దీపావళి రోజున ఎట్టి పరిస్థితిలో చేయకూడని పనులు !

ఆలస్యంగా నిద్ర లేవకండి :

చాలా ఎక్కువ సేపు నిద్రపోయే వ్యక్తులంటే దేవతలకు ఇష్టం ఉండదంట. ముఖ్యంగా లక్ష్మి దేవి కటాక్షం ఇటువంటి వ్యక్తులకు అస్సలు లభించదంట. అందుచేత ప్రతి ఒక్కరు వేకువ జామునే నిద్రలేవడాన్ని అలవాటు చేసుకోవాలి. ముఖ్యంగా దేవతలను ప్రసన్నం చేసుకోవాలి అనుకుంటున్న ఈ సమయంలో అలా చేయడం చాలా ముఖ్యం. ఇలా చేయడం ద్వారా ఐశ్వర్యాన్ని మరియు ధనాన్ని పెంచుకొనే అవకాశాలు ఎక్కువగా ఉన్నాయి.

గొడవలకు దూరంగా ఉండండి :

దీపావళి సమయంలో మీ స్నేహితులతో మరియు కుటుంబ సభ్యులతో ఇలా ఎవ్వరితో కూడా గొడవలకు దిగకండి. ఇంట్లో ఉన్నా లేదా బయటకు వెళ్లినా ఇలా ఎక్కడున్నా సరే సానుకూల దృక్పధంతోనే వ్యవహరించండి. మీ చుట్టూ ఉన్నవారిని ఆనందంగా మరియు సంతోషంగా ఉంచడానికి ప్రయత్నించండి.

మాదక ద్రవ్యాలకు దూరంగా ఉండండి :

ఈ దీపావళి సమయంలో ఏ రకమైన మాదక ద్రవ్యాలు సేవించినా లక్ష్మి దేవికి విపరీతమైన కోపం వస్తుందంట. అందుచేత అలాంటి చెడు అలవాట్లకు ఈ సమయంలోనే కాకుండా, మిగతా సమయాల్లో కూడా దూరంగా ఉండటం మంచిది.

ఈ సమయంలో ఖచ్చితంగా చేయవల్సిన పూజ :

ఎప్పుడుబడితే అప్పుడు పూజలు చేయడం కాకుండా, జీవితం నుండి చెడుని దూరం చేసుకొని అంతా మంచి జరగాలంటే రాత్రి పదకొండున్నర నుండి ఉదయం రెండున్నర మధ్యలో దీపావళి రోజు రాత్రి పూజ చేయడం చాలా బాగుంటుందని, బాగా కలిసి వస్తుందని చెబుతున్నారు. ఇదే అత్యుత్తమ సమయం అని కూడా చెబుతున్నారు.

చెడు దూరం చేసుకోవడానికి చేయవల్సిన పూజలు :

దేవుడికి ప్రకోపం కలిగించే విషయాలకు దూరంగా ఉండటమే కాకుండా, కొన్ని విషయాలు మనం ఖచ్చితంగా పాటించాల్సి ఉంది. ప్రతి ఒక్కరు చెడు దూరం చేసుకోవడానికి పూజ చేయడం చాలా మంచిది. ఏ కుటుంబం లో అయినా సరే ఎవరైనా వ్యక్తులు విపరీతమైన సమస్యలను లేదా కష్టాలను ఎదుర్కొంటుంటే వాళ్ళు ఖచ్చితంగా ఈ పూజ చేయాలి. ఏ వ్యక్తి అయితే సమస్యలు ఎదుర్కొంటున్నాడో ఆ వ్యక్తి చుట్టూ ఏడూ సార్లు ఎర్రటి మిరపకాయలను గుండ్రటి ఆకారంలో వేయాలి . ఇలా చేయడం వల్ల ఆ వ్యక్తి యొక్క కష్టాలన్నీ తొలగిపోయి, చెడు జీవితం నుండి వెళ్ళిపోతుందని చాలా మంది భావిస్తారు.

భోగి మంటలు వేయడం :

చెడుని జీవితం నుండి పూర్తిగా పారద్రోలడానికి, పూజ అయిపోయిన తర్వాత ఆ మిరపకాయలన్నింటిని తీసి భోగి మంటలో వేయాలి. వేసిన తర్వాత ఆ మంటను వెనక్కి తిరిగి చూడకుండా ఇంటికి వెళ్లిపోయాలి. ఇలా చేయమనడానికి కారణం ఏమిటంటే, అక్కడే గనుక ఉంటే కళ్ళు విపరీతంగా మండుతాయి. ఇటువంటి పనులని ఏదైనా ఏకాంత ప్రదేశాలు లేదా మనుష్యులు లేని ప్రదేశాల్లో చేయడం మంచిది.