవింగ్ చేసుకున్నాక పూసుకోండి. ఇలా వారం రోజుల పాటు రోజుకు రెండు మూడు సార్లు చేయాలి.

దోసకాయ:

దోసకాయ అద్భుతమైన సహజ బ్లీచింగ్ ఏజంట్ గా పనిచేస్తుంది. దీనిని సురక్షితంగా బాహుమూలల వద్ద నల్ల మచ్చలను తొలగించడానికి వినియోగించవచ్చు. దోసకాయ రసాన్ని తీసుకుని, దానికి కొంచెం పసుపు మరియు నిమ్మరసం కలపండి. ఈ మిశ్రమాన్ని నల్లబడిన ప్రదేశం వద్ద రాసుకోండి. కొంత సమయం తరువాత నీటితో కడిగేయండి. ఇది ఒక్కసారి మాత్రమే కాక పలుమార్లు చేస్తూ ఉంటే, ఫలితం త్వరగా కనిపిస్తుంది.

నిమ్మరసం మరియు పంచదార స్క్రబ్:

ఈ అద్భుతమైన స్క్రబ్ మీ బాహుమూలల ఛాయను తెలికపరుస్తుంది. ఒక టేబుల్ స్పూన్ పంచదార మరియు కొన్ని చుక్కలు నిమ్మరసం కలిపి మృదువుగా నల్లబడిన ప్రదేశంలో రుద్దండి. తరువాత పది నిమిషాలు పాటు ఆగి మామూలు నీటితో కడిగేయండి.