For Quick Alerts
ALLOW NOTIFICATIONS  
For Daily Alerts

    పని చేసే చోట 10 భిన్న వ్య‌క్తిత్వాలున్న స‌హోద్యోగులు

    By Sujeeth Kumar
    |

    ఎవ‌రో మ‌హానుభావుడు ఊర‌కే అన‌లేదు! స్నేహితుల‌ను ఎంచుకునే స్వేచ్ఛ మ‌న‌కుంది, కుటుంబాన్ని మాత్రం ఎంచుకోలేం. అదే విధంగా మ‌న‌కు కావ‌ల్సిన సంస్థ‌లో ప‌నిచేసే అవ‌కాశం మ‌న‌కుంటుంది, ఐతే స‌హోద్యోగుల‌ను మాత్రం ఎంచుకోలేం.

    చాలా మంది ఇష్టంలేని ఎవ‌రో ఒక‌రి కిందో, క‌లిసో ప‌నిచేయాల్సి వ‌స్తుంది. అందుకే ఉద్యోగంలో ఎప్పుడూ అసంతృప్తే.

    different types of colleagues

    కొలీగ్స్ మ‌న‌కు ప‌డ‌నివాళ్ల‌యితే వారి విష‌యంలో మ‌న‌మేం చేయ‌లేం. వారు ఉద్యోగంలోంచి వెళ్లిపోయేంత వ‌ర‌కు మ‌నం వారిని భ‌రించాల్సిందే. రోజు వారిని టాల‌రేట్ చేయ‌క త‌ప్ప‌దు. ఇక ఆఫీసులో ర‌క‌ర‌కాల కొలీగ్స్ గురించి తెలుసుకుందాం.

    1. వాగుడుకాయ‌లు

    1. వాగుడుకాయ‌లు

    అతి వాగే వ్య‌క్తులు ప్ర‌తి ఆఫీసులోనూ తార‌స‌ప‌డుతుంటారు. వీరికి స‌మ‌యం విలువ బొత్తిగా తెలియ‌దు. క‌నీసం మీ మూడ్‌ను, సీరియ‌స్‌గా ఉన్న విష‌యాన్ని ప‌ట్టించుకోకుండా వాగుతూనే ఉంటారు. నెగిటివ్ ధోర‌ణిలో ఆలోచించే వాళ్లుంటే వీళ్ల‌తో మ‌రింత డేంజ‌ర్‌!

    2. అడ్డుప‌డేవారు

    2. అడ్డుప‌డేవారు

    ఇలాంటి వ్య‌క్తులు తాము ప‌ర్‌ఫెక్ట్ అని న‌మ్ముతుంటారు లేదా బాస్ త‌ర్వాత బాస్ అంత‌టి వాళ్ల‌మ‌ని ఫీల‌వుతుంటారు. ఇలాంటి వారు ప్ర‌తి విష‌యంలోనూ త‌ల దూరుస్తారు. వాళ్లు ప్ర‌తిదానికీ మోకాల‌డ్డం ప‌డ‌టం వ‌ల్ల మీ టెంప‌ర్ తెగొచ్చు. ఇలాంటి వాళ్లు ఎప్పుడూ ఇత‌రుల ఆత్మ‌విశ్వాసాన్ని పోగొట్టేందుకు చూస్తుంటారు. వాస్త‌వానికి వీరిలో అభ‌ద్ర‌తా భావం ఎక్కువ‌. ఇలాంటి వాళ్ల‌కు వారు కోరుకున్న దానికంటే ఎక్కువ స‌మాచారం ఇవ్వ‌డం ఒకందుకు మీకు మంచిదే.

    3. ఓవ‌ర్ క‌మిట్ అయిన కొలీగ్‌

    3. ఓవ‌ర్ క‌మిట్ అయిన కొలీగ్‌

    ఇలాంటి కొలీగ్స్ మీరు చేసిన ప్ర‌తి ప‌ని అప్ టు ద మార్క్ లేద‌ని ఫీల్ అయ్యేలా చేస్తారు. వాళ్లు చేయాల్సిన దానికంటే ఎక్కువ‌గా చేసేసి పై అధికారుల మెప్పు పొందేందుకు ప్ర‌య‌త్నిస్తారు. ఇలాంటి వారి వ‌ల్ల మీకూ ప‌ని భారం, ఒత్తిడి పెరుగుతాయి. ఇలాంటివాళ్లు ఆఫీసు నుంచి ఆల‌స్యంగా వెళ‌తారు, ఇది మీకూ అల‌వాటుగా మారొచ్చు!

    4. మాజీ ఉద్య‌గులు

    4. మాజీ ఉద్య‌గులు

    మీరేదైనా సంస్థ‌లో ప‌నిచేస్తుంటే కొత్త‌వాళ్లు వ‌స్తుంటారు, పాత వాళ్లు వెళ్లిపోతుంటారు. ఎవ‌రైనా మీకు స‌న్నిహితంగా ఉన్న‌వాళ్లు తొంద‌ర్లోనే సంస్థ‌ను వీడి వెళుతుంటే.. మీ బాస్‌కు మీ పైన కూడా ప్ర‌తికూల ప్ర‌భావం ఉంటుంది. ఆఫీసులో ఇలాంటి వారితో కాస్త దూరంగా ఉండ‌ట‌మే మంచిది. కావాలంటే బ‌య‌ట స‌న్నిహితంగా మెల‌గొచ్చు.

    5. కూల్ గా ఉండేవారు

    5. కూల్ గా ఉండేవారు

    ఆఫీసులో అన్నింటికంటే కూల్‌గా ఉండే వ్య‌క్తులు ఒక‌రో, ఇద్ద‌రో ఉండ‌నే ఉంటారు. వీళ్ల‌తో గ‌డిపే ప్ర‌తి క్ష‌ణం ఉత్సాహ‌భ‌రితంగా ఉంటుంది. వీళ్లు సంస్థ‌కు చెందిన ప్ర‌తి నియ‌మాన్ని తెంచేందుకు చూస్తుంటారు. ఐతే వీరిని ఆద‌ర్శంగా తీసుకోవ‌డం ఏమంత మంచిది కాదు. వీళ్లు ఆఫీసుకు లేట్‌గా రావ‌డం గ‌మ‌నించే ఉంటారు. అంతే కాక బాస్ తో ఎప్పుడూ గొడ‌వ‌లే. ప్ర‌తి కొలీగ్‌ను ఫ్ల‌ర్ట్ చేస్తూ క‌నిపిస్తారు. వీళ్ల‌ను చూసి నేర్చుకోవ‌ద్దు, అది మీ కెరీర్‌కు ముప్పుగా మారొచ్చు.

    6. అదృష్ట‌వంతులు

    6. అదృష్ట‌వంతులు

    కొంద‌రు ఉద్యోగుల‌కు అంత‌గా నైపుణ్యాలు ఉండ‌వు. అయినా కూడా టాలెంట్ ఉన్న‌వారితో పోలిస్తే త్వ‌ర‌త్వ‌ర‌గా ప‌దోన్న‌తి పొందుతారు. వాళ్ల‌తో అస్స‌లు పోల్చుకోవ‌ద్దు. మీ కాన్ఫిడెన్స్‌ను దెబ్బ‌తీయ‌గ‌ల‌దు. కొంద‌రికి అదృష్టం చాలా ర‌కాలుగా క‌లిసి వ‌స్తుంది. ఇదీ అలాంటిదే అనుకోండి. మీ ప‌ని మీరు సిన్సియ‌ర్‌గా చేసుకుంటూ వెళ్లండి, ఫ‌లితాలు అవే వ‌స్తాయి.

    7. గాసిప‌ర్స్‌

    7. గాసిప‌ర్స్‌

    ప్ర‌తి ఆఫీసులో ఒక‌రో ఇద్ద‌రో గాసిప్‌లు చెప్పేవారు ఉంటారు. వీళ్ల‌కు ప్ర‌తి ఉద్యోగి గురించిన ర‌హ‌స్యాలు తెలుస్తాయి. ఇలాంటి వారితో జాగ్ర‌త్త‌గా ఉండాలి. వాళ్ల‌తో ఏ కొంచెం తేడాగా మాట్లాడినా పెద్ద ఇర‌కాటంలో ప‌డ‌తారు. ఇత‌రుల గురించి గాసిప్స్ చెబుతున్నారంటే మీ గురించీ మ‌రొక‌రికి చెబుతున్నార‌నే అర్థం.

    8. ఆశ‌యం ఉన్న‌వారు

    8. ఆశ‌యం ఉన్న‌వారు

    ఇలాంటి విభాగంలో చాలా త‌క్కువ మంది ఉంటారు. వీళ్ల‌కి నైపుణ్యాలు, ఆశ‌యాలు, అదృష్టం అన్నీ క‌ల‌గ‌లిసి వస్తాయి. ఇత‌రుల‌తో పోలిస్తే త్వ‌ర‌త్వ‌ర‌గా ప్ర‌మోష‌న్ వ‌చ్చేస్తుంది. వీళ్ల‌కు మంచి ఫోక‌స్ ఉంటుంది. ఫ్యూచ‌ర్‌లో బాస్ అయ్యే ల‌క్ష‌ణాలు క‌నిపిస్తాయి. ఇలాంటి ల‌క్ష‌ణాలున్న కొలీగ్స్‌ను సుల‌భంగా గుర్తుప‌ట్ట‌వ‌చ్చు ఎందుకంటే ఎప్పుడూ ఇత‌రుల‌తో క‌ఠినంగా వ్య‌వ‌హ‌రిస్తారు.

    9. గూఢ‌చారులు

    9. గూఢ‌చారులు

    ప్ర‌తి ఆఫీసులో క‌నీసం ఒక గూఢ‌చారి ఉంటాడు. వీళ్లు బాస్‌కు ప్రీతిపాత్రులు. ప్ర‌తి ఒక్క‌రి ప‌నిలో క‌ల‌గ‌జేసుకోవ‌డం వీరి నైజం. బాస్ స‌పోర్ట్ కూడా వీరికి మెండుగా ఉంటుంది. ఇలాంటి గూఢ‌చ‌ర్య‌త్వం చేయ‌డం బాస్‌కు సైతం న‌చ్చుతుంది. మీతో వారికి ఎలాంటి ప‌ని ఉండ‌క‌పోవ‌చ్చు ఐనా మీరు ఏం చేస్తున్నార‌నే దాన్ని తెలుసుకోవాల‌నే ఉబ‌లాటం ఉంటుంది.

    10. ప‌ని చేస్తున్న‌ట్టు న‌టించేవాళ్లు

    10. ప‌ని చేస్తున్న‌ట్టు న‌టించేవాళ్లు

    ఇలాంటి వారు మిమ్మ‌ల్ని బాగా ఇరిటేట్ చేయ‌వ‌చ్చు. ఇలాంటి వారి వ‌ల్ల మీకు ఫ్ర‌స్టేష‌న్ రావొచ్చు. ఎలాంటి ప‌ని వీరికుండ‌దు, ఐనా తామంతా ఒక్క‌ర‌మే ప‌ని భార‌మంతా మోస్తున్న‌ట్టు న‌టిస్తారు. ఇలాంటి వారు త‌మ విధులకు త‌గ్గ‌ట్టుగా అంత‌గా ప‌నిచేయ‌రు స‌రికదా రోజంతా ఇంట‌ర్నెట్‌తో గ‌డిపేస్తారు. నెల చివ‌ర‌కొచ్చేస‌రికి మీకెంత జీతం వ‌స్తుందో వారికీ అంతే వ‌స్తుంది. ఈ విష‌యంలో చూసీ చూడ‌న‌ట్టు ఉండ‌డం త‌ప్ప ఏమీ చేయ‌లేరు.

    English summary

    Different Types Of Colleagues We All Meet In Office

    There is nothing you can do about your colleagues if they are the worst kind of people, unless you don't have to mingle with them more or they get fired from their job. So, what can you do about your colleagues who are impossible to tolerate? You will only have to tolerate them.
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more