వేలాడే పూల కుండీల అలంకరణ!

పొడవైన పువ్వులను ఎత్తుగా అలంకరించేందుకు వెడల్పుగా, ఎత్తు తక్కువగా ఉండే బాటిల్ లేదా కుదురులాంటి కుండీలను ఎంపిక చేసుకోవాలి. బాటిల్ లేదా కుదురులో పావు వంతు నీటిని పోసి, అందులో రంగురాళ్లు, గాజుగోలీలను ఉంచి తరువాత పువ్వులను అమర్చాలి. బాటిల్ అడుగున పేర్చే రంగురాళ్లు,గాజు గోలీలు పరిసరాల రంగుతో మ్యాచ్ అయ్యేలా ఉంటే మరింత ఆకర్షణీయంగా ఉంటాయి. ఇలాంటి బాటిల్ లేదా కుదురులాంటి కుండీలను టీపాయ్ మీద పెట్టేటట్లయితే సోఫాసెట్ రంగు లేదా గోడల రంగును దృష్టిలో ఉంచుకోవాలి. అలాగే రిఫ్రిజిరేటర్ , పుస్తకాల అల్మైరా, వాల్ హ్యాంగింగ్స్ పైన కూడా వీటిని పెట్టవచ్చు.

ఇక పువ్వులతో డెకరేట్ చేసేందుకు ప్రత్యేకమైన పూలను సేకరించాల్సిన అవసరం లేదు. ఇంట్లో దొరికే అన్నిరకాల క్రోటన్ ఆకులు, పువ్వులు, చేమంతులు, కనకాంబరం, మల్లె, జాజి, మందార, ఉమ్మెత్త... ఇలా అందుబాటులో ఉన్న పువ్వులన్నింటినీ వాడవచ్చు. అయితే వీటిని ప్రత్యేకంగా అమర్చినట్లయితే అందంగా ఉంటాయన్న సంగతిని మర్చిపోకూడదు.