For Quick Alerts
ALLOW NOTIFICATIONS  
For Daily Alerts

చీమలను తరిమేయడానికి అయిదు సులువైన మరియు చవకైన మార్గాలు

|

చూడటానికి చిన్నగా కనిపించినా మన దైనందిన జీవితంలో చిన్న చిన్న పనులు చేసుకోవటానికి కూడా ఇబ్బంది కలిగించే జీవులు చీమలు. ఇవి మన వంటగదిలో తిరుగుతూ తెగ చికాకు పెడతాయి. చీమలు ఇంటి పునాదులను దెబ్బతీసిన సందర్భాలను కూడా మనం చూడొచ్చు. వందల కొద్ది చీమలు సైన్యంగా మనకు ఇష్టమైన ఆహార పదార్ధాలపై దండెత్తి రావడం మనకు తెలిసినదే!ఒక్క రాణి చీమ కొన్ని లక్షల చీమలకు జన్మనిస్తుందన్న విషయం మీకు తెలుసా? వినడానికే మీకు గగుర్పాటుగా ఉందా? కొన్ని సులువైన చిట్కాలతో చీమలను మన ఇంటికి దూరంగా నెట్టేయవచ్చు.

చీమలను చంపటమనేది గొప్ప అలోచన కాదు కాని అవి కావలసినప్పుడల్లా మన ఇంటిలొ షికార్లు కొట్టకుండా మన ఇంట్లో రోజు వాడుకునే చవకైన వస్తువులతో నివారించవచ్చు. అవి ఎమిటో మీరు కూడా తెలుసుకోవాలనుకుంటున్నారా!ఐతే ఇంకెందుకు ఆలస్యం? చదివేయండి!

వెనిగర్:

వెనిగర్:

వంటింట్లో మనం సాధారణంగా ఉపయోగించే వెనిగర్ ను నీటిని సమానంగా కలుపుకుని చీమలు ఎక్కువగా తిరుగాడే వంట గది గట్టు, అల్మరాలను శుభ్రం చేయండి. ఇలా ఒకేరోజు నాలుగైదు సార్లు చేసి మంచి ఫలితం పొందండి. చీమలు వెనిగర్ వాసనను ఇష్టపడవు. అంతేకాక వెనిగర్ చీమలు ఏర్పాటు చేసుకునే సువాసన బాటలను తుడిచివేస్తాయి.

బొరాక్స్:

బొరాక్స్:

బొరాక్స్ మరియు పంచదార మిశ్రమాన్ని చీమలు ఎక్కువగా తిరుగాడే చోట్లలో పెట్టండి. బొరాక్స్ చీమల జీర్ణ వ్యవస్థ మరియు బాహ్య కవచాన్ని దెబ్బతీస్తుంది. బొరాక్స్ విషపూరితమైనది కవటం వలన చిన్న పిల్లలు ఉన్న ఇంట్లో ఈ చిట్కాని పాటించేటప్పుడు తగు జగ్రత్తలు తీసుకోవాలి.

నిమ్మ జాతి పండ్ల తొక్కలు:

నిమ్మ జాతి పండ్ల తొక్కలు:

చీమలు ఎక్కువగా ఉన్న చొట్లలో నిమ్మ మరియు నారింజ తొక్కలను ఉంచండి. ఈ పండ్ల తొక్కలలో ఉండే రసాయనాలు చీమలకు ఆహారంగా ఉపయోగపడే శిలీంధ్రాలను నాశనం చేస్తాయి. కనుక చీమలు వెంటనే ఆ ప్రదేశాన్ని వీడి వెళ్ళిపోతాయి.

పిండి:

పిండి:

చీమలు పిండి ఉండే ప్రదేశంలో సంచరించవు కనుక వంటగదిలో ఉండే అల్మరాలలో మరియు చీమలు ప్రవేశించే చోట్లలో పిండిని వెదచల్లండి.

ఉప్పు:

ఉప్పు:

ద్వారాలు మరియు చీమలు మన ఇంట్లోకి ప్రవేశించే చోట్లలో ఉప్పును చల్లండి. ఉప్పును దాటి చీమలు మన ఇంటి లోనికి ప్రవేశించవు.

English summary

5 cheap and easy ways to get rid of ants

Even though they are tiny, ants are irritating and create lot of destruction with their presence in the house. Their long trail leads to a burrow into the ground or kitchen counter-tops and then there is no way you can get rid of them. They march in hundreds and aim at your favourite food left open making you run for its life.