చీమలను తరిమేయడానికి అయిదు సులువైన మరియు చవకైన మార్గాలు

వెనిగర్:

వంటింట్లో మనం సాధారణంగా ఉపయోగించే వెనిగర్ ను నీటిని సమానంగా కలుపుకుని చీమలు ఎక్కువగా తిరుగాడే వంట గది గట్టు, అల్మరాలను శుభ్రం చేయండి. ఇలా ఒకేరోజు నాలుగైదు సార్లు చేసి మంచి ఫలితం పొందండి. చీమలు వెనిగర్ వాసనను ఇష్టపడవు. అంతేకాక వెనిగర్ చీమలు ఏర్పాటు చేసుకునే సువాసన బాటలను తుడిచివేస్తాయి.

బొరాక్స్:

బొరాక్స్ మరియు పంచదార మిశ్రమాన్ని చీమలు ఎక్కువగా తిరుగాడే చోట్లలో పెట్టండి. బొరాక్స్ చీమల జీర్ణ వ్యవస్థ మరియు బాహ్య కవచాన్ని దెబ్బతీస్తుంది. బొరాక్స్ విషపూరితమైనది కవటం వలన చిన్న పిల్లలు ఉన్న ఇంట్లో ఈ చిట్కాని పాటించేటప్పుడు తగు జగ్రత్తలు తీసుకోవాలి.

నిమ్మ జాతి పండ్ల తొక్కలు:

చీమలు ఎక్కువగా ఉన్న చొట్లలో నిమ్మ మరియు నారింజ తొక్కలను ఉంచండి. ఈ పండ్ల తొక్కలలో ఉండే రసాయనాలు చీమలకు ఆహారంగా ఉపయోగపడే శిలీంధ్రాలను నాశనం చేస్తాయి. కనుక చీమలు వెంటనే ఆ ప్రదేశాన్ని వీడి వెళ్ళిపోతాయి.

పిండి:

చీమలు పిండి ఉండే ప్రదేశంలో సంచరించవు కనుక వంటగదిలో ఉండే అల్మరాలలో మరియు చీమలు ప్రవేశించే చోట్లలో పిండిని వెదచల్లండి.

ఉప్పు:

ద్వారాలు మరియు చీమలు మన ఇంట్లోకి ప్రవేశించే చోట్లలో ఉప్పును చల్లండి. ఉప్పును దాటి చీమలు మన ఇంటి లోనికి ప్రవేశించవు.