కేరళ వరదలు : వరద నీటి వలన కలిగే వ్యాధుల నివారణా మార్గాలు

1.లెప్టోస్పిరోసిస్:

లెప్టోస్పిరా బాక్టీరియా సంక్రమణ వలన ఏర్పడే వ్యాధి, లెప్టోస్పిరోసిస్. ఈ బాక్టీరియా జంతువుల నుండి మానవులకు మూత్రంద్వారా సంక్రమిస్తుంది. వరదల సమయంలో మట్టి/నీటిలోని బాక్టీరియా వలన వ్యాపిస్తుంది. ఈ లెప్సోస్పిరా మానవశరీరంలోని కళ్ళు, గాయాలు లేదా శ్లేష్మస్థరాల పొరలద్వారా ప్రవేశించవచ్చు.

లెప్టోస్పిరోసిస్ లక్షణాలు:

సంకేతాలు మరియు లక్షణాలు సాధారణంగా వ్యాధి సంక్రమణ తర్వాత 5-14 రోజుల తర్వాత కనిపిస్తాయి. సెంటర్స్ ఫర్ డిసీజ్ కంట్రోల్ అండ్ ప్రివెన్షన్(సి.డి.సి) ప్రకారం, ఒక వ్యక్తి వ్యాధికి గురికావడం మరియు వ్యాధి లక్షణాలకు మద్య సమయం 2రోజుల నుండి 4వారాలవరకు ఉండవచ్చు.

లక్షణాలు:

• రాష్

• విరేచనాలు

• ఎరుపు కళ్ళు

• తీవ్రజ్వరం

• తలనొప్పి

• పొత్తికడుపు నొప్పి

• కామెర్లు

• వాంతులు

• చలి

కండరాల నొప్పులు:

వ్యాధి మరింత తీవ్రమైన సందర్భంలో, మూత్రపిండ వైఫల్యం, కాలేయ వైఫల్యం లేదా మెనింజైటిస్ సమస్యకు దారితీస్తుంది. ఈవ్యాధి కొన్నిరోజుల నుండి 3వారాలు లేదా అంతకన్నా ఎక్కువకాలం కూడా ఉండే అవకాశం ఉంది.

లెప్టోస్పిరోసిస్ చికిత్స:

డీప్సిసైక్లిన్ మరియు పెన్సిలిన్ వంటి యాంటీబయాటిక్స్ వాడకంతో లెప్టోస్పరోసిస్ చికిత్స చేయవచ్చు. తీవ్రమైన లక్షణాల విషయంలో, యాంటీబయాటిక్స్ నేరుగా సిరల ద్వారా ఎక్కించవలసి ఉంటుంది.

లెప్టోస్పిరోసిస్ నివారించడానికి చిట్కాలు:

జంతువులకు స్నానాదికార్యాలు నిర్వహించిన తరువాత, లేదా వాటితో సమయం వెచ్చించిన తర్వాత, సబ్బు మరియు నీటితో చేతులు కడుక్కోవడం ముఖ్యం.

పెస్ట్ కంట్రోల్:

• చనిపోయిన జంతువులను కేవలం చేతులతో తాకడం రోగాలకు దారితీస్తుంది.

• అన్ని బహిరంగ శరీరగాయాలను శుభ్రంచేయడం మరియు వాటిని వాటర్-ప్రూఫ్-డ్రెస్సింగ్ క్లాత్ ఉపయోగించి కప్పండి.

• వరదలు పడిన తరువాత, ఆ నీటిలో ఈత కొట్టడం, ఆడడం వంటివి చేయకండి.

• వరదనీటితో సంబంధం ఉన్న ఏ పదార్ధాన్ని కూడా తినడం మానుకోండి.

• మీ కుక్కలు లెప్టోస్పిరోసిస్ బాక్టీరియాకు వ్యతిరేకంగా వ్యాక్సిన్ చేయబడ్డాయని నిర్ధారించుకోండి.

2. హెపటైటిస్-ఎ

వరదలకు సంబంధించిన మురికినీరు తెలిసోతెలీయకో శరీరంలోకి చేరడం ద్వారా హెపటైటిస్-ఎ సంభవించడం జరుగుతుంది. హెపటైటిస్-ఎ అనేది హెపటైటిస్-ఎ వైరస్ వల్ల కలిగే తీవ్రమైన కాలేయవ్యాధి. ఇది బాక్టీరియా సోకిన ఆహారం లేదా నీటినుండి వ్యాపిస్తుంది.

హెపటైటిస్-ఎ లక్షణాలు:

• అలసట

• వికారం, వాంతులు

• పొత్తికడుపు నొప్పి

• ఆకలి లేకపోవడం

• తేలికపాటి జ్వరం

• కీళ్లనొప్పి

• చిక్కటి మూత్రం

• కామెర్లు

• తీవ్రమైన దురద

హెపటైటిస్-ఎ చికిత్స:

హెపటైటిస్-ఎ చికిత్సకు ప్రత్యేకమైన చికిత్స అంటూ ఏదీ లేదు, అయినప్పటికీ, క్రింది భద్రతా చర్యలు తీసుకోవడం ద్వారా వ్యాధులు సంక్రమించకుండా నిరోధించవచ్చు.

• ముడి/వండని ఆహార తినడం మానుకోండి.

• పీల్ చేసిన పళ్ళు మరియు కడిగిన కూరగాయలు తీసుకోవడం.

• కొద్దికాలంపాటు మినరల్ వాటర్ బాటిల్స్ పై ఆధారపడడం.

• తినడానికి ముందు పూర్తిగా చేతులను కడగడం.

3. కలరా:

కలరా అనేది నిస్సారమైన మరియు ఉప్పునీటిలో నివసిస్తున్న బాక్టీరియా “విబ్రియో కలరా” వలన సంభవించే ఒక తీవ్రమైన అంటువ్యాధి. ఈ బ్యాక్టీరియా సంబంధితవ్యాధి, తీవ్రమైన అతిసారం మరియు నిర్జలీకరణానికి దారితీస్తుంది.

కలరా లక్షణాలు:

బాక్టీరియాకు గురైన 12గంటల నుండి 5రోజులు వ్యవధిలో లక్షణాలుకనిపిస్తాయి.

వ్యాధి లక్షణాలు:

• వాంతులు

• కాళ్ళతిమ్మిరి

• నీళ్ళవిరేచనాలతో కూడిన అతిసారం

• నిర్జలీకరణము

కలరా చికిత్స:

కలరా వలన శరీరం అధిక డీహైడ్రేషన్ గురవడం మూలంగా మరణానికి దారితీస్తుంది. కావున, ఓరల్-హైడ్రేషన్-సొల్యూషన్(ఓఆర్ఎస్)తో కలరాకి చికిత్స చేయడం ఉత్తమం. సరైన సంరక్షణ మరియు చికిత్సతో మరణాల రేటు కొంతమేర తగ్గించవచ్చు.

కలరా నివారణా చిట్కాలు:

సి.డి.సి ప్రకారం, తీసుకోవలసిన ముందస్తు చర్యలు:

• ఒక శుభ్రమైన కంటైనర్లో నీటిని నిల్వ ఉంచుకుని సేవించండి.

• టాప్ వాటర్ వినియోగం అయితే, కాచి చల్లార్చిన నీటిని తాగండి.

• త్రాగడానికి, దంతదావనానికి, శుభ్రతా పరమైన చర్యలకు మరియు ఆహారం కొరకు మినరల్ వాటర్ వినియోగం మంచిది..

• సబ్బు మరియు స్వచ్ఛమైన నీటితో చేతులు కడగడం.

• మలవిసర్జనకు బాత్రూం వినియోగం తప్పనిసరి, ఆరుబయట కార్యాలు మరియు అశుద్దమైన నీటి వినియోగం సరికాదు.

• బాగా ఉడికించిన ఆహారాన్ని మరియు మూతలు పెట్టిన ఆహారాన్ని మాత్రమే తీసుకోవాలి.

4. టైఫాయిడ్:

టైఫాయిడ్, సాల్మొనెల్ల-టైఫి బ్యాక్టీరియా వలన కలిగే తీవ్రమైన జ్వరం. ఇది కలుషితమైన ఆహారం లేదా నీటి వినియోగం వలన కలుగుతుంది. ఈ బాక్టీరియా మురికినీటిలో/ఎండిన కాలుష్య ప్రదేశాలలో కొన్ని వారాలపాటు జీవించగలదు.

టైఫాయిడ్ లక్షణాలు:

టైఫాయిడ్ సంకేతాలు/లక్షణాలు బ్యాక్టీరియాకు గురైన తరువాత 6-30 రోజుల మధ్య ప్రారంభమవుతాయి. ప్రధాన లక్షణాలు టైఫాయిడ్ జ్వరం, ఇది 104డిగ్రీల ఫారెన్హీట్ వరకు శరీర ఉష్ణోగ్రతలను పెంచుతుంది. దద్దుర్లు సహజం.

ఇతర లక్షణాలు:

• బలహీనత

• మలబద్ధకం

• పొత్తికడుపు నొప్పి

• తలనొప్పి

• టైఫాయిడ్ చికిత్స

కేవలం సమర్థవంతమైన చికిత్సగా యాంటీబయాటిక్స్ వాడకం ఉంది. సాధారణంగా గర్భిణీ స్త్రీలు కాని వారికి సిప్రోఫ్లోక్ససిన్ మరియు సెఫ్ట్రిక్సాన్ వినియోగిస్తారు.

టైఫాయిడ్ నివారణా చిట్కాలు:

• శుభ్రపరచని నీరుత్రాగటం, ముడిపండ్లు మరియు వండని కూరగాయలు తినడం మానుకోండి.

• ఆహారాలు సరిగా ఉడికించినట్లుగా లేదా వండినట్లుగా నిర్ధారించుకోండి.

• తరచుగా వెచ్చని/సబ్బునీటితో చేతులు కడగడం తప్పనిసరి.

• ఆరోగ్యనిపుణులు, వైద్యుల ప్రకారం, టీకాలు వేయించుకోవడం, శుభ్రమైన అలవాట్లను పాటించడం ద్వారా కొంతమేర వీటినుండి బయటపడగలిగే అవకాశాలు ఉన్నాయని సూచిస్తున్నారు.