మగవారు పడకగదిలో ‘ఆ’ సామర్థ్యం పెంచుకోవాలంటే... ఈ పద్ధతులను ఫాలో అవ్వండి...

యాక్టివ్ గా ఉండండి..

మగవారు ప్రతిరోజూ వ్యాయామం చేయడం ద్వారా మీ ఆరోగ్యంతో పాటు శృంగార సామర్థ్యం పెరుగుతుందని ఇప్పటికే పలు అధ్యయనాలు స్పష్టం చేశాయి. కాబట్టి మీరు ప్రతిరోజూ ఉదయాన్నే కనీసం అరగంట పాటు ఎక్సర్ సైజ్ చేస్తే (చెమట వచ్చే విధంగా) మీలో లైంగిక సామర్థ్యం బాగా పెరుగుతుంది.

వీటిని ఎక్కువగా తినండి..

సాధారణంగా చాలా మంది ఉల్లిపాయలు, వెల్లుల్లి వంటి వాటిని తినడం వల్ల నీటిలో దుర్వాసన వస్తుందని, వాటిని దూరం పెడుతుంటారు. కానీ వీటి వల్ల మీ బాడీలో రక్త ప్రసరణ బాగా జరుగుతుందట. దీంతో మీరు ఆరోగ్యకరంగా ఉంటారు. వీటితో పాటు ఎక్కువగా అరటి పండ్లను తీసుకోవాలి. ఎందుకంటే అరటిపండులో ఉండే పొటాషియం రక్తపోటును తగ్గిస్తుంది, తద్వారా మీ లైంగిక సామర్థ్యం పెరుగుతుంది. అలాగే మీరు తీసుకునే ఆహారంలో మిరియాలను విరివిగా ఉపయోగించండి. ఇవి రక్తపోటు మరియు మంటను తగ్గించడంలో ప్రభావవంతంగా పని చేస్తాయి. వెన్న, ఆలివ్ ఆయిల్, చేపలు, కోడిగుడ్లను ఎక్కువగా తీసుకోవడం వల్ల మీకు అనేక రకాల విటమిన్లు లభిస్తాయి. వీటితో మీ హార్మోన్లు బ్యాలెన్స్ అవుతాయి. ఇవన్నీ మీ లైంగిక సామర్థ్యాన్ని పెంచడంలో బాగా తోడ్పడతాయి.

మానసిక ఒత్తిడిని తగ్గించండి

మీరు శృంగారంలో పాల్గొనడానికి ముందు మానసికంగా ముందుగానే సిద్ధమై ఉండాలి. అలాగే మీ భాగస్వామిని కూడా సిద్ధం చేయాలి. అలా కాకుండా మీరు మానసిక ఒత్తిడితో ఉంటే, అది మీ లైంగిక సామర్థ్యాన్ని తగ్గించడమే కాదు, మీ మొత్తం ఆరోగ్యాన్ని నాశనం చేస్తుంది. కాబట్టి మానసిక ఒత్తిడిని తగ్గించుకునేందుకు ప్రయత్నించండి.

రోజూ ఈ పండ్లు తినడం వల్ల కలిగే ప్రయోజనం ఏమిటో మీకు తెలుసా?

వీటికి దూరంగా ఉండండి..

మీకు పొగతాగడం మరియు మద్యం సేవించడం వంటి చెడు అలవాట్లు ఉంటే కూడా మీ శృంగార సామర్థ్యం తగ్గిపోతుంది. అందుకనే వీటిని అతిగా వాడకుండా కంట్రోల్ లో ఉండేందుకు ప్రయత్నించండి. ఎందుకంటే ఇవి మీ రక్తనాళాలను, ఊపిరితిత్తలును బాగా దెబ్బతీస్తాయి. దీని వల్ల పురుషుల్లో వంధ్యత్వ రోగాలు వచ్చే అవకాశం ఉంది.

సూర్యరశ్మిని పొందండి..

ప్రతిరోజూ ఉదయించే సూర్యుడి కాంతి మీ బాడీపై పడేలా చూసుకోండి. దీనివల్ల మీరు రోజంతా చాలా హుషారుగా ఉండే అవకాశం ఉంటుంది. అయితే చాలా మంది పురుషులు సూర్యోదయం సమయంలో కూడా నిద్రపోతుంటారు. దీని వల్ల కూడా మీలో శృంగార సామర్థ్యం తగ్గే అవకాశం ఉంది. కాబట్టి ప్రతిరోజూ మీ శరీరంపై కొంత సూర్యరశ్మి పడేలా ప్రయత్నించండి.

హస్త ప్రయోగం

చాలా మంది పురుషుల్లో ఉండే సాధారణమైన అలవాట్లలో ఇదొకటి. హస్తప్రయోగం అనే అలవాటు ఎక్కువ మంది పురుషులకు ఉంటుంది. అయితే దీన్ని కొందరు అతిగా ఉపయోగిస్తుంటారు. అయితే మీరు కోరుకున్నంత ఎక్కువ సమయం పడకగదిలో గడపకపోతే.. మీరు హస్తప్రయోగం ప్రయత్నించొచ్చు. ఎందుకంటే హస్త ప్రయోగం మీ లైంగిక పనితీరును పెంచడానికి సహాయపడుతుంది. కానీ అది పరిమితంగానే అన్న విషయాన్ని మరచిపోకండి.

మీ జీవిత భాగస్వామిపై శ్రద్ధ వహించండి

మీ భాగస్వామిపై శ్రద్ధ చూపడం వారిని సంతోషపెట్టడమే కాక మిమ్మల్ని కూడా సంతోషపరుస్తుంది. మీ భాగస్వామితో శృంగార సంభాషణలో పాల్గొనడం ద్వారా మీ ఇద్దరి లైంగిక జీవితం ఎంతో ఆనందకరంగా సాగుతుంది.

సెక్స్ స్పెషలిస్ట్‌ను కలవండి

మీకు వేగంగా స్ఖలనం, అంగస్తంభన వంటి సమస్యలు ఏవైనా ఉంటే, లేదా మీరు డిప్రెషన్, ఆత్మన్యూనత భావంతో బాధపడకుండా ఉండాలంటే మీరు దగ్గరల్లోని సెక్స్ స్పెషలిస్ట్ ను కలవండి. వారితో చికిత్స చేయించుకున్న తర్వాత మీరు లైంగిక సంతృప్తిని పొందవచ్చు.