డెంగ్యూ జ్వరమా? బొప్పాయి ఆకులతొ డెంగ్యూ ఫీవర్ పరార్..

డెంగ్యూ లక్షణాలు

డెంగ్యూ జ్వరం లక్షణాలు సాధారణంగా ఇన్ఫెక్షన్ దోమ కుట్టిన నాలుగు నుంచి ఆరు రోజులకి మొదలవుతాయి. కొన్ని సాధారణ లక్షణాలు హఠాత్తుగా వచ్చే ఎక్కువ జ్వరం, తీవ్రమైన తలనొప్పి, కంటి వెనుక నొప్పి, తీవ్రమైన కండరాలు,కీళ్ల నొప్పులు, తీవ్ర అలసట, వికారం,వాంతులు, చర్మంపై ర్యాషెస్, వణుకు, ఆకలి లేకపోవటం, కొంచెం ముక్కు లేదా చిగుళ్ల నుంచి రక్తం కారటం వంటివి ఉండవచ్చు.

డెంగ్యూ ఫీవర్ కు కారణం :

రక్తంలో ప్లేట్లెట్స్ గణనీయంగా తగ్గిపోవడం. కొన్ని సందర్భాల్లో ఇది ఊపిరితిస్తులు, గుండె, మరియు కాలేయం డ్యామేజ్ కు గురి అవుతాయి. సెడన్ గా బ్లడ్ ప్రెజర్ తగ్గడం వల్ల షాక్ లేదా మరణం సంభవించవచ్చు. డెంగ్యూ ఫీవర్ ను రక్త పరీక్ష ద్వారా నిర్థారించవచ్చు.

డెంగ్యూ ఫీవర్ చికిత్సలో బొప్పాయి ఆకులు ఏలా పనిచేస్తాయి?

డెంగ్యూ ఫీవర్ కారణాల కంటే డెంగ్యూ లక్షణాలను చికిత్స ద్వారా నయం చేయవచ్చు. అందుకు కొన్ని హోంరెమెడీస్ ప్రభావంతంగా పనిచేస్తాయి. నిపుణుల ప్రకారం ఆకుకూరలు, బ్రొకోలీ మరియు వ్యాధినిరోధకతతను పెంచు ఆహారాలు డెంగ్యూ ఫీవర్ లక్షణాలు ప్రభావంతంగా నివారిస్తాయని సూచిస్తున్నారు. అలాగే జర్నల్ అన్నల్స్ ఆఫ్ మెడికల్ అండ్ హెల్త్ సైన్స్ రీసెర్చ్ లో పచురితమైన వివిధ పరిశోధనల్లో డెంగ్యూ ఫీవర్ తో భాదపడే వారికి బొప్పాయి ఆకుల నుండి తీసిన రసం మంచి ఎంపిక అని సూచిస్తున్నాయి. 24 గంటల చికిత్స సమయంలో ప్రతి 8 గంటల వ్యవధి తేడాతో రెండు డోసులు బొప్పాయి జ్యూస్ తాగడం వల్ల రక్తంలో క్రమంగా ప్లేట్ లెట్స్ పెరిగి, మొత్తం వైట్ బ్లడ్ సెల్ పెరిగి వ్యాధి నుండి బయటపడినట్లు గుర్తించారు.

బొప్పాయి ఆకులు ఎలా ఉపయోగించాలి:

బొప్పాయి ఆకులను తాగాజావి తీసుకుని, వాటిని బాగా శుభ్రం చేసి, చిన్నముక్కలుగా కట్ చేయాలి. ఈ కట్ చేసిన ఆకును మిక్సీ గ్రైండర్ లో వేయాలి. వేడి చేసి చల్లార్చిన నీరు కూడా మిక్స్ లో వేసి మెత్తగా పేస్ట్ చేయాలి. ఈ పేస్ట్ ను ఒక గిన్నెలోకి తీసుకి కొద్దిగా పంచదార వేసి బాగా మిక్స్ చేసి అరగంట పాటు పక్కన పెట్టాలి. అరగంట తర్వాత ఈ పేస్ట్ ను బాగా పిండి రసాన్ని తియ్యాలి. ఈ రసాన్ని24గంటల పాటు ఫ్రిజ్ లో నిల్వచేసుకోవాలి. మరుసటి రోజు నుండి దీన్ని ఉపయోగించాలి. ఒక పేషంట్ ఒక సారికి ఒకటి లేదా రెండు స్పూన్లు మాత్రమే, ఉదయం, రాత్రి తాగాలి.

డెంగ్యూ పేషంట్ కి దీంతో పాటు మరికొన్ని డైట్ టిప్స్

డెంగ్యూ పేషంట్ తీసుకునే ఆహారం కూడా చాలా ముఖ్యం. శరీరం హైడ్రేషన్ లో ఉండాలి. తగినన్ని పోషకాలు అందేలా జాగ్రత్తలు తీసుకోవాలి. వీటి ద్వారా వ్యాధి నిరోధకత పెరుగుతుంది. ఈ క్రింది సూచించిన ఆహారాలు పేషంట్ శరీరాన్ని హైడ్రేషన్లో ఉంచి డెంగ్యూ నుండి బయటపడటానికి సహాయపడుతాయి...

ఆరెంజ్ :

ఆరెంజ్ లో విటమిన్స్, యాంటీఆక్సిడెంట్ అధికంగా ఉన్నందున వీరికి చాలా ప్రయోజనకరం. ఇంకా ఇందులో విటమిన్ సి పుష్కలంగా ఉంది. ఇది వ్యాధితో పోరాడటానికి అసవరమయ్యే ఇమ్యూన్ సిస్టమ్ కు బలపరస్తుంది. అదనంగా ఇది పేషంట్ లో జీర్ణక్రియ మెరుగుపరిచి త్వరగా కోలుకోవడానికి అవసరం అయ్యే యాంటీబాడీని ప్రోత్సహిస్తుంది.

నిమ్మరసం :

నిమ్మరసంలో ఉండే విటమిన్ సి శరీరంలోని వ్యాధినిరోధక శక్తిని పెంచుతుంది. డెంగ్యూ వైరస్ కు కారణం అయ్యే టాక్సిన్స్ ను శరీరం నుండి తొలగిస్తుంది.

కొబ్బరి నీళ్ళు :

డెంగ్యూ వైరస్ డీహైడ్రేషన్ కు గురిచేస్తుంది. అందుకు కొబ్బరి లో ఉత్తమ న్యాచురల్ మార్గం. ఇది శరీరానికి కావల్సిన హైడ్రేషన్, తక్షణ మినిరల్స్ ను అందిస్తాయి. కాబట్టి ఈ హెల్తీ డ్రింక్ మిస్ చేసుకోకూడదు.

దానిమ్మ:

దానిమ్మలో న్యూట్రీషియన్లు మరియు మినిరల్స్ అధికంగా ఉన్నాయి. దానిమ్మ శరీరానికి అవసరం అయ్యే ఎనర్జీని అందిస్తాయి. దానిమ్మ తినడం వల్ల అలసట మరియు నీరసం తగ్గిస్తాయి, ఐరన్ అధికంగా ఉండటం వల్ల రక్తంలో ప్లేట్ లెట్ కౌంట్ పెంచుతుంది.

ఆకు కూర:

ఈ గ్రీన్ లీఫీ వెజిటేబుల్లో ఓమేగా 3 ఫ్యాటీ యాసిడ్స్ అధికంగా ఉంటాయి. ఇది వ్యాధినిరోధకశక్తి పెంచుతుంది. ప్లేట్ లెట్ కౌంట్ ను పెండచంలో ఎఫెక్టివ్ గా పనిచేస్తుంది.

ఉడికించిన ఆహారాలు:

డెంగ్యూ ఫీవర్ తో భాదపడే వారు హెవీ ఫుడ్ తీసుకోవడానికి ఇష్టపడరు. అటువంటి వారు సెమి లిక్విడ్ సూప్స్ ను తాగాలి. వీటినిలో మినిరల్స్ మరియు ప్రోటీన్లు అధికంగా ఉంటాయి.

అన్నం గంజి :

బ్రౌన్ రైస్ లేదా నార్మల్ రైస్ తో తయారుచేసిన అన్నం గంజిలో కొద్దిగా ఉప్పు, ఇంగువ, నెయ్యి వేసి తాగాలి. ఇది డీహైడ్రేషన్ నివారిస్తుంది. ఎలక్ట్రోలైట్స్ ను నింపుతుంది మరియు ఆకలిని పెంచుతుంది.

సులభంగా జీర్ణం అయ్యే ఆహారాలు:

ఉడికించిన కూరగాయాలు, పెరుగు, పప్పు, సేమియా, మరియు సూప్స్ వంటివి సులభంగా జీర్ణం అవుతాయి కాబట్టి, వీటిని పేషంట్స్ తీసుకోవచ్చు. ఇవి మింగడానికి సులభం మాత్రమే కాదు అనేక ఆరోగ్య ప్రయోజనాలున్నవి. జీర్ణక్రియకు కష్టం కలిగించే కారం, ఉప్పు, నూనెలు సాధ్యమైనంత వరకు తగ్గించాలి.

ప్రోటీన్స్ :

ప్రోటీన్లు ముఖ్యమైన పాత్రను పోషిస్తాయి. డెంగ్యూ ఫీవర్ సమయంలో కోల్పోయిన ఆరోగ్యకరమైన కణాలను తిరిగి పొందడానికి సహాయపడుతాయి. గుడ్డులో తెల్లని పదార్ధం, పెరుగు మరియు వెన్న వంటి కనీసం రెండు రోజులకు ఒకసారి తీసుకోవాలి.

బ్రొకోలీ:

బ్రొకోలీలో విటిమన్ కె అధికంగా ఉంటుంది. ఇది బ్లడ్ ప్లేట్ లెట్స్ ను పునరుత్పత్తి చేయడానికి సహాయపడుతుంది. ఇంకా వీటిలో యాంటీఆక్సిడెంట్స్, మినిరల్స్ అధికంగా ఉన్నాయి. ప్లేట్ లెట్ కౌట్ తగ్గితే , తప్పనిసరిగా బ్రొకోలిని రెగ్యులర్ డైట్ లో చేర్చుకోవాలి.