ముక్కులో నుంచి నోట్లో నుంచి పొగలు కక్కించడమే ఇప్పుడు వైరల్ ట్రెండ్ డ్రాగన్స్ బ్రీత్ గురించి తెలుసా?

గుప్పు గుప్పు మంటూ పొగను వదలడమే...

నోట్లో నుంచి ముక్కలో నుంచి గుప్పు గుప్పు మంటూ పొగను వదలడమే డ్రాగన్ బ్రీత్ ట్రెండ్ ఉద్దేశం. అయితే సిగరెట్ తాగి కాదులెండి. నైట్రోజన్‌ లో క్యాండీ లను ముంచి వాటిని తింటూనే ఇలాంటి పొగను ముక్కులో నుంచి నోటిలో నుంచి వదులుతూ ఆ వీడియోలను ఇప్పుడు సోషల్ మీడియాలో పోస్ట్ చేస్తోంది యువత.

ఆరోగ్యానికి చాలా ప్రమాదకరం

దీనికి డ్రాగన్స్ బ్రీత్ అని పేరు పెట్టారు. అయితే ఇలా చేయడం ఆరోగ్యానికి చాలా ప్రమాదకరం. దీనివల్ల నోటిలో ఉండే సున్నితమైన అవయవాలు దెబ్బతింటాయి. అయితే ఇప్పటికే ఈ ట్రెండ్ మొదలవ్వడంతో కొన్ని చోట్ల ప్రభుత్వాలు హెచ్చరికలు జారీ చేశాయి.

అనారోగ్యాల బారినపడతారు

పఫ్ లను లిక్విడ్ నైట్రోజన్‌ లో ముంచుకుని తినడం వల్ల చాలా అనారోగ్యాల బారినపడే అవకాశం ఉంది. లిక్విడ్ నైట్రోజన్ వల్ల స్కిన్ తో పాటు శరీరంలోని కొన్ని అవయవాలు దెబ్బతింటాయి. అంతేకాదు శరీరానికి ఆక్సిజన్ కూడా సరిగ్గా అందని పరిస్థితి ఏర్పడుతుంది.

డేంజర్ ప్రయోగాలు చేయొద్దు

అయినా కొందరు ఈ సూచనలన్నీ బేఖాతర్ చేస్తూ ఇలాంటి ప్రయోగాలు చేస్తూనే ఉన్నారు. అయితే కొన్ని రోజుల క్రితం ఫ్లోరిడా లోని ఒక చిన్నారి ఇలా చేయడం వల్ల హాస్పిటల్ పాలయ్యాడు. అందువల్ల ఇలాంటి డేంజర్ ప్రయోగాలు చేయొద్దని నిపుణులు సూచిస్తున్నారు.