జాతీయ చేనేత దినోత్సవం ఎందుకు జరుపుకుంటారో తెలుసా...

సోషల్ మీడియాలో..

ఈ సంవత్సరం కరోనా కారణంగా చేనేత దినోత్సవ వేడుకలను సోషల్ మీడియా ద్వారా జరుపుకోవాలని కేంద్రం నిర్ణయించింది. కేంద్ర మంత్రులు, లెఫ్టినెంట్ గవర్నర్లు, ముఖ్యమంత్రులు, పార్లమెంటు సభ్యులతో పాటు ప్రముఖ పరిశ్రమలు తమ సోషల్ మీడియా అకౌంట్ల ద్వారా చేనేత సంఘాలకు సంఘీభావం తెలపాలని నిర్ణయించింది.

ఎగ్జిబిషన్ లేదని..

కరోనా మహమ్మారి కారణంగా చేనేత వస్త్రాల ప్రదర్శన లేదా చేనేత మేళా వంటి సాంప్రదాయ కార్యక్రమాన్ని నిర్వహించేమని కేంద్రం స్పష్టం చేసింది. అయితే చేనేత కార్మికులు నిరాశ పడొద్దని, వారు నిరుత్సాహపడకుండా, తమ ఉత్పత్తులను ఆన్ లైనులో విక్రయించే అవకాశాన్ని కల్పించాలని మంత్రిత్వ శాఖ నిర్ణయించింది.

వర్చువల్ ఫెయిర్..

‘ఆత్మ నిర్భర్ భారత్' పథకానికి కూడా ప్రోత్సాహాన్నిచ్చే ఒక దశలో, చేనేత ఎగుమతి ప్రమోషన్ కౌన్సిల్ వర్చువల్ ఫెయిర్ ను నిర్వహిస్తుంది. ఇందులో దేశవ్యాప్తంగా 150 మందికి పైగా చేనేత కార్మికులు పాల్గొంటారు.

ఈ తేదీలలో

ఇండియన్ టెక్స్ టైల్ స్కోరింగ్ ఫెయిర్ అని పిలువబడే వర్చువల్ ఫెయిర్ ఆగస్టు 7, 10, 11వ తేదీలలో ఓపెన్ చేయనున్నారు. ఇందులో అంతర్జాతీయ కొనుగోలుదారులు కూడా పాల్గొంటారు.

‘నా చేనేత పోర్టల్’

చేనేతల కోసం వర్చువల్ ఫెయిర్ ఒక్కటే కాదు.. చేనేతల మార్క్ పథకం కోసం ఒక యాప్ మరియు కొత్త వెబ్ సైట్ కూడా ప్రారంభించనున్నారు. దీనికి ‘నా చేనేత పోర్టల్'కూడా ప్రారంభించనున్నారు.

దేశానికి ప్రతీకగా చేనేత వస్త్రాలు..

మన చేనేత వస్త్రాలకు దేశవ్యాప్తంగా మంచి డిమాండ్ ఉంది. చేనేత వస్త్రాలు 18వ శతాబ్దం నుండే అందుబాటులో ఉన్నాయి. ఇవి రాజకీయ మరియు దౌత్యపరమైన సంబంధాలకు కూడా బాగా ఉపయోగపడుతున్నాయి. అందులో భాగంగా 2015లో అమెరికా మాజీ అధ్యక్షుడు ఒబామా భార్య మిచెల్ ఒబామా.. 2017లో ఇవాంకా ట్రంప్ కు చేనేత వస్త్రాలనే బహుమతిగా ఇచ్చారు.

ఫ్యాషన్ షోలలో కూడా..

ఇంతకుముందు ఫ్యాషన్ షోలలో కేవలం విదేశీ వస్త్రాల గురించే ప్రచారం చేసేవారు. అయితే ఇప్పుడు ప్రత్యేకంగా చేనేత వస్త్రాలపై ఎక్కువ ఫోకస్ పెడుతున్నారు. ఇటీవల కాలంలో హైదరాబాద్ వంటి ప్రాంతాల్లో జరుగుతున్న ఫ్యాషన్ షోలలో నేతన్నలతో రూపొందించిన వస్త్రాల శైలిని ప్రదర్శించడం అందుకు ఉదాహరణగా చెప్పొచ్చు. ఇప్పుడు మన చేనేత కళాకారులు కూడా ఆధునిక శైలితో పోటీ పడే విధంగా ఈ షోలు ప్రోత్సాహాన్ని ఇస్తున్నాయి.

లాక్ డౌన్ ప్రభావం..

మరోవైపు కరోనా మహమ్మారి, లాక్ డౌన్ ప్రభావం చేనేత కార్మికులపైనా తీవ్రంగానే పడింది. లాక్ డౌన్ కారణంగా చేనేత కార్మికులు పూర్తిగా డీలా పడిపోయారు. లాక్ డౌన్ తర్వాత పరిస్థితులు ఎలా ఉంటాయో ఎవ్వరికీ తెలియదు.