ఇంటి అలంకరణలో గులకరాళ్లు...వాటర్ బబుల్స్

Decor

oi-Saraswathi

By Sindhu

| Published: Saturday, March 17, 2012, 11:48 [IST]

మన భారత సాంప్రధాయంలో ఇంటి అలంకరణ అంటే తేలికైన పనికాదు. ఒక సాంప్రదాయ ఇంట్టో వుండాల్సిన వివిధ వస్తువులు చాలామందికి తెలియకపోవచ్చు. ఇంటి అలంకరణ ఎలా వుండాలనేది ఊహించటం తేలికే కాని అభిరుచులుకు తగ్గట్టు అమర్చుకోడం కష్టమే. సాధారణంగా మన గృహాలంకరణలో ఫ్లవర్‌ వాజులది ప్రత్యేకస్థానం. ప్లాస్టిక్‌, చెక్క, పింగాణీ, గాజు...ఇలా ఎన్నో రకాలను మనం కోరి ఎంచుకుంటాం. ఇంట్లో కనువిందుగా అలంకరిస్తాం. కానీ అవన్నీ పాత తరహావే కదా.

అలాకాకుండా కొంచెం ట్రెండ్ కు తగ్గ అలంకరణలో మార్పులు చేసుకుంటే ఇంట్లో పాతపడిన పొడవాటి గాజు సీసాలు, జ్యూస్‌ గ్లాసులు, శీతల పానీయాల బాటిళ్ళ వంటివి ఉంటాయి కదా. వాటిని ఎంచక్కా రంగు రంగుల గులకరాళ్ళతో కొత్తగా తీర్చిదిద్దుకోవచ్చు..సాధారణంగా మట్టి ఇసుకలో దొరికే రంగురాళ్ళు ఆల్చిప్పలు, గవ్వలంటే అతివలకు ఆసక్తి, సేకరించి దాచుకునే వారి సంఖ్యా తక్కువేం కాదు. మీ అభిరుచికి తగినట్టే వాటితోనే ఇంటి అలంకరణ చేసుకోవాలి.

మిరుమిట్లు గొలిపే వివిధ రంగుల్లో గులకరాళ్లు, పూరేకులు, నీటిలో వేయగానే పెద్దవయ్యే స్నేక్‌, వాటర్‌ బబుల్స్ వంటి వాటిని ప్రస్తుతం మార్కెట్‌లో విక్రయిస్తున్నారు. ధర తక్కువ, ఆకర్షణ ఎక్కువ, మీరు కొన్ని రూపాలను, రంగులను ఎంచుకొని గులక రాళ్లను కొనుగోలు చేసి, వాటిని పారదర్శక ప్లాస్టిక్‌, గాజు సీసాల్లో వాటిని ఉంచితే ఆ ఇంటికి కొత్తకళతో ఇంటి అందమే మారిపోతుంది. పొందికైన ఆకృతిలో...నీళ్ళలో వివిధ రంగుల్లో మెరుస్తూ గులకరాళ్ళు...బల్లమీద పెట్టినా. టీవీమీద ఉంచినా చూసీ చూడగానే చటుక్కున ఆకట్టుకుంటాయి. వాటిల్లో అందం, సహజమైన హంగుకోసం కృత్తిమ మొక్కలను ఉంచొచ్చు. ప్రకృతి సిద్ధమైన మొక్కలనూ పెంచుకోవచ్చు.