అపార్టుమెంటుకు అనువైన పెంపుడు కుక్క!

Pet Care

oi-Nageswara

By B N Sharma

Published: Monday, October 24, 2011, 15:32 [IST]

అపార్ట్ మెంట్ చిన్నదిగా వుంటుంది. అది ఒక పెద్ద నివాస వసతుల సముదాయంలో భాగం. పక్క అపార్టుమెంట్ లో వుండేవారు వివిధ రకాల అభిరుచులు కలిగినవారై వుంటారు. అపార్టుమెంట్ లో మనం పెంచే కుక్కను వారు ఇష్టపడకపోవచ్చు. పొరుగున వుండే వారవటంతో వారితో మనం సరైన సంబంధాలు కలిగి వుండవలసి వస్తుంది. అటువంటపుడు పొరుగున వుండేవారికి ఏ సమస్యా రాకుండా మనకు ఆనందం కలిగించే పెంపుడు కుక్కలు ఏవి అనేది పరిశీలిద్దాం.

అపార్టుమెంటు నివాసితులకు పనికివచ్చే పెంపుడు కుక్కలు:
1. బుల్ డాగ్ - ఇంగ్లీష్ బుల్ డాగ్ లు కుక్కజాతులన్నింటిలోకి చాలా బద్ధకస్తులు. ఇరవైనాల్గు గంటలు నిద్రపోతాయి. ఏ శిక్షణకు ఇష్టపడవు. ఎపుడూ యజమాని, కుటుంబంకు అంటిపెట్టుకుని వుంటాయి. తిండి బాగా తింటాయి. కష్ట పడటమంటే ఇష్టముండదు. అరవను కూడా అరవవు. నిద్ర మాత్రం గురకపెట్టి పడుకుంటాయి. ఇంత సోమరి కుక్కలతో మీ పొరుగువారికి ఏ సమస్య వుండదు.

2. గోల్డెన్ రిట్రీవర్ - నేస్తానికి గోల్డెన్ రిట్రీవర్ పెట్టింది పేరు. చురుకైనవి. శిక్షణ నివ్వటం తేలిక. యజమాని అంటే విశ్వాసం. అందరితో సఖ్యంగా వుంటాయి.ఆటలంటే ప్రాణం. అందరూ తమను ప్రేమించాలనుకుంటాయి. లేదంటే నిరాశ పడతాయి.

3. పగ్ - ఈ జాతి కుక్కను హచ్ కంపెనీ ప్రకటనలకు వాడేది. చిన్ని బొమ్మల్లా వుంటాయి. వీటి పుటక చైనా దేశం. తన యజమాని ఎక్కడకెడితే ఇది అక్కడకెడుతుంది. చాలా పిరికివి. వీటికి ప్రేమ, శ్రధ్ధ కావాలి. పక్కవారు కూడా దీనిని తేలికగా మచ్చిక చేసేసుకుంటారు.

4. కాకర్ స్పానియల్ - ఫ్యాన్సీగా వుండే కుక్క. మహిళలు బాగా ఇష్టపడతారు. తమ ఆటపాటలకు అందరూ మెచ్చుకోవాలని కోరుకుంటాయి. చిన్నవవిగా వుండి బొచ్చు కలిగి వుంటాయి.

5. డచ్ షండ్ - ఇది హౌండ్ జాతికి చెందినది. కాళ్ళు పొట్టి, శరీరం పొడవు. జర్మన్ జాతి కుక్క. బయటకు వెళ్ళాలంటే ఇష్టపడదు. యజమానిని బాగా ఇష్టపడుతుంది.