Shane Warne's Extreme Liquid Diet:షేన్ వార్న్ తీసుకున్న లిక్విడ్ డైట్ శరీరానికి ఎంత హానికరమో తెలుసా...

లిక్విడ్ డైట్ అంటే ఏమిటి?

షేన్ వార్న్ తీసుకున్న లిక్విడ్ డైట్ కు చాలా ప్రాముఖ్యత ఉంది. వీటిలో కేవలం ద్రవ పదార్థాలు మాత్రమే ఉంటాయి. బరువు తగ్గాలనుకునే వారికి ఇది చాలా కీలకమైనది. దీంట్లోని లిక్విడ్ తో క్యాలరీలను కరిగించుకునే ప్రయత్నం చేస్తారు. బరువు తగ్గేందుకు ఇది చాలా మంచిగా ఉంటుందని, అందుకే దీన్ని ఎక్కువ మంది ఆశ్రయిస్తున్నారు. వీటిలో సాధారణంగా పండ్లు, కూరగాయల నుండి జ్యూస్ తీసుకుని తాగుతుంటారు. ఇవి బాడీలో అధిక కొవ్వును కరిగించి, బరువును తగ్గిస్తాయి.

వార్న్ ఏమి తీసుకున్నారంటే..

వార్న్ మేనేజర్ తెలిపిన వివరాల మేరకు.. బరువు తగ్గడంలో భాగంగా వార్న్ తన ఆహారంలో తెల్లటి బన్ ను వెన్నతో తీసుకుంటున్నాడు. వీటితో పాటు బ్లాక్, గ్రీన్ కలర్ జ్యూస్ లు ఉన్నాయి. అయితే గతంలో షేన్ వార్న్ విపరీతంగా స్మోకింగ్ చేసేవాడు. అది కూడా గుండెపోటుకు కారణం కావొచ్చు. తన తండ్రి 30 రోజుల ఫాస్టింగ్ టీ డైట్ ని ఎందుకు తీసుకుంటాడో వార్న్ తనయుడు ప్రకటించాడు. వార్న్ తన మరణానికి కొన్ని రోజుల ముందు డైట్ ప్లాన్ పూర్తి చేశాడని, ఆ తర్వాత వెజిమైట్ టోస్ట్ తిన్నాడని నివేదికల ద్వారా తెలుస్తోంది.

గుండెపై లిక్విడ్ ఫుడ్ ప్రభావం..

టైమ్స్ ఆఫ్ ఇండియాలోని ఓ నివేదిక ప్రకారం, వార్న్ అకాల మరణానికి కారణం లిక్విడ్ డైట్ వల్లనే అనేందుకు ఎలాంటి ఆధారాలు లేవు. లిక్విడ్ డైట్స్ లో సాధారణంగా మినరల్స్ మరియు విటమిన్లు ఉండే అనేక రకాల జ్యూస్ లు ఉంటాయి. వీటిలో ప్రోటీన్లు మరియు కొవ్వులు, పీచు పదార్థాలు ఉండవు. అయితే ఈ డైట్లో ఉండేవారు ఆహారాన్ని బ్యాలెన్స్ గా తీసుకోవాలని, లేని పక్షంలో అనేక సమస్యలు తలెత్తుతాయని ఆరోగ్య నిపుణులు అంటున్నారు.

గుండెపై ప్రభావం..

హార్ట్ ఫౌండేషన్ కు చెందిన ఆరోగ్య నిపుణులు ప్రొఫెసర్ గ్యారీ జెన్నింగ్స్ ప్రకారం, తక్కువ కేలరీల తీసుకోవడం వల్ల కొన్ని సందర్భాల్లో గుండెపై ప్రభావం చూపుతుంది. సహజంగానే, ద్రవ ఆహారం నుండి అవసరమైన పోషకాలను పొందలేరు. తక్కువ క్యాలరీల ఆహారంలో ప్రోటీన్లు, కార్బోహైడ్రెట్లు, కొవ్వులు, విటమిన్లు మరియు ఖనిజాల బ్యాలెన్స్ ఉండవని నమ్ముతారు. లిక్విడ్ డైట్ వల్ల తలనొప్పి, తల తిరగడం, అలసట, విరేచనాలు లేదా మలబద్ధకం వంటి అనేక దుష్ప్రభావాలు ఉండొచ్చని BBC నివేదిక వివరించింది.