World Rose Day 2021:రోజ్ డేకు, క్యాన్సర్ రోగులకు ఉన్న సంబంధమేంటో తెలుసా...

రోజ్ డే చరిత్ర..

ప్రతి సంవత్సరం సెప్టెంబర్ 22వ తేదీన మెలిండా రోజ్, కెనడా జ్ణాపకార్థం గులాబీ దినోత్సవాన్ని జరుపుకుంటారు. ఆమె క్యాన్సర్ బారిన పడినప్పటికీ, తను ఎంతో ధైర్యంగా మరియు శక్తి సామర్థ్యాలతో సుమారు ఆరు నెలల పాటు జీవించింది. ఈ ఆరు నెలల్లో తను క్యాన్సర్ ను ఓడించాలనే ఆశను అస్సలు వదులుకోలేదు.

2021 రోజ్ డే థీమ్..

తను క్యాన్సర్ రోగంతో బాధపడుతున్నప్పటికీ, క్యాన్సర్ రోగులతో సంతోషంగా గడిపారు. వారి జీవితంలో కొంత సంతోషాన్ని తీసుకురావడానికి చిన్న ప్రయత్నం చేశారు. తన వంతు ప్రయత్నంగా అందరికీ ప్రేరణనిచ్చే కవితలు, సందేశాలు, ఇ-మెయిల్ చేశారు. అందుకే ఆమె మరణించిన సెప్టెంబర్ 22వ తేదీన తన జ్ణాపకార్థం వరల్డ్ రోజ్ డే జరుపుకుంటారు. 2021లో వరల్డ్ రోజ్ డే థీమ్ ఏంటంటే.. ‘ఐ యామ్ అండ్ ఐ విల్'.

ఉత్సాహం కోసం..

ప్రపంచ వ్యాప్తంగా ఎవరైతే క్యాన్సర్ వ్యాధితో పోరాడుతుంటారో.. వారిలో ఆశ మరియు ఉత్సాహాన్ని వ్యాప్తి చేసేందుకు ఈరోజు అంకితం చేయబడింది. ఎందుకంటే దాదాపు అన్ని క్యాన్సర్ చికిత్సలలో శారీరక నొప్పి ఎక్కువగా ఉంటుంది. కాబట్టి క్యాన్సర్ రోగులను సంతోషంగా ఉంచడం అనేది చాలా ముఖ్యం. ఈరోజును జరుపుకోవడం యొక్క ముఖ్య ఉద్దేశ్యం క్యాన్సర్ తో పోరాడే వ్యక్తులు సంతోషంగా జీవించడానికి మరియు వారి జీవితంలో ఆనందం కలిగించడానికి ప్రేరేపించడం, ప్రతి ఒక్కరికీ క్యాన్సర్ పై అవగాహన కల్పించడం. అందుకే ‘వరల్డ్ రోజ్ డే' రోజున క్యాన్సర్ వంటి ప్రాణాంతక వ్యాధితో పోరాడే శక్తిని అందించడానికి క్యాన్సర్ రోగులకు గులాబీని ఇస్తారు.

జీవితం ఇంకా ఉందని..

ఈరోజున గులాబీ పూలు ఇవ్వడం ద్వారా జీవితం అప్పుడే అయిపోలేదని.. ఇంకా జీవితం చాలా ఉందని సందేశం ఇవ్వబడింది. వరల్డ్ రోజ్ డే సందర్భంగా వారిలో ధైర్యాన్ని నింపే ప్రయత్నం చేశారు.