లవ్ సింబల్ చరిత్ర తెలుసా, ఆకు నుంచి హార్ట్ సింబల్ వచ్చింది, చివరి సందేశం దానిపైనే

సైనికులకు ఎవ్వరికీ పెళ్లి కాకూడదు

అప్పట్లో రోమన్ క్లాడియస్ పరిపాలించేవాడట. అయితే తన సైనికులకు ఎవ్వరికీ పెళ్లి కాకూడదనేది అతని అభిమతం. అందుకే సైనికులు ఎవరూ పెళ్లి చేసుకోవొద్దని ఆదేశించేవాడు. కానీ చాలా మంది సైనికులు ప్రేమలో పడ్డారు. వారు మనసిచ్చిన అమ్మాయిలను మనువాడాలనుకునేవారు. కానీ రాజుకు తెలిస్తే చంపేస్తాడని భయం.

రాజుకు తెలియకుండా

అందుకే ఎవరూ పెళ్లి చేసుకునేవారు కాదు. కొన్ని వేల మంది సైనికులు ఇలా ఇబ్బందిపడేవారు. ఈ విషయం వాలెంటైన్ అనేటటువంటి ఒక సెయింట్కు తెలిసింది. ఆయన సైనికులకు ధైర్యం ఇచ్చాుడు. రాజుకు తెలియకుండా రహస్యంగా సైనికులకు వారు ఇష్టపడ్డ అమ్మాయిలతో పెళ్లిళ్లు జరిపించేవాడు.

వాలెంటైన్‌ను జైల్లో పెట్టించాడు

సైనికుల్లో వచ్చిన మార్పును రాజు గమనించాడు. అనుమానం వచ్చింది. అసలు విషయం తెలుసుకున్నాడు. వెంటనే సైనికులకు వివాహాలు చేయించిన వాలెంటైన్‌ను జైల్లో పెట్టించాడు. ఉరి శిక్ష విధించాడు. అయితే వాలెంటైన్ తాను మరణించే ముందు చివరకు ఒక సందేశాన్ని ఇవ్వాలనుకున్నాడు. కానీ ఎలా తన సందేశాన్ని పంపాలో తెలియలేదు.

సేల్ఫియం అనే చెట్టు ఆకులు

అయితే ఆయన ఉండే కారాగారం దగ్గర సేల్ఫియం అనే చెట్టు ఆకులు పడి ఉన్నాయి. సెల్ఫియం ఆకులు రావి చెట్టు ఆకుల మాదిరిగానే ఉంటాయి. వాటిపై తన సందేశం రాస్తాడు. "నేను సైనికుల జీవితాల్లో ప్రేమను నింపేందుకే వారికి వివాహాలు చేశాను. ప్రతి మనిషికి ప్రేమ అవసరం. అది లేకపోతే మనిషి మనుగడ ఉండదు. ప్రేమను విశ్వవ్యాప్తం చేయండి" అంటూ ఆకుపై బొగ్గుతో రాసి తన చివరి సందేశాన్ని పంపుతాడు. వాటిని కిటికీలో నుంచి బయటకు వేయడంతో అవి రోమ్ లోని ప్రజలకు చేరుతాయి.

ప్రేమకు చిహ్నాన్ని

తర్వాత అతన్ని ఉరి తీస్తారు. కానీ చనిపోయినా కూడా అతను చివరగా ఇచ్చిన సందేశం వల్ల ప్రజల్లో ఎప్పటికీ జీవించే ఉంటాడు. అయితే

వాలెంటైన్ చివరగా తన సందేశాన్ని రాసిన ఆకులు ఇప్పుడు మన లవ్ సింబల్ మాదిరిగా ఉండేవి. దీంతో ప్రేమకు చిహ్నాన్ని ఆ ఆకుల రూపం మారింది. ఇప్పుడు మనం ఉపయోగించే లవ్ సింబల్ అలాగే వచ్చింది.