పేదరికంతో పోరాడలేక వృషణాలను అమ్మకానికి పెట్టిన ప్రబుద్దుడు

పేదరికంతో పోరాడడం విసుగు తెప్పించింది

ఇయాన్ హర్రియల్ కొవిటి అనే ఈ వ్యక్తి వయసు 27 ఏళ్లు. కెన్యాలోని మిగోరి కౌంటీలోని ఉరిరి నియోజకవర్గంలో ఇతను నివసిస్తుంటాడు. కానీ అసాధారణ రీతిలో ధనవంతుడు అవ్వాలన్న ఆలోచనే ప్రపంచమంతా ఇతని వైపు చూసేలా చేసింది. కొంతకాలం పాటు సోషల్ మీడియాలో ఇతని గురించిన చర్చలే జరిగాయి. కొందరు ఇతను చేసింది సబబే అంటుంటే, మరికొందరు తేలికగా కొట్టి పారేస్తున్నారు. కానీ సంఘంలో ప్రజలు ఎలాంటి స్థితిలో ఉన్నారో తెలిపేందుకు ఇటువంటివి కొన్ని తార్కాణాలుగా ఉంటాయని అనలిస్ట్ల వాదన. ఇతను పేదరికాన్ని, ఆకలిని భరించలేక చివరికి తన వృషణాలలో ఒక దాన్ని అమ్మి సొమ్ము చేసుకోవాలనుకున్నాడు.

రాజకీయాల్లో కూడా అడుగు ….

కొవిటి రాజకీయాలలో కూడా స్వతంత్ర అభ్యర్థిగా ప్రయత్నించి చేతులు కాల్చుకున్నాడని స్పష్టంగా తెలిసింది. అంతేకాకుండా తన మూత్రపిండాలలో ఒకదాన్ని 1.5 మిలియన్ డాలర్లకు అమ్మేందుకు కూడా సిద్దపడ్డాడు. కానీ ఇతర దేశస్తులకు ఈ అమౌంట్ 3 రెట్లు అధికంగా ఉంటుందని చెప్పాడు.

అతని నమ్మకం :

సంతానం పరంగా ఒక వృషణం ఉంటే సరిపోతుంది అని అతని నమ్మకం. క్రమంగా ఒకరికి సంతాన భాగ్యాన్ని అందించిన వాడిని అవుతాను, మరోపక్క నాకు డబ్బులు కూడా గిట్టుబాటు అవుతాయి అని అంటాడు కొవిటి.

తాను అమ్మాలని అనుకుంది కేవలం వృషణాలను మాత్రమే కాదు :

వైద్య వృత్తిలో ఉన్న తన స్నేహితుడొకరు ఒక మూత్రపిండం ద్వారా ఆరోగ్యవంతమైన మరియు సంపూర్ణమైన జీవితాన్ని గడపవచ్చని ధృవీకరించాడు. పైగా అక్కడ కిడ్నీ సమస్యలతో భాదపడుతున్న వ్యక్తులు అనేకమంది, డయాలసిస్ మీద బ్రతుకుబండి ఈడుస్తున్నారని. వారిలో కనీసం ఒకరైనా తన వంతుగా ఆరోగ్యకరమైన జీవితాన్ని గడపగలరని ఆశిస్తున్నానని చెప్పుకొచ్చాడు. క్రమంగా తన వృషణాలతో పాటు కిడ్నీని కూడా అమ్మదలిచాడు మహానుభావుడు. కాదేది అమ్మకానికి అనర్హం అన్నట్లు, అవకాశం ఉండాలే కానీ సగం శరీర భాగాలను అమ్మేసేలా ఉన్నాడు కొవిటి.

వైద్యుల పరంగా …

కొవిటి కేవలం ఒకే ఒక్క వృషణంతో కూడా రెగ్యులర్ సెక్స్ జీవితాన్ని గడపవచ్చునని డాక్టర్లు చెబుతున్నారు. కానీ, వాటిని తొలగించేందుకు మాత్రం ముందుకు రావడం లేదు. ఏదైనా ఆరోగ్య సమస్యలు తోడై, బ్రతుకు భారంగా ఉంటే ఆరోగ్య రీత్యా నిర్ణయాలు తీసుకుంటాము కానీ, ధనవంతుడవ్వాలన్న కోరిక మేరకు అమ్మకానికి పెడితే, అది క్షమించరాని నేరమే అవుతుంది. అటువంటి వారికి తోడ్పాటు అందించడం కూడా వైద్య వృత్తికే కళంకం అని చెప్తున్నారు

ఇటువంటి వ్యక్తులను చూస్తుంటే

ధనవంతులు కావడానికి ప్రయత్నిస్తున్న ఇటువంటి వ్యక్తులను చూస్తుంటే మీకేమనిపిస్తుంది. వ్యాఖ్యల విభాగంలో మీ అభిప్రాయాలను పంచుకోండి. ఈ వ్యాసం మీకు నచ్చినట్లయితే మీ ప్రియమైన వారితో పంచుకోండి. ఇటువంటి అనేక ఆసక్తికర, ఆరోగ్య, జీవనశైలి, మాతృత్వ, శిశు సంబంధ, ఆహార, లైంగిక, వ్యాయామ, ఆద్యాత్మిక, జ్యోతిష్య, హస్త సాముద్రిక, తదితర సంబంధిత విషయాల కోసం బోల్డ్స్కై పేజీని తరచూ సందర్శించండి.