పంది కడుపున పిల్లవాడు అస్సలు నిజం కాదు, అది ఇటలీకి చెందిన ఒక బొమ్మ, వాస్తవం తెలుసుకోండి

బ్రహ్మంగారు చెప్పిందే నిజమైంది

మన రెండు రాష్ట్రాల పాటు ఈ ప్రచారం పక్క రాష్ట్రాలకు కూడా పాకింది. అందరూ కూడా నిజంగా బ్రహ్మంగారు చెప్పిందే నిజమైంది అని అనుకున్నారు. కొన్ని వెబ్, యూట్యూబ్ ఛానెల్స్ లలో కూడా ఇది నిజమంటూ ప్రచారం చేశారు.

అదంతా కూడా అబద్దమే

అసలు విషయం ఏమిటంటే అదంతా కూడా అబద్దమే. ఇది ప్రపచం మొత్తం కూడా ఒక్కో చోట ఒక్కో రకంగా దుష్ప్రచారం అయ్యింది. పందికి మనిషి పుట్టాడని ప్రచారం చేశారుగానీ.. వాస్తవానికి అది ఒక బొమ్మ మాత్రమే. సిలికాన్ తో అందమైన బొమ్మలను తయారు చేయడంలో మగానుకో లైరా అనే కళాకారిని దిట్ట. ఈమెది ఇటలీ.

వింత జీవి ఆకారంలోని బొమ్మను తయారు చేసి

ఈ క్రమంలోనే లైరా ఒక వింత జీవి ఆకారంలో ఉన్న బొమ్మను తయారు చేసింది. ఆ బొమ్మను ఆన్ లైన్ లో అమ్మకానికి పెట్టేందుకు గాను దాన్ని రకరకాలుగా ఫొటోలు తీసింది. పడుకున్న పంది పక్కన కూడా ఆ బొమ్మను పెట్టి ఫొటోలు తీసింది. అయితే ఈ ఫొటోలు నెట్ లోకి రావడంతో కొందరు ఆకతాయిలు దానిపై దుష్ర్పచారం చేశారు.

ఒక్కొక్కరు ఒక్కోరకంగా

కొందరు ఈ సంఘటన యాదాద్రిలో జరిగిందని, మరికొందరు తిరుపతిలో జరిగిందని, ఇలా ఒక్కొక్కరు వారికి ఏ ఊరు దగ్గర ఉంటే ఆ పేరు పెట్టి సోషల్ మీడియాలో ఈ ఫొటోలను అందరికీ పంపారు. ఇలాంటి విషయాలను చదువుకున్న వారు కూడా నమ్మేస్తున్నారు.

తెలుసుకుని షేర్ చేయండి

కాబట్టి సోషల్ మీడియాలో ఏదైనా ఇలాంటి విషయాలు వచ్చినప్పుడు దాని గురించి కాస్త తెలుసుకుని తర్వాత ఇతరులకు షేర్ చేయండి. ఎందుకంటే ఇలాంటి వాటి వల్ల కొన్ని సందర్భాల్లో అమాయకులు బలి అయిపోతున్నారు. కొన్నాళ్ల క్రితం పిల్లలను ఎత్తుకుని వెళ్లేవారు వచ్చారని జోరుగా ప్రచారం సాగడంతో ఆ సమయంలో చాలా మంది అమాయకుల ప్రాణాలు తీసేశారు.

Image credit(all pics)