సీజన్ బట్టీ మొక్కలు..మొక్కలు బట్టీ ఇంటి అలంకరణ..!

ఆర్చిడ్స్: ఆర్చిడ్స్ ను ప్రపంచంలోని మొక్కల్లో అతి పెద్ద సమూహం అంటుంటారు. వాటి రంగులు మరియు ఆకారాలు వివిధ రకాలుగా ఉంటాయి. ఆర్చిడ్ ను ఇండోర్ మొక్కగా పెంచుకోవచ్చు . చూడటానికి అద్భుతంగా ఉంటుంది. ఇంకా అవి మొగ్గగా ఉన్నప్పుడు వికసించేటప్పుడు మరింత ఆకర్షణీయంగా ఉంటాయి.

ఆఫ్రికన్ వయోలెట్స్: ఆఫ్రికన్ వయోలెట్స్ పువ్వులు వివిధ రంగులు మరియు వివిధ రకాల శ్రేణులగా పెరుగుతాయి. అయితే, మీరు ఈ మొక్కను ఇండోర్ మొక్కగా పెంచుకోవాలనుకున్నప్పుడు నీటిని పోయడంలో చాలా జాగ్రత్త తీసుకోవాలి. అధిక తేమ మరియు వెలుగు ఎక్కువ ఉన్న ప్రదేశంలో వీటిని పెట్టుకోవాల్సి వస్తుంది. కానీ వీటి మీద డైరెక్ట్ గా సూర్య రశ్మి పడకుండా జాగ్రత్త తీసుకోండి. ఈ ఇండోర్ మొక్క గురించి సరైన జాగ్రత్త తీసుకొన్నట్లైతే సంవత్సరం పొడవునా మొగ్గగా వస్తూనే ఉంటుంది.

మందారం: ఈ మొక్క యొక్క ఆరోగ్య మరియు కేససంరక్షణకు ఎన్ని ప్రయోజనాలను అందిస్తుందో అందరికీ తెలిసిన విషయమే. ఈ మొక్క యొక్క పువ్వులు వివిధ రంగుల్లో ఉన్నాయి. ఈ మొక్కలకు వెచ్చదనం అవసరం అవుతుంది. అలాగా తగినంత తేమ మరియు కాంతి అవసరం అవుతుంది. అందంగా పుష్పించే ఈ మొక్కను ఇండోర్ ప్లాంట్ గా పెంచుకోవడం వల్ల ఇంట్లో చల్లదనంతో పాటు, ప్రశాంత వాతావరణాన్ని అందిస్తుంది.

పీస్ లిల్లీ: ఈ వేసవికి ఇండోర్ లో పెంచుకోగలిగిన ఉత్తమమైన మొక్క. ఈ పీస్ లిల్లీ మొక్కలను ఇంట్లోనే కాకుండా ఆఫీస్సుల్లో కూడా పెంచుకుంటుంటారు. తెల్లని పువ్వులు, ముదురు ఆకుపచ్చని నిగనిగలాడే ఆకులు కలిగిన ఈ మొక్కలు ఇంటిలోపల పెంచుకోవడం వల్ల ప్రత్యేక ఆకర్షణతో వేసవికాలం అంతా ఇల్లు కళకళలాడుతుంటుంది.

బ్రొమేలియడ్స్: పూలనిచ్చే ఈ మొక్కలు ఇంట్లో, ఆఫీసు టేబిల్స్ పై కూడా పెట్టవచ్చు. పూలు అపుడపుడూ వచ్చినప్పటికి వచ్చిన తర్వాత చాలా రోజులే వుంటాయి. వేళ్లు కొద్దిపాటి మట్టిగల నీటిలో వుంచి పెంచవచ్చు. నాలుగు అంగుళాల కుండీ వుంటే చాలు ఈ మొక్కను పెంచవచ్చు.