అధిక చెమ‌ట‌ను త‌గ్గించే 10 అద్బుత హెమ్ రెమెడీస్‌

1. మొక్క‌జొన్న పిండి

దీన్ని ఎక్కువ‌గా సూప్‌ల‌లో, సాస్‌లలో చిక్క‌గా అయ్యేందుకు వాడ‌తారు. స‌హ‌జ‌సిద్ధంగా వీటికి నీటిని పీల్చుకునే గుణ‌ముంటుంది. చేతుల్లో కాళ్ల‌లో లేదా అండ‌ర్ ఆర్మ్స్‌లో చెమ‌ట త‌గ్గించేందుకు దీన్ని వాడొచ్చు. కొద్దిగా మొక్క జొన్న పిండి తీసుకొని అప్పుడ‌ప్పుడు చేతుల‌కు రాస్తూ ఉండాలి. దీని వ‌ల్ల ఎలాంటి దుర‌ద క‌ల‌గ‌దు. ఇది న్యాచుర‌ల్ యాంటీ పర్‌స‌పిరెంట్‌గా ప‌నిచేస్తుంది.

2. రోజ్ వాట‌ర్‌

చ‌లికాలంలోనూ ఎక్కువ‌గా చెమ‌ట‌లు ప‌డుతుంటాయా? కొన్ని ర‌కాల హోమ్ రెమెడీస్‌తో వీటిని న‌యం చేయొచ్చు. ఈ స‌మ‌స్య‌కు రోజ్ వాట‌ర్‌ను ఉప‌యోగించ‌వ‌చ్చు. రోజ్‌వాట‌ర్‌, వెనిగ‌ర్ స‌మ‌పాళ్ల‌లో క‌లుపుకొని రోజు ఉద‌యాన్నే మ‌ర్ద‌నా చేసుకోవాలి. సొంతంగా రోజ్ వాట‌ర్ త‌యారీకి కొన్ని గులాబీ రేకుల‌ను నీళ్ల‌లో వేసి మ‌రిగించాలి. దీన్ని వ‌డ‌క‌ట్టి వాడుకోవ‌చ్చు. చిన్న సైజ్ దూది తీసుకొని ఈ మిశ్ర‌మంలో ముంచి అర‌చేతిపై రుద్దాలి. ఇది శ‌రీరానికి చ‌ల్ల‌ద‌నాన్ని ఇస్తుంది.

3. బేకింగ్ సోడా

త‌డి చేతుల‌కు ఇది బాగా ప‌నిచేస్తుంది. 3 టేబుల్ స్పూర్ల బేకింగ్ సోడాను గోరు వెచ్చ‌ని నీటితో త‌డ‌పాలి. దీన్ని చేతుల‌కు ప‌ట్టించి 20 నిమిషాలు ఆగాలి. మ‌ధ్య మ‌ధ్య‌లో చేతుల‌ను ఒక‌దానితో ఒక‌టి రుద్దుకోవాలి. ఇలా చేస్తే ఫ‌లితం త్వ‌ర‌లోనే క‌నిపిస్తుంది.

4. ట‌మాట రసం

ట‌మాట ర‌సంలో ఉండే పోష‌క గుణాలు చెమ‌ట అర‌చేతుల‌ను న‌యం చేయ‌గ‌ల‌వు. ఇది శ‌రీర వేడిని చ‌ల్ల‌బ‌ర్చ‌గ‌ల‌దు. నేరుగా ట‌మాట ర‌సాన్ని తాగినా మంచిదే. కొన్ని నిమిషాలు ట‌మాట జ్యూస్‌లో చేతులను ముంచితే త‌డి పోయి పొడిగా మారుతుంది. ఇందులోని సోడియం వ‌ల్లే ఇది సాధ్య‌మ‌వుతుంది. ఐతే చేతుల‌పై ద‌ద్దుర్లు ఉంటే ఈ ప్ర‌యోగం చేయ‌కండి ఎందుకంటే ట‌మాట‌లో ఆమ్ల గుణం ఎక్కువ‌.

5. ఆల్క‌హాల్‌

త‌ర‌చూ చేతుల‌ను ఆల్క‌హాల్‌తో తుడ‌వ‌డం వ‌ల్ల పొర‌లు మూసుకుపోతాయి. త‌ద్వారా చెమ‌ట రావ‌డం త‌గ్గుముఖం ప‌డుతుంది. కాస్త దూది తీసుకొని ఆల్క‌హాల్‌లో ముంచి చేతుల‌కు రాసుకోవ‌చ్చు. ఆఫీసులో దీన్ని ప్ర‌యోగించ‌డం సుల‌భం.

6. బ్లాక్ టీ

టీ, కాఫీలో ట్యానిన్‌, కెఫిన్‌లుంటాయి. 5 బ్లాక్ టీ బ్యాగులు తీసుకొని దాన్ని వేడి నీటిలో ముంచండి. బ్యాగులు తీసి వేడి నీటిని ఒక గిన్నెలో వేసుకోండి. ఇది చ‌ల్లారాక దీంట్లో చేతుల‌ను ముంచి ఒక 15-20 నిమిషాలు అలాగే ఉంచండి. ఆ త‌ర్వాత బ‌య‌ట‌కు తీసి శుభ్రంగా తుడిచేస్తే స‌రి. టీలో ఉండే ట్యానిన్ చేతుల‌ను పొడిగా మార్చేయ‌గ‌ల‌దు.

7. చ‌ల్ల నీళ్లు

ప్ర‌తి రోజు అర గంట చెమ‌ట చేతుల‌ను చ‌ల్ల‌ని నీటిలో పెట్ట‌డం వ‌ల్ల ఈ స‌మ‌స్య‌ను త‌గ్గించుకోవ‌చ్చు. దీని వ‌ల్ల 3 గంట‌ల వ‌ర‌కు ఉప‌శ‌మ‌నం పొంద‌వ‌చ్చు.

8. నిమ్మ ర‌సం

నిమ్మ‌లో సిట్రిక్ యాసిడ్ ఉంటుంది. ఇది న్యాచుర‌ల్ డియోడ‌రెంట్‌గా ప‌నిచేసి స్వేదాన్ని ఆప‌గ‌ల‌దు. అంతేకాదు బ్యాక్టీరియాను త‌రిమేసి చేతుల‌కు సువాస‌న‌ను తీసుకురాగ‌ల‌దు. అర చెక్క నిమ్మ‌కాయ‌ను అర‌చేతుల‌కు రుద్ది ఉంచాలి. రాత్రి మొత్తం ఉంచేసి ఉద‌యాన్నే లేవ‌గానే క‌డిగేసుకోవాలి. నిమ్మ‌ర‌సానికి సెన్సిటివ్‌గా ఉంటే కాస్త నీళ్ల‌తో ప‌ల్చ‌గా చేసుకొని వాడొచ్చు.

9. చంద‌న పొడి

ఆయుర్వేదంలో వాడే తెల్ల చంద‌నం పొడికి చెమ‌ట‌ను పోగొట్టే అద్భుత‌మైన గుణ‌ముంది. చ‌ర్మంపై ఉండే తేమ‌ను చంద‌నం పీల్చుకోగ‌ల‌దు. 1 టేబుల్ స్పూన్ చంద‌నం పొడి తీసుకొని దాంట్లో నిమ్మ‌ర‌సం క‌ల‌పాలి, దీనికి రోజ్ వాట‌ర్ జ‌త‌చేసి స‌మ‌స్య ఉన్న చోట్ల రాసి 20 నిమిషాల త‌ర్వాత క‌డిగిస్తే స‌రి.

10. ఆలుగ‌డ్డ‌

అధిక చెమ‌ట‌ను పోగొట్ట‌డంలో ఆలుగ‌డ్డ‌దీ కీల‌క పాత్రే. అర‌చేతుల్లో, కాళ్ల‌లో చెమ‌ట‌ను సుల‌భంగా పీల్చుకోగ‌ల‌దు. ఆలుజ్యూస్ లో దూది ముంచి చేతుల‌కు రుద్దుకోవ‌చ్చు. ఆ త‌ర్వాత కొన్ని నిమిషాల‌తో తుడిచేస్తే స‌రిపోతుంది.