Just In
- 7 min ago Today Horoscope 29 March 2024 :ఈరోజు ఈ రాశుల ఆర్థిక స్థితి సాధారణం కంటే మెరుగ్గా ఉంటుంది...
- 7 hrs ago Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- 8 hrs ago గుడ్ ఫ్రైడే 2024 ఎప్పుడు? క్రైస్తవులు గుడ్ ఫ్రైడే ఎందుకు జరుపుకుంటారు?మీకు తెలియని కొన్ని వాస్తవాలు
- 11 hrs ago ఎన్నికల ముందు ప్రచారంలో గాల్లో మేడలు కడుతున్న నాయకులు..
Corona Updates : ‘కోవాక్సిన్’&‘కోవిషీల్డ్’కు గ్రీన్ సిగ్నల్ వచ్చిందా? వీటిని ఎప్పుడు, ఎలా వాడాలో తెలుసుకోండి..
కోవిద్-19 వ్యాక్సిన్ కు సంబంధించి ఎయిమ్స్ డైరెక్టర్ డాక్టర్ రణదీప్ గులేరియా ఎలాంటి సమాచారం ఇచ్చారో ఇప్పుడు తెలుసుకుందాం.
ఇప్పటిదాకా కరోనా వైరస్ మహమ్మారి మనల్ని ఎంతలా కలవరపెట్టిందో తెలిసిందే. అయితే కరోనా విరుగుడుకు వ్యాక్సిన్ కనిపెట్టినట్లు తొలుత రష్యా ప్రకటిస్తే.. ఆ తర్వాత అమెరికా, యుకే దేశాలు తాము కూడా వ్యాక్సిన్ డెవలప్ చేసినట్లు చెప్పడమే కాదు.. వాటి పంపిణీని సైతం ప్రారంభించాయి. అయితే యుకెలో కరోనా టీకా తీసుకున్న వారికి సైడ్ ఎఫెక్ట్స్ రావడంతో కొందరు చాలా ఇబ్బందులు ఎదుర్కొన్నారు.
ఇదిలా ఉంటే.. ఇప్పుడు మన దేశంలో కూడా రెండు, మూడు వ్యాక్సిన్లు అందుబాటులోకి రానున్నాయని, ఇప్పటికే మూడు వ్యాక్సిన్లకు ఆమోదం లభించిందని ఆయా కంపెనీలు తెలిపారు. అందులో 'కోవాక్సిన్', 'కోవిషీల్డ్', ఫైజర్ ముందు వరుసలో ఉన్నాయి. అయితే దీనిపైనా చాలా మంది అనేక అనుమానాలు వ్యక్తం చేశారు. అసలు 'కోవిషీల్డ్', 'కోవాక్సిన్' అంటే ఏమిటి? దీన్ని ఎలా కనిపెట్టారు? ఎప్పుడు కనుగొన్నారు. ఈ టీకా ధర ఎంత ఉంటుంది? దీని వల్ల ఏమైనా ముప్పు ఉంటుందా? అన్నిటికంటే ముఖ్యమైన ప్రశ్న ఏంటంటే..
ఈ టీకా మనలాంటి సాధారణ వ్యక్తులకు చేరుకునేందుకు ఎంత ఖర్చవుతుంది? అనే ప్రశ్నలన్నింటికీ సమాధానం ఇచ్చేందుకు కేంద్ర ప్రభుత్వం ఈ ఆదివారం మూడు భాగాలలో వీడియోను సోషల్ మీడియా ద్వారా రిలీజ్ చేసింది. ఇందులో టీకా గురించి మీరు తరచు అడిగే ప్రశ్నలకు అక్కడే సమాధానం లభిస్తుంది.
ఈ నేపథ్యంలో కేంద్ర ఆరోగ్య మంత్రిత్వ శాఖ విడుదల చేసిన ఒక వీడియోలో AIIMS(All India Ististute of Medical Sciences) డైరెక్టర్ రణదీప్ గులేరియా టీకా కార్యక్రమం యొక్క మొత్తం ప్రక్రియ గురించి వివరించే ప్రయత్నం చేశారు. అదే సమయంలో కరోనా వైరస్ వ్యాక్సిన్ గురించి అనేక ముఖ్యమైన ప్రశ్నలకు సమాధానమిచ్చారు. ఆ వివరాలేంటో ఇప్పుడు తెలుసుకుందాం...
కరోనా టీకా ఎప్పుడంటే?
కేంద్ర ఆరోగ్య మంత్రిత్వ శాఖ రెండు కరోనా టీకాలను ఆమోదం తెలిపిన వెంటనే టీకా కార్యక్రమం ప్రారంభమవుతుంది. కోవిషీల్డ్ మరియు కోవాక్సిన్లను డ్రగ్ కంట్రోలర్ జనరల్ ఆఫ్ ఇండియా(DGCI) ఇప్పటికే ఆమోదించింది.
అందరికీ టీకా ఇస్తారా?
కేంద్రం ప్రభుత్వం అందించిన సమాచారం మేరకు.. మొదటగా ఆరోగ్య కార్యకర్తలు మరియు ఫ్రంట్ లైన్ కార్మికులకు టీకాలు వేస్తారు. దీని తర్వాత 50 ఏళ్లు పైబడిన వారికి, తీవ్రమైన వ్యాధులకు గురైన వారికి ఈ టీకాలు వేస్తారు. తొలి రెండు దశల తర్వాత టీకా లభ్యతను పరిగణనలోకి తీసుకుని కేంద్ర ప్రభుత్వం నిర్ణయం తీసుకుంటుంది.
టీకాలు వేయడం తప్పనిసరేనా కాదా?
కరోనా వైరస్ వ్యాక్సిన్ టీకా చాలా స్వచ్ఛందంగా ఉంటుంది. అయితే, కరోనా వైరస్ వ్యాక్సిన్ షెడ్యూల్ ప్రకారం పూర్తి చేయడం మంచిది.
ఎంత మోతాదులో.. ఎన్ని రోజుల్లో?
ఈ టీకాను రెండు మోతాదుల్లో తీసుకోవాలి. ఇందుకోసం 28 రోజుల సమయం గ్యాప్ తీసుకోవాలి. ప్రతి ఒక్కరూ టీకా వ్యాక్సిన్ ను జాగ్రత్తగా వేసుకోవాలి.
బాడీలో ప్రతిరోధకాలు ఎప్పుడు?
కరోనా వైరస్ యొక్క రెండో మోతాదు తర్వాత రెండు వారాల తర్వాత మీ శరీరంలో రక్షిత ప్రతిరోధకాలు అభివృద్ధి చెందుతాయి.
టీకా వల్ల ఏమైనా దుష్ర్పభావాలుంటాయా?
కరోనా టీకా వేసుకున్న కారణంగా దుష్ప్రభావాలు తక్కువగా ఉండే అవకాశం ఉంది. అది తీసుకున్న తర్వాత తేలికపాటి జ్వరం మరియు తేలికపాటి బాడీ పెయిన్స్ వంటి వాటిని ఎదుర్కోవడానికి సిద్ధంగా ఉండాలి.
టీకా ఎలా ఎంపిక చేయబడింది?
కరోనా టీకాను ఔషధ రెగ్యులేటర్ క్లినికల్ డేటాను పరీక్షించింది. లోతైన అధ్యయనం తర్వత, సంస్థ అత్యవసర వినియోగం దీన్ని ఆమోదించింది. వీటి ఆమోదం తర్వాత వ్యాక్సిన్లు పూర్తి ప్రభావవంతంగా మరియు సురక్షితంగా ఉంటాయి. వ్యాక్సిన్లలో ఒకదానికి టీకాలు వేసిన తర్వాత షెడ్యూల్ పూర్తి కావడం ముఖ్యం. వ్యాక్సిన్ ఒక వ్యక్తికి టీకాలు వేయడానికి పరస్పరం మార్చుకోలేం.
టీకాలు ఎలా వేస్తారు?
కరోనా వైరస్ టీకా లక్ష్య సమూహాలను ప్రారంభ దశలను ప్రవేశపెట్టనున్నారు. అర్థత ఉన్న అభ్యర్థులకు మొబైల్ లో సందేశం వస్తుంది. దీని ద్వారా టీకా కేంద్రం మరియు సమయం గురించి వారికి తెలియజేయబడుతుంది. రిజిస్ట్రేన్లో ఎలాంటి అడ్డంకులు రాకుండా ఈ మొత్తం ప్రక్రియను పూర్తి చేస్తారు.
రిజిస్ట్రేషన్ లేకుండా టీకాలు వేయొచ్చా?
అస్సలు లేదు. టీకాలు వేయడానికి రిజిస్ట్రేషన్ అనుమతులు తప్పనిసరి.
టీకాలు వేయడానికి ఏమి అవసరం?
కరోనా వైరస్ వ్యాక్సిన్ తో టీకాలు వేయడానికి, రిజిస్ట్రేషన్ సమయంలో డ్రైవింగ్ లైసెన్స్, హెల్త్ ఇన్సూరెన్స్ స్మార్ట్ కార్డ్, పాన్ కార్డ్, పాస్ బుక్, పాస్ పోర్ట్ సర్వీస్ ఐడికార్డు లేదా ఓటర్ కార్డు చూపించాల్సి ఉంటుంది.
ఫోటో ఐడీ లేకపోతే?
టీకాలు వేసిన వ్యక్తి రిజిస్ట్రేషన్ మరియు ధ్రువీకరణ సమయంలో ఫోటో ఐడిని సమర్పించడం అవసరం. ఒకవేళ అవి లేకపోతే, వెంటనే వాటి కోసం దరఖాస్తు చేసుకోవాలి.
కరోనా పాజిటివ్ వ్యక్తులకు వేయొచ్చా?
కరోనా వైరస్ పాజిటివ్ ఉన్న వ్యక్తులకు టీకా కేంద్రంలో వ్యాక్సిన్ వేయించుకుంటే, అది మరింత సంక్రమించే అవకాశం ఉంది. ఎందుకంటే అలాంటి సమయంలో అది ఎంత ప్రభావవంతంగా ఉంటుందో తెలియదు. ఈ కారణంగా కరోనా పాజిటివ్ వచ్చిన వ్యక్తులు కనీసం రెండువారాల పాటు వేచి ఉండాలి. ఆ తర్వాత తన బాడీ కరోనా వైరస్ లక్షణాలు తొలగిపోతే.. అప్పుడు వేసుకోవచ్చు.
క్యాన్సర్, షుగర్, బిపి ఉండే వారు టీకాలు వేసుకోవచ్చా?
కచ్చితంగా, ఇలాంటి తీవ్రమైన వ్యాధులు ఉండే రోగులందరూ ఈ టీకాను వేసుకోవడం చాలా ముఖ్యం. ఎందుకంటే వీరంతా అధిక ప్రమాద సమూహంలోకి వస్తారు.
రోగనిరోధక కేంద్రంలో పాటించాల్సినవి?
రోగ నిరోధక కేంద్రంలో కరోనా టీకా వేసిన తర్వాత, కనీసం అరగంట పాటు విశ్రాంతి తీసుకోమని కోరతారు. మీకు ఏదైనా ఇబ్బందిగా అనిపిస్తే, వెంటనే సమీపంలోని వైద్యుడిని సంప్రదించండి. వారు మీకు సహాయం చేయగలరు.
సేఫ్ గా ఉంటుందా?
డ్రగ్ కంట్రోలర్ జనరల్ ఆఫ్ ఇండియా(DGCI) దాని భద్రత మరియు ప్రభావంపై డేటాను అధ్యయనం చేసినప్పుడు ఈ టీకా భారతదేశంలో ఆమోదించబడింది. వ్యాక్సిన్ ను ఆమోదించడానికి ప్రామాణిక ప్రోటోకాల్ లు అనుసరించబడ్డాయి.