మట్టి లేకుండా మొక్కలను పెంచటం ఎలా?

By B N Sharma

Published: Friday, October 7, 2011, 15:19 [IST]

Hydroponic Gardening, For A 'Soil-Free' Garden!

కొత్తరకంగా మీ గార్డెన్ పెంచాలనుకుంటున్నారా? అదికూడా మట్టి లేకుండానా? అయితే, నీటి ఆధారిత కొత్త పద్ధతిలో మట్టి లేకుండానే మొక్కలు పెంచండి. దీనిని హైడ్రోపోనిక్ గార్డెనింగ్ అంటారు. నీటిలో మినరల్స్ తో కూడిన పోషకాలు కలిపి వివిధ రకాల మొక్కలను పెంచవచ్చు. హైడ్రోపోనిక్ గార్డెనింగ్ లో రెండు రకాల పద్ధతులుంటాయి. సొల్యూషన్ మరియు మీడియం కల్చర్ అంటారు. మొదటిది పోషక పదార్ధాలు కలిపిన ద్రావకంలో మొక్కల పెంపకం కాగా రెండవది వేళ్ళకు గట్టియైన కొబ్బరి పీచు, ఇసుక, చిన్నపాటి మెత్తటి రాళ్లు, మినరల్ వూలు, కంకర రాయి మొదలైన వాటి మిశ్రమంలో పెంచేది.

1. హైడ్రోపోనిక్ తోట పెంపకంలో మొదటగా మీరు ఏ రకమైన మొక్కలు పెంచదలచారు. ఎన్ని పెంచదలచారనేది నిర్ణయించుకోవాలి. మీ గార్డెన్ ను ఇంట్లోను లేదా బయట కూడా పెంచవచ్చు.
2. హైడ్రోపోనిక్ గార్డెనింగ్ లో అవసరమైన వస్తువులు, అంటే నీటి గొట్టాలు, గాలి, నీటి పంపులు, డ్రమ్ములు మొదలైనవి సేకరించండి.
3. మొక్కలకవసరమైన పోషకాలను నీటిలో కరిగించండి. వీటిని తయారీ దారులనుండి మీరు పొందవచ్చు.
4. మొక్క టైపును బట్టి గొట్టాలకు సమానంగా రంధ్రాలు వేయండి.
5. పాతేటటువంటి మొక్కలకు వున్న మట్టిని పూర్తిగా తీసేయండి.
6. మొక్కలను అతి జాగ్రత్తగా నీటిలో వుంచండి.
7. ఎపుడవసరమనుకుంటే అపుడు నీరు పెట్టండి. నీటిలోని పోషక ద్రవాన్ని పరీక్షించటానికి ఒక పిహెచ్ టెస్టర్ మరియు సిఎఫ్ మీటర్ కొనండి.
8. మీ మొక్కలకు మంచి సూర్యరశ్మి, ధారాళమైన గాలి తగిలేలా చూడండి. క్రమం తప్పకుండా మొక్కల వేళ్ళు గమనిస్తూండండి. పురుగులు దరిదాపులకు చేరకుండా చూడండి.
9. ఒక సారి కూరగాయలు పెరిగితే, వాటిని కోసేయండి.
10. తర్వాత కాపర్ మరియు పెరాక్సైడ్ ద్రావణాలు వేసి పూర్తిగా గొట్టాలను శుభ్రపరచండి. మరోమారు పైరీతిలో మొక్కలు పెంచేందుకు సిద్ధంకండి.

మీ హైడ్రోపోనిక్ గార్డెన్ మొదలుపెట్టేముందు, అందులోని మొక్కలను సంరక్షించచేందుకుగాను అవసరమైన శక్తి, సమయం మీలో వుండేలా చూసుకోండి. హైడ్రోపోనిక్ గార్డెన్ కు మీరు తీసుకునే జాగ్రత్తలే అత్యంత ప్రధానమైనవని గుర్తించండి.