ఇది కథ కాదు : కృత్రిమ ముక్కుతో జీవనం

సరదాగా ఆడిన ఆటే ఈ పరిస్థితికి కారణం:

తన పెంపుడు కుక్కతో ఆడుకుంటూ, సరదాగా దానిపైకి దూకిన సమయంలో, బెదురుతో ఆ కుక్క, జేన్ ముక్కును గాయపరచింది. కానీ ఈ పరిణామం గాయంతో ఆగలేదు, శరీరంలోని రోగ నిరోధక శక్తిని సైతం ప్రభావితం చేసే " వెజనర్స్ గ్రాన్యులోమాటోసిస్" అనే రోగానికి కూడా గురైంది.

నిజానికి ఈ విషయం గురించిన ఆలోచనను కూడా పక్కన పెట్టింది:

కుక్కలన్నాక గాయం చేస్తాయి, అది వాటి సహజ గుణం అన్న భావనతో తనకు తగిలిన గాయాన్ని కూడా పట్టించుకోలేదు జేన్. కానీ విచిత్రంగా 6 నెలల తర్వాత క్రమక్రమంగా ముక్కునుండి రక్తం కారడం, తద్వారా అనేక క్లిష్టపరిస్థితులను ఎదుర్కొనడం జరిగింది. వెంటనే తన పరిస్తితి గురించి నిపుణుల దృష్టికి తీసుకెళ్లింది.

డాక్టర్లు కూడా చేతులెత్తేశారు :

జేన్ పరిస్తితి చూసిన డాక్టర్లు, పరిస్తితి తీవ్రతరాన్ని చూసి ముక్కును తీసెయ్యడమే చివరి మార్గంగా సూచించారు. కానీ దానికన్నా ముందే "Wegener's granulomatosis" రోగాన్ని తగ్గించవలసిన అవసరం నెలకొంది. దీనికి సరైన సమయంలో చికిత్స ప్రారంభించకుంటే మరణానికి కూడా దారి తీసే పరిస్థితులు ఉంటాయి.

జీవితం ఇప్పుడిలా ...

జేన్ ఇప్పుడు కృత్రిమ ప్రోస్థేటిక్ ముక్కును కలిగి ఉంటుంది. దీనిని ప్రతిరోజూ రాత్రి వేళల నిద్రకు ఉపక్రమించే ముందు తీసివేసి, ఒక ప్లాస్టర్ ద్వారా ముక్కు రంద్రాలను కప్పి ఉంచుతుంది. ప్రతిరోజూ ఈ ముక్కు రంద్రాలను శుభ్రం చేయవలసి ఉంటుంది. దీనికి కారణం ప్రతి మనిషిలాగే మ్యూకస్ ఏర్పడుతుంది కాబట్టి. కానీ తన వరకు కాస్త క్లిష్టమైన ప్రక్రియే.

తన పరిస్థితి మీద తానే జోక్స్ వేస్తుంది:

ఇంతటి పరిస్తితి ఎదురైనా తన హాస్య చతురతను మాత్రం వీడలేదు జేన్. ఎప్పటికప్పుడు తుమ్మినప్పుడు తన ముక్కు ఎక్కడ పడిపోయిందో అందరికీ చెప్తూ నవ్విస్తూ ఉంటుంది. అనేకమంది చిన్న చిన్న విషయాలకు సైతం ఏదో కోల్పోయిన భావనలో గడుపుతుంటారు మరి, ఇంత పరిస్థితిని ఎదుర్కొన్న జేన్ హాస్యంతో భాధలను పక్కన నెట్టే ప్రయత్నం చేస్తుంది.

ఇప్పుడు జేన్ ఏం చేస్తుంది అంటే ... !

కీమోథెరపీ లాంటి ప్రక్రియలు అనేకం పూర్తి చేసుకున్నాక, అనేక కష్టాలను ఎదుర్కుని ఈ ప్రోస్థెటిక్ ముక్కును అమర్చుకున్న జేన్, ఈ ముక్కును నా నిజమైన ముక్కువలె ఎంతో ప్రేమిస్తున్నానని, కానీ ఇంతకు ముందు నా ముక్కు కాస్త పెద్దదిగా ఉండేదని, అందువలన తనను అందరూ concord అని పిలిచేవారని చెప్తుంటుంది.

మీ జీవితం మీకు నిమ్మకాయలను ఇస్తే, మీరు నిమ్మరసం చేసుకోండి . అంటూ తన భావాలను హాస్య చతురతని జోడించి చెప్తూ, అనేక సమస్యలతో కొట్టుమిట్టాడుతున్న వారిలో మానసిక బలాన్ని నింపే ప్రయత్నం చేస్తూ ఉంది జేన్.