Inability To Swallow: ఆహారం మింగలేకపోతున్నారా? ఇవే కారణాలు కావొచ్చు

మింగడంలో సమస్య ఎలా వస్తుంది?

యాసిడ్ రిఫ్లక్స్, గ్యాస్ట్రో ఎసోఫాగియల్ రిఫ్లక్స్ వ్యాధి(GERD):

యాసిడ్ రిఫ్లక్స్ లక్షణాలు కడుపులోని పదార్థాలు తిరిగి అన్న వాహికలోకి ప్రవహించినప్పుడు కనిపిస్తాయి. గుండెల్లో మంట, కడుపు నొప్పి, బర్పింగ్ వంటి లక్షణాలు కనిపిస్తాయి.

గుండెల్లో మంట:

గొంతులో చేదు రుచితో గుండెల్లో లేదా ఛాతిలో మంట సంభవిస్తుంది.

ఈసోఫేగల్ వెబ్ :

కొందరికి అన్నవాహికలోని కణజాలం పలుచటి పొరలా ఏర్పడుతుంది. దీనిని ఈసోఫేగల్ వెబ్ అంటారు. ఇది అన్నవాహికలో ఎక్కడైనా రావొచ్చు. చాలా మందిలో పై భాగంలోనే ఏర్పడుతుంది. రక్తహీనత ఉన్నవారిలో ఇది ఎక్కువగా వస్తుంది.

అకలేషియా కార్డియో:

అన్నవాహికలోని కండరాలు సరిగ్గా తెరచుకోకపోవడం వల్ల అకలేషియా కార్డియో సంభవిస్తుంది. అన్నవాహిక, జీర్ణాశయం కలిగే చోట ఉండే వలయం సరిగ్గా తెరచుకోకపోవడం వల్ల ఆహారం జీర్ణాశయంలోకి చేరుకోదు.

నాడీ సమస్యలు:

ఆహారం మింగడానికి తోడ్పడే కండరాలు, నాడులను దెబ్బతీసే ఎలాంటి సమస్యలైనా డిస్ ఫేజియాకు దారి తీస్తాయి. నాడీ సమస్యలు, పక్షవాతం, న్యూరాని డిసీజ్ వంటి వాటి వల్ల మింగడం కష్టంగా మారుతుంది.

అన్నవాహిక క్యాన్సర్:

అన్నవాహిక యొక్క లైనింగ్ లో ప్రాణాంతక కణితి ఏర్పడినప్పుడు అది క్యాన్సర్ కు దారితీయవచ్చు. ఇది ఆహారాన్ని మింగడానికి ఇబ్బందిని కలిగిస్తుంది.

హెర్పెస్ ఎసోఫాగిటిస్

హెర్పస్ ఎసోఫాగిటిస్ సింప్లెక్స్ వైరస్ టైప్-1 వల్ల వస్తుంది. ఇన్ఫెక్షన్ వల్ల కొంత ఛాతీ నొప్పి వస్తుంది. అలాగే ఆహారం మింగడంలో ఇబ్బంది తలెత్తుతుంది.

ఈ కారణాల వల్ల కూడా మింగడంలో సమస్యలు రావొచ్చు

* స్ట్రోక్

* డిమెన్షియా

* తల, మెడ, గొంతు క్యాన్సర్

* క్యాన్సర్ చికిత్సలు( రేడియేషన్, కీమోథెరపీ)

* తల గాయం

* పార్కిన్సన్స్ వ్యాధి

* నాడీ సంబంధిత రుగ్మతలు

* కండరాల బలహీనత

డిస్ ఫేజియా లక్షణాలు:

డిస్ ఫేజియా ఉన్న వారిలో మింగడంలో ఇబ్బందితో పాటు ఈ లక్షణాలు కూడా కనిపిస్తాయి.

* డ్రూలింగ్

* గద్గద స్వరం

* గొంతులో ఏదో పేరుకుపోయినట్లు అనిపించడం

* రెగ్యురిటేషన్

* బరువు కోల్పోవడం

* గుండెల్లో మంట

* మింగేటప్పుడు దగ్గు

* మింగేటప్పుడు నొప్పి

* ఆహారాన్ని నమలడం కష్టం

* న్యూమోనియా

* ముక్కు నుండి ఆహారం బయటకు రావడం