Immunity Boosting Drinks: చలికాలంలో పిల్లల్లో ఇమ్యూనిటీ పెంచే సూపర్ డ్రింక్స్

గ్రీన్ ఆపిల్, క్యారెట్, ఆరెంజ్

క్యారెట్, గ్రీన్ ఆపిల్, ఆరెంజ్ రోగనిరోధక శక్తిని పెంచే గొప్ప పండ్లు. యాపిల్స్, ఆరెంజ్ లో విటమిన్ సి పుష్కలంగా ఉంటుంది. యాంటీ ఆక్సిడెంట్లు, బీటా కెరోటిన్ క్యారెట్లో లభిస్తాయి. క్యారెట్ లో విటమిన్ బి-6 కూడా ఉంటుంది. ఇవి రోగనిరోధక శక్తిని మెరుగుపరచడంలో గొప్పగా పని చేస్తాయి.

బీట్, క్యారెట్, అల్లం, ఆపిల్

ఈ డ్రింక్ లో మూడు కూరగాయలు ఉన్నాయి. ఇవి ఇమ్యూనిటీని మెరుగుపరచడంలో గొప్పగా పని చేస్తాయి. ఇన్ఫ్లమేషన్ అనేది తరచుగా వైరస్ లు లేదా బ్యాక్టీరియా నుండి వచ్చే ఇన్ఫెక్షన్లపై పోరాడుతుంది. జలుబు, ఫ్లూ నుండి రక్షిస్తాయి.

టొమాటో

టొమాటోలో విటమిన్ బి-9 పుష్కలంగా ఉంటుంది. దీనిని సాధారణఁగా ఫోలేట్ అని పిలుస్తారు. ఇది మీ ఇన్ఫెక్షన్ల ప్రమాదాన్ని తగ్గించడంలో సహాయపడుతుంది. టొమాటోల్లో మెగ్నీషియం, యాంటి ఇన్ఫమేటరీ ఉంటాయి. ఇవి శరీరంలోని రోగ నిరోధక వ్యవస్థను బలోపేతం చేస్తాయి.

స్ట్రాబెర్రీ, కివి

స్ట్రాబెర్రీ, కివి పండ్లలో విటమిన్ సి పుష్కలంగా ఉంటుంది. ఈ డ్రింక్ లో పాలు కలపడం ద్వారా అదనపు ఆరోగ్య ప్రయోజనం చేకూరుతుంది.

వీటితో పాటు ఈ పదార్థాలు కూడా పిల్లల్లో రోగనిరోధక శక్తిని పెంచుతాయి.

సోపు

సోపు గింజల్లో విటమిన్ సి పుష్కలంగా ఉంటుంది. యాంటీ ఆక్సిడెంట్లు పుష్కలంగా ఉంటాయి. ఇది ఆహారంలో చేర్చుకున్నప్పుడు జలుబు, దగ్గు మరియు ఫ్లూ ప్రమాదాన్ని దూరం చేస్తుంది.

జీడిపప్పు, బాదం

చలికాలంలో మిమ్మల్ని వెచ్చగా మరియు ఉత్సాహంగా ఉంచే ఉత్తమ ఆహారాలలో నట్స్ ఒకటి. సీజన్ మొత్తం ఆరోగ్యంగా ఉండేందుకు కొన్ని జీడిపప్పు, బాదం, వేరుశెనగ, పిస్తా మరియు వాల్‌నట్‌లను తీసుకోండి. పిల్లలు కూడా గింజలను ఇష్టపడతారు. వాటిని ఆహారంలో చేర్చడం వారి జీవక్రియను మెరుగుపరుస్తుంది.

బ్రోకలీ

బ్రోకలీ విటమిన్ సి యొక్క గొప్ప మూలం. యాంటీ ఆక్సిడెంట్లలో చాలా సమృద్ధిగా ఉంటుంది. ఇది రోగనిరోధక శక్తిని పెంచే గొప్ప ఆహారంగా చేస్తుంది. బ్రోకలీలో బీటా-కెరోటిన్, ఇతర పవర్-ప్యాక్డ్ యాంటీఆక్సిడెంట్లు ఉన్నాయి. బ్రోకలీలో కాల్షియం, విటమిన్ K అధికంగా ఉండటం వల్ల ఎముకల ఆరోగ్యాన్ని ప్రోత్సహిస్తుంది. ఈ అన్ని పోషకాలు బ్రోకలీని శీతాకాలంలో తప్పనిసరిగా కలిగి ఉండే ఆహారంగా చేస్తాయి.

చిలగడదుంప

దేశంలో ప్రతిచోటా చలికాలంలో చిలగడదుంపలు(స్వీట్ పొటాటో) చూడవచ్చు. స్వీట్ పొటాటో ఫైబర్ యొక్క గొప్ప మూలం. బీటా కెరోటిన్, విటమిన్ ఎ, విటమిన్ సి, ఐరన్, పొటాషియం, మెగ్నీషియం, సహజ చక్కెరలో కూడా చాలా సమృద్ధిగా ఉంటుంది. ఇది శీతాకాలంలో రుచికరమైన ఆహారంగా మారుతుంది. చిలగడదుంపలోని విటమిన్ సి శీతాకాలంలో సాధారణ జలుబు మరియు ఫ్లూ వైరస్‌లను నివారించడంలో సహాయపడుతుంది. ఇది రక్త కణాల ఏర్పాటుకు కూడా తోడ్పడుతుంది.

బెల్లం

బెల్లంతో అనేక రకాల ఆరోగ్య ప్రయోజనాలు ఉన్న దృష్ట్యా ఆయుర్వేదంలో బెల్లాన్ని ఎక్కువగా వాడుతుంటారు. తీపి వంటకాలు చేసినప్పుడు చక్కెరకు బదులు బెల్లం వాడకం వల్ల రుచితో పాటు ఆరోగ్యానికి ప్రయోజనం చేకూరుతుంది. స్వీట్లు, స్నాక్స్ లో బెల్లాన్ని విరివిగా వాడటం అలవాటు చేసుకోవాలి.