For Quick Alerts
ALLOW NOTIFICATIONS  
For Daily Alerts

పెరటి మొక్కలకు ఎండ నుండి సంరక్షణ...

|

ఎండ తీవ్రత నుంచి మొక్కల్ని రక్షించుకోవడానికి రెండు పుటాలా తగినంత నీరు పోయడంతో పాటు..మరింత శ్రద్ద చూపాల్సిన అవసరం ఉంది. ఇంటి దగ్గర ఉన్న ఖాళీ స్థలాల్లో, మేడలపైన ఆకుకూరలు, కూరగాయల మొక్కలు పెంచుకునేవారు గ్రీన్ షేడ్ నెట్‌ను ఉపయోగించి.. తక్కువ ఖర్చుతోనే.. కిచెన్ గార్డెన్‌కు నీడను ఏర్పాటు చేసుకోవచ్చు.

గ్రీన్ షేడ్ నెట్ తో ఇంట్లో పెరటి మొక్కలను ఎండ నుండి కాపాడుకోవచ్చు. ఒక కుటుంబం మేడపైనో, పెరట్లోనో కూరగాయలు, ఆకుకూరల వేసుకొన్న స్థలానికి నీడ కల్పించుకోవడానికి.. రెండు మూడు మీటర్ల గ్రీన్ షేడ్ నెట్ సరిపోవచ్చు. గార్డెనింగ్ మెటీరియల్‌ ను అమ్మే దుకాణాల్లో ఈ నెట్ దొరుకుతుంది. పంటలను ఎండ నుంచి రక్షించుకోవడానికి నెట్‌ ను వినియోగిస్తుండడం తెలిసిందే. తక్కువ ఉష్ణోగ్రతలోనే బాగా పెరిగే మొక్కలను పెంచుకోవడానికి ఏడాది పొడవునా నెట్‌ ను వినియోగించవచ్చు.

వేసవిలో మొక్కలు వాడిపోకుండా ఆరోగ్యంగా ఉండాలంటే సహజ ఎరువులను ఎంపిక చేసుకోవాలి. ఇందుకోసం ఇంట్లో వ్యర్థాలనే సహజ ఎరువులుగా వాడవచ్చు. మిగిలిపోయిన కాఫీపొడి మొక్కలకు చక్కటి ఎరువుగా ఉపయోగపడుతుంది. వాడిన కాఫీ పొడికి నాలుగు కప్పుల నీళ్లు చేర్చి, మొక్కలకి పోస్తే ఆరోగ్యంగా ఉంటాయి. నెలకొకసారి చల్లటి టీ డికాషన్‌కు ముప్పావుభాగం నీటిని కలిపి మొక్కల మొదళ్లలో పోసినా మంచి ఫలితం కనిపిస్తుంది.

కోడిగుడ్డు డొల్ల కూడా ఎరువుగా వాడుకోవచ్చు. డొల్లను చిదిమి కుండీలలో వేయాలి. ఇలా చేస్తే గుడ్డు డొల్లలోని పొటాషియం, క్యాల్షియం మొక్కలకు పుష్కళంగా అందుతాయి. అలాగే గుప్పెడు డొల్లలను ఓ బకెట్ నీటిలో వేసి బాగా మరిగించి, ఎనిమిది గంటల తర్వాత బాగా చల్లబడ్డాక ఆ నీటిని మొక్కలకు పోస్తే, వాటికి చాలం బలం అందుతుంది.

విరిగి పోయిన పాలను వృధాగా పారబోయకుండా వాటికి నాలుగురెట్లు నీటిని కలిపి చెట్ల వేళ్లు తడిసేలా పోస్తే వాటికి మంచి పోషణ లభిస్తుంది. అయితే తరచుగా ఇలా చేయకుండా ఓ పదిరోజులకొకసారి చేస్తే మంచిది. న్యూస్ పేపర్‌ లో కాఫీ గింజలను ఉంచి, పొట్లంలా చుట్టి మొక్కల మొదళ్లవద్ద ఉంచాలి. కాఫీ గింజల్లోని రసాయనాలను వేర్లు పీల్చుకున్నాక పేపర్లు ఎండిపోతాయి. అప్పుడు వాటిని తీసేస్తే సరిపోతుంది. కాఫీ గింజలద్వారా మొక్కలకు మెగ్నీషియం, పొటాషియం మెండుగా లభిస్తాయి.

మొక్కలకే కాకుండా, మడులు / కుండీల్లో మట్టి మిశ్రమం ఎండ తీవ్రతకు మరీ పొడిబారిపోకుండా చూసుకోవడానికి సులువుగా పాటించదగిన పద్ధతి మల్చింగ్. ఇది ఆకురాలే కాలం కాబట్టి.. ఎండు ఆకులు ఎక్కడైనా అందుబాటులోనే ఉంటాయి. కుండీలు, మడుల్లో ఉన్న కూరగాయల మొక్కల చుట్టూ.. ఆకుకూర మొక్కలు పెంచడం ద్వారా కూడా మొక్కలకు ఎండ దెబ్బ తగలకుండా జాగ్రత్తపడొచ్చు(దీన్ని లైవ్ మల్చింగ్ అంటారు).

English summary

How To take Care of Kitchen Garden during the Summer Season.... | పెరటి మొక్కలకు ఎండ నుండి సంరక్షణ...

One of the most important factors for successfully growing Kitchen Garden during the summer. The gardener naturally wants to give his or her garden the best care possible. In order to accomplish this, the gardener must have a basic knowledge of how to properly irrigate, control weeds, use mulches, and control diseases and insects
Story first published:Friday, March 9, 2012, 16:01 [IST]
Desktop Bottom Promotion