వానల కాలం... చెక్కకు ముప్పు..!!

తడిని త్వరగా పీల్చుకునే మందపాటి గోనే సంచులను గుమ్మం దగ్గర వేస్తే బురద, తేమతో ఇబ్బందులు ఉండవు. ఈ కాలంలో గుమ్మాలకు, కిటికీలకు పలచటి కర్టన్‌లను కడితే బాగుంటుంది. ఎందుకంటే ఎండ సమయంలో సూర్యకిరణాలు, వెలుతురు లోపలకు ప్రసరించటంతో గదిలో తేమ లేకుండా పొడిగా ఉంటుంది.

ప్రత్యేకించి వానా కాలంలో ఇంట్లో అలంకరణకు పచ్చటి మొక్కలను నాటేముందు ఆలోచిస్తే మేలు.. ఎందుకుంటే మొక్కలు ఎక్కువుగా తేమను విడుదల చేస్తాయి. కాబట్టి అలంకరణకు ప్లాస్టిక్ వస్తువులను ఎంచుకోవటం మేలు. ప్లాస్టిక్ అలంకరణల పై దుమ్ము కనిపిస్తుంది కాబట్టి ఎప్పటికప్పుడు వాటిని శుభ్రపరచుకుంటే బాగుంటుంది.

విలువైన పత్రాలతో పాటు డాక్యుమెంట్లను ప్రత్యేకించి ఈ కాలంలో వాటర్ ప్రూఫ్ సంచుల్లో భద్రపరుచుకోవాలి. ఈ వర్షాకాలంలో అల్మరాలకు రంగు వేయించటం అంత మంచిది కాదు. రంగు వేయటం వల్ల ఇనుప అల్మరాలకు తుప్పు పట్టే అవకాశ ముంది.

చెక్క అల్మరాల్లో కర్పూరాన్ని వేస్తే అది తేమను పీల్చుకుంటుంది. దస్తుల్లో లవంగాలు, వేపాకు వేస్తే అరోమా వాసనలు వస్తాయి.ఇంటికి వెంటిలేషన్ ఎక్కువుగా ఉండేలా చూసుకోవాలి. దాని వల్ల తేమ గాలి బయటకు వెళ్లి, తాజా గాలి లోపలికి వస్తుంది.